Ein af lélegri klisjum síðustu ára sem fjölmiðlar hafa komið með er hið svokallaða "nýja guðleysi" eða "new atheism". Þessi klisja er tengd fjórum mikilvægum bókum sem komu út með stuttu millibili. Bækurnar eru The God Delusion eftir Richard Dawkins, God Is Not Great eftir Christopher Hitchens, The End of Faith eftir Sam Harris og Breaking the Spell eftir Daniel C. Dennett.
Á sunnudaginn næstkomandi klukkan 16:00 mun Daniel C. Dennett heiðra Íslendinga með návist sinni. Hann flytur fyrirlestur í Háskólanum í Reykjavík (Ofanleiti 2 - salur 101) sem mun þó væntanlega frekar vera tengdur kenningum hans um vitund (þó okkur skorti enn upplýsingar um efni fyrirlestrarins).
Það er líklega óhætt að mæla með þessum fyrirlestri fyrir alla sem eru áhugasamir um hvernig höfuðið á okkur virkar.
Nánari upplýsingar má finna hér á heimasíðu HR og einnig er hægt að sjá hverjir stefna á að mæta á viðburðarsíðu á Facebook.
Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.