Allar færslur Allir flokkar Sos Um félagið Úrskráning Lógó Spjallid@Vantru Póstfang Vantru@Facebook Vantru@Youtube Vantru@Twitter

Ágústínusarverðlaunin 2008 hlýtur...

Úrslit kosninga um Ágústínusarverðlaunin fyrir afrek í guðfræði eru ljós. Við þökkum lesendum okkar fyrir aðstoðina. Sjáum hverjir komust í efstu þrjú sætin.

Stjórnmálamenn eru áberandi á toppnum í ár enda voru þeir margir hverjir orðheppnir í umræðunni um kristilegt siðgæði, en hverjir sköruðu framúr?


Ég trú því að kærleikurinn komi frá kristninni [Silfur Egils]

3. Þorgerður Katrín, fyrrverandi ráðherra og fjárfestir

Þorgerður Katrín Gunnarsdóttir alþingismaður og þáverandi menntamálaráðherra lét þessi sérkennilegu orð falla í Silfri Egils. Gaman er að setja mannkynssöguna í samhengi við þessi orð Þorgerðar og þá sérstaklega sögu annara menningarheima en þess vestræna.

Við hin trúlausu, og þá væntanlega kærleikslausu, dáðumst að visku ráðherrans. Hún náði þó ekki að sigra fyrrverandi samráðherra sinn.


Það er ekki til neitt siðgæði í rauninni nema kristið siðgæði. [Á Alþingi 22.05.2008]

2. Guðni Ágústsson, fyrrverandi Alþingismaður

Þegar Guðni Ágústsson lét þessi orð falla í þingræðu um breytingar á grunnskólalögum, setti menn hljóða því sjaldan eða aldrei hafði slík speki hrokkið frá vörum Guðna Ágústssonar nema kannski þau sem hann hafði um stöðu konunnar back in the day. (Staða konunnar á að vera bak við eldavélina). Nokkuð var fjallað um orð Guðna meðal þeirra sem trúa ekki á að ósýnileg vera upp í himninum hafi nokkuð að gera með siðferði Homo Sapiens. Guðni reyndi síðar að breyta þessum orðum sínum í alþingistíðindum og fékk skammir fyrir úr öllum áttum.


En það þarf fagmann á toppinn.

Þegar Svarthöfði ákvað að taka þátt í furðufatagöngu ríkiskirkjunnar héldu flestir að um saklaust grín væri að ræða. Blaðaljósmynd af viðburðinum var meira að segja kosin sú skoplegasta í fyrra. Okkar maður uppgötvaði hins vegar að þetta væri stríðsyfirlýsing trúleysingja, sem myndu innan skamms ráðast á börn sem væru á leiðinni í sunnudagaskólann! Menn sem telja stétt sína svo merkilega að háð um þá sé næstum jafn hrikalegt og að ráðast að börnum.

Ein spurning sem vaknar varðar til dæmis friðhelgi, öryggi og trúfrelsi einstaklingsins. Hingað til hefur trúað fólk getað gengið til kirkju hér á landi án þess að að því sé vegið með ógnunum eða hæðni fyrir trú sína. Það sama á við um alla aðra trúarhópa – almennt virða menn rétt fólks til að stunda trú sína í friði.

Nú er slík friðhelgi rofin. Þó tilburðir Vantrúarmannsin í gerfi Svarthöfða hafi verið hlægilegir, þá réðst hann að friðhelgi og trú yfir 90% landsmanna þegar hann hæddist að krossinum og brá fyrir hann sverði sínu. Og geta menn treyst því að næst verði ekki vegið að prestum og kirkjufólki með alvarlegri hætti? Eða fólki úr öðrum söfnuðum? Eiga múslímar á hættu aðkast við föstudagsbænir sínar? Verður sumarblóti ásatrúarmanna hleypt upp?

Er á það hættandi að senda börnin ein í sunnudagaskólann næsta haust?

Verður setið fyrir þeim? #

1. Þórhallur Heimisson, ríkiskirkjuprestur og Wikipediu-fræðingur

Við óskum Þórhalli til hamingju og vonum að hann sjái sér fært að taka við verðlaunagrip við tækifæri. Við getum líka hlakkað til að sjá hann á Alþingi á næsta kjörtímabili og þá er ekki ólíklegt að við fáum þar fleiri gullkorn.

Að lokum er rétt að birta aftur hið stórskemmtilega myndskeið af Svarthöfða og samriddurum hans.

Ritstjórn 31.03.2009
Flokkað undir: ( Ágústínusarverðlaunin )

Viðbrögð


Jón Yngvi - 31/03/09 09:15 #

Svarthöfði hlýtur að sitja fyrir Þórhalli með verðlaunin.


Svanur Sigurbjörnsson - 31/03/09 09:56 #

Hæ Annað gullkorn Guðna Ágústssonar í desember 2007 kom fram í Kastljósþætti þar sem hann var að andmæla breytingum á lögum um grunnskóla og var andmælandi Þorgerðar Katrínar, sem þið gefið hér bronsverðlaun.
Guðni var spurður af stjórnanda þáttarins, "Hvað er kristið siðgæði?" Guðni svaraði eftir smá hik: "Kristið siðgæði er að vernda hagsmundi þjóðkirkjunnar".
Setji maður þessi tvö spakmæli hans saman, fæst sú niðurstaða að hið eina siðgæði er að vernda hagsmuni þjóðkirkjunnar. Karl Sigurbjörnsson biskup má vera stoltur af Guðna, sem bryður nú ekki lengur pulsur í erindagjörðum hins opinbera.


Teitur Atlason (meðlimur í Vantrú) - 31/03/09 12:50 #

það er líka gaman að því að um 120 þúsund manns hafa sér myndbandið á YouTube.. :)


Óli Gneisti (meðlimur í Vantrú) - 31/03/09 13:33 #

Það er reyndar rangt hjá þér. Ég hef persónulega horft á þetta myndskeið oftar en einu sinni þannig að ég er talinn oft þarna. Það eru samt margir sem sýna samstarfsfólki og heimilismönnum svona og því er það fólk vantalið. Aftur á móti stal FailBlog þessu og þar hefur þetta verið opnað ríflega milljón sinnum.


Ingvi - 31/03/09 14:39 #

Þetta er nú meiri regin snilldin hjá öllu þessu fólki. Ég vil óska þeim ynilega til hamingju með að vera skólabókadæmi um fólk sem ekki á að gegna ábyrgðastöðu í samfélagi okkar...


Baldur - 01/04/09 18:53 #

Það sem Þórhallur Heimisson sagði lætur mér líða illa enda var ég búinn að plana það að sitja fyrir litlum krökkum á sunnudögum og stökkva svo út úr runna otandi puttanum og hlæjandi að þeim.

En ef ég geri það núna þá mun Þórhallur geta sagt "tóldjúsó", og það vil ég ekki.


Kási - 05/04/09 00:03 #

þetta er tær snilld :)

Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.