Allar færslur Allir flokkar Sos Um félagið Úrskráning Lógó Spjallid@Vantru Póstfang Vantru@Facebook Vantru@Youtube Vantru@Twitter

Alþingismessa 2009

Er úrelt að halda Alþingismessu? Er það virkilega svo að þorri þjóðarinnar sé fylgjandi ríkiskirkjunni? Er ástandið í landinu útaf "helsi og hatri" og "hafís trúleysis" eins og Karl Sigurbjörnsson vill halda fram? Hlustið á jarmið, orðagjálfrið og sögufölsun töfralækna ríkiskirkjunnar í dómkirkjunni fyrir setningu alþingis.

Ritstjórn 08.10.2009
Flokkað undir: ( Kristindómurinn , Myndbönd , Stjórnmál og trú )

Viðbrögð


G2 - 08/10/09 09:43 #

Prestar og aðrir formælendur ríkiskyrkjunnar eru sennilega þeir sem mest róa undir útlendingahatri hérlendis. Í þeirra munni og huga er það hin svo kallaða 'fjölmenning' sem ógnar tilverurétti stofnunarinnar og því að ríkistrú sé í landinu. Þeim dettur ekki í hug að 'venjulegir' Íslendingar sjái nokkuð athugavert við ríkistrúna, heldur hljóti það að vera ljótu útlendingarnir, sem vilja kyrkjuna feiga. Þetta er fallegur boðskapur, eða hitt þó heldur.


Örninn - 08/10/09 11:40 #

Mér líður illa eftir að hafa horft á þetta. Hvernig dettur fólki í hug að trá einhverju og hvað þá bókstaflega úr þessari bronsaldarbók??


Kristján Hrannar - 08/10/09 15:59 #

Hvað sögufalsanir varðar þá jaðrar það við sögufölsun sú fullyrðing að Íslendingar hafi misst sjálfstæði sitt til hins kristna Noregskonungs 1262-64. (Vorum við ekki líka kristin? Þjóðríki er líka seinni tíma skilgreining.) A.m.k. er það margtuggin og að mínu mait úrelt söguskoðun þjóðernissinna. Hér logaði allt í illdeilum og ófriði, landið hefði e.t.v. getað klofnað með áframhaldandi hætti og margir halda því fram að friður hafi komist á með samningnum. Sumir ganga enn lengra og fullyrða að með gamla sáttmála hafi vísvitandi verið komið í veg fyrir að einver einn gæti sölsað undir sig allt landið og gerst kóngur yfir Íslandi, heldur með því að hafa konunginn í þægilegri fjarlægð væri hægt að koma í veg fyrir minna ofríki. Það er þó umdeilt.

Ég veit að þetta er ekki beint vettvangur sagnfræðilegra vangaveltna, en fannst rétt að benda á þetta fyrst myndbandið heldur slíku fram.


Jóhannes Proppé - 08/10/09 19:39 #

Ágætis punktar í þessu myndbandi en effektarnir voru yndislega hallærislegir.


Reynir (meðlimur í Vantrú) - 08/10/09 20:56 #

Hvað sögufalsanir varðar þá jaðrar það við sögufölsun sú fullyrðing að Íslendingar hafi misst sjálfstæði sitt til hins kristna Noregskonungs 1262-64. (Vorum við ekki líka kristin?..)

Hver er fölsunin? Misstum við ekki sjálfstæðið af því að við vorum (líka) kristin? Ég botna ekkert í þessari fullyrðingu.

Og af hverju logaði hér allt í illdeilum höfðingja, ekki síst kirkjuhöfðingja? Kemur valdastrúktúr kirkjunnar þar nokkuð við sögu? Landvinningar, skattlagning í guðs nafni?


Kristján Hrannar - 09/10/09 11:56 #

Ég sagði ekki að hvort þau hefðu verið kristin eða ekki á þessum tíma hafi skipt neinu máli. Heldur að þjóð eða þjóðríki var í rauninni ekki til á þessum tíma. Fólkið sem uppi var á sturlungaöld hafði engan sans fyrir því hvað það var að vera Íslendingur því slíkar skilgreiningar og hugtök voru í rauninni ekki til eins og við þekkjum það. Fólk hugsaði ekki sjálfstæði út frá þjóðríkjum, e.t.v. meira út frá einstaklingum, héruðum o.s.frv.


Reynir (meðlimur í Vantrú) - 09/10/09 13:32 #

Auðvitað var hugtakið "Íslendingar" til, þótt það hafi e.t.v. haft aðra merkingu. Sjálfstæði þekktu menn líka því það var einmitt það sem freistaði manna ekki síst hér, lausn undan ofríki konunga í Noregi.

Og af hverju felldu menn tár á Kópavogsfundinum? Við misstum stjórnina í hendur erlends konungs og menn gerðu sér ágæta grein fyrir því.

Sögufölsun er þetta ekki. Hins vegar er hún grímulaus fölsunin í ræðu prestsins, að hér hafi menn valið á milli gæsku og grimmdar þegar kristnitakan var í lög leidd.


Kristján Hrannar - 10/10/09 11:20 #

Úff, "tandem minis cessit lacrymans" fölsun Árna Magnússonar á Kópavogstárunum meintu er lífseig. En það er önnur saga.


Reynir (meðlimur í Vantrú) - 10/10/09 12:34 #

:) Nefndi þetta meinta táraflóð ekki að ástæðulausu.

Þetta er sama sagan, sem sýnir að það er ekki sama hvernig sagan er sögð eða skráð. Held við getum verið sammála um að sögutúlkunin í Dómkirkjunni var ekki upp á marga fiska.


Svanur Sigurbjörnsson - 11/10/09 12:28 #

Vá, talsvert lagt í þetta myndband og innihaldið mikilvægt. Þess má geta að lesa má um aðferðir kristniboðanna í bókinni "Guðirnir okkar gömlu" eftir Sölva Sveinsson, en á bls. 138 er þeim aðferðum lýst sem koma fram í myndbandinu.

Mér finnst það athyglisvert að presturinn skyldi fara út í svo ítarlega vörn fyrir messuhaldinu og þjóðkirkjuskipulaginu fyrir setningu Alþingis. Með alla þingmenn utan fjögurra og forsetahjónin í kirkjunni, þurfti Þjóðkirkjan samt að fara í vörn. Væri ekki nóg fyrir kirkjuna að kristnir þingmenn færu í messu til þeirra? Hvers vegna heldur þjóðkirkjan að hún geti einnig verið kirkja þeirra sem eru ekki kristnir?


Svanur Sigurbjörnsson - 11/10/09 12:52 #

Í myndbandinu: Karl Sigurbjörnsson biskup segir:

Faðir vor, þú sem ert á himnum. Vér felum þér Alþingi Íslendinga. Verði þinn vilji á jörðu sem og himni ...

Þetta er ótrúlegt. Alþingi er gefið guði inní faðirvorinu. Þetta rýkur af valdaþrá og eignarhaldi. Þó að Þjóðkirkjan sé stærsta kirkjan og með lengstu söguna, gefur það henni ekki rétt til að eigna sér Alþingi og segja sinn guð vera guð Alþingis. Þetta er verulega ógeðfellt að hlusta á.


frelsarinn (meðlimur í Vantrú) - 11/10/09 13:21 #

Þessu messuhaldi biskups var aðeins blandað saman til að spara tíma, en hann sagði áður en hann fór með faðir vorið að vildi fela guði alþingi sem er ansi sjúkt. Það mátast ágætlega inní faðir vorið og var skeitt þar inní.


Svanur Sigurbjörnsson - 11/10/09 14:33 #

Úps. Þetta má ekki gera; að blanda textanum saman hjá biskupi. Samhengi getur skipt máli og það er ekki rétt að láta það líta þannig út að hann hafi blandað orðum til Alþingis inní faðirvorið. Vissulega eru orðin hin sömu og nógu slæm eftir sem áður, en það þarf að gæta þess að afbaka ekki hlutina. Í framhaldi af þessu langar mig að spyrja hvort að eitthvað af þeim ræðubútum sem spilaðir eru í myndbandinu voru frá öðrum messum en þessari 1. október sl. í Dómkirkjunni?


frelsarinn (meðlimur í Vantrú) - 11/10/09 19:31 #

Það er vissulega umdeilanlegt að skeyta saman og stytta texta. Samsetningin er þó úr tveim bænum í sömu ræðu, fyrst þar sem Biskup vill fela Alþingi guði og svo faðir vorið á eftir. Þetta voru þetta allt hans orð, réttara sagt bænir til guðs. Hér eru messan: http://dagskra.ruv.is/ras1/4505366/2009/10/01/


Hanna Lára - 01/11/09 11:54 #

Gott band. Ætti að sjást hvarvetna og meira af slíku, takk. Mig langar samt að spyrja: Hvaða þingmenn fóru EKKI í þessa messu-pressu? Þá ber að heiðra sérstaklega fyrir vikið. Getur einhver upplýst þetta ?

Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.