Allar færslur Allir flokkar Sos Um félagið Úrskráning Lógó Spjallid@Vantru Póstfang Vantru@Facebook Vantru@Youtube Vantru@Twitter

Gildi ritningartexta og illir andar - viðtal við séra Bjarna Karlsson - seinni hluti

Í síðari hluta viðtalins við Bjarna Karlsson, Laugarneskirkjuprest, berst talið að því hvort ritningartexti aftan úr fornöld eigi eitthvert erindi við samtíð okkar. Þetta er m.a. rætt út frá fullyrðingum Nýja-testamentisins um tilvist illra anda. Spennandi samtal, en þögli farsíminn blandar sér áfram í umræðuna með ruddaskap, ofstæki og öfgum.

Ritstjórn 03.01.2010
Flokkað undir: ( Sunnudagaskólinn )

Viðbrögð


Reynir (meðlimur í Vantrú) - 03/01/10 16:37 #

Jesús var bara maður, þegar það hentar, guð, þegar það hentar. Þegar hann læknaði sjúka var það ekki vegna þess að þeir væru syndugir, en þó fyrirgaf hann syndir þeirra um leið. Þegar Jesús bannar hjónaskilnaði er hann að koma í veg fyrir að konur lendi á vergangi, þegar samkynhneigð er fordæmd er það í raun fordæming á kynferðislegu ofbeldi gegn börnum. Og presturinn efast meira að segja um upprisuna, sem ég hélt þó að væri grundvallaratriði í kristinni trú.

Bjarni Karlsson yrði fyrirtaks Freudisti, gæti túlkað drauma og taugaveiklun manna fram og til baka, út og suður. Eini gallinn við þetta allt saman er að túlkunin er handahófskennd, hentar ríkjandi tíðaranda hverju sinni og engin leið til að vega og meta hvaða túlkun er rétt og hver röng.

Það er engin spurning að Bjarni hefði verið úthrópaður villutrúarmaður af 99,9% þeirra sem aðhyllst hafa kristna trú og haldið henni á lofti fram á okkar daga, svo ekki sé minnst á ritunarmenn Biblíunnar.

Eina niðurstaðan sem ég fæ út úr þessu viðtali er að það er engin leið að átta sig á hvað Jesús, Páll eða Biblían meinar. Túlkunin virðist alfarið stjórnast af hyggjuviti og tíðaranda.

Afstaða hans finnst mér þó margfalt skynsamari en barnaskapur meirihluta þeirra ríkiskirkjupresta sem tjá sig. Og það er virðingarvert af honum að ræða málin hér á Vantrú.

Hins vegar ætti ríkið ekki að borga honum laun fyrir þessar pælingar hans og það er aðalatriði. Og ef hann vill kenna börnunum sínum allegoríur verður að hafa það, bara að þessu fólki gæti skilist að sumir kæra sig ekki um svona hundalógík og ættu ekki að þurfa að frábiðja sér að börnum þeirra sé innrættur þvættingur þeirra að þeim forspurðum (þ.e.a.s. sögurnar hráar).

Því það er enginn trygging fyrir því að geðslegar túlkanir á sögunum fylgi, heldur er allt eins líklegt, og í raun líklegra, að túlkun á þessum sögum verði nær því sem við þekkjum svo vel af sögu kristninnar; fáfræði, kvennakúgun, hómófóbía, gagnrýnisleysi, helvítishræðsla, syndavaðall o.s.frv.

Sýnið viðbrögð, en vinsamlegast sleppið öllum ærumeiðingum. Einnig krefjumst við þess að fólk noti gild tölvupóstföng, líka þegar notast er við dulnefni. Ef það sem þið ætlið að segja tengist ekki þessari grein beint þá bendum við á spjallborðið. Þeir sem ekki fylgja þessum reglum eiga á hættu að athugasemdir þeirra verði færðar á spjallborðið.

Hægt er að nota HTML kóða í ummælum. Tög sem virka eru: a href, b, i, u, br, p, strong, em, ul, li og blockquote. Einnig er hægt að notast við Markdown rithátt í athugasemdum. Notið skoða takkann til að fara yfir athugasemdina áður en þið sendið hana inn.










Muna þig?