Níu ára stúlku í Brasilíu var nauðgað af stjúpföður sínum og varð ólétt af tvíburum. Það þarf ekki læknismenntun til að sjá að þungunin sjálf er stórhættuleg fyrir barnið. Fóstrunum var eytt til að vernda líf stúlkunnar. Kaþólska kirkjan hefur bannfært læknana og móðurina en ekki stjúpföðurinn.
Þarf þessi grein að vera lengri?
NB, ég er fyrsti Óskarinn en ekki síðari, hér eftir mun ég greina mig frá hinum með (ORK)
Umfjöllun mbl. um stúlkuna og prestinn er hér.
Umfjöllun mbl. um vatíkanið er hér.
Þetta er með því viðbjóðslegasta sem ég hef nokkurn lesið eða heyrt af. Fólk má vera á móti fóstureyðingum mín vegna, truflar mig ekki. Það sem hins vegar truflar mig afar mikið er að fólk skuli virkilega ekki sjá nauðsyn þess að 9 ára gömul 34 kg stúlka fari í fóstureyðingu sem er henni fyrir bestu, AUGLJÓSLEGA! Sér í lagi þegar ljóst er að hún gengur með tvíbura undir belti.
Er ekki kaþólska kirkjan eitthvað sem Þorgerður fyrrv. menntamálaráðaherra er stoltur af því að tilheyra? Man það einhver hvort hún sagði þetta ekki örugglega?
Þorgerður Katrín í Silfri Egils:
Ég trú því að kærleikurinn komi frá kristninni.
Einnig má nefna að Björn Bjarnason, fyrrverandi dóms- og kirkjumálaráðherra sagði á bloggsíðu sinni:
Ég er veikur fyrir katólskunni, þótt ekki hafi ég konverterað.
Ætli núverandi ráðamenn séu veikir fyrir svona löguðu?
"It is a sad case but the real problem is that the twins conceived were two innocent persons, who had the right to live and could not be eliminated" - Cardinal Giovanni Battista Re
Tekið héðan
Furðulegt viðhorf.
Jón Valur reynir eitthvað að svara mér (á sinn hátt, þ.e.a.s. með því að svara ekki) hérna.
Aðeins trúarbrögð fá ágætlega gefið fólk og vel meinandi til að koma með fram þennan viðbjóð sem kaþólska kirkjan hefur nú enn eina ferðina haldið fram.
Þjóðkirkjan stendur í vegir fyrir einni hjónabandslöggjöf hér á landi og nýtur fjárhagslegra og félagslegra forréttinda. Lesendur sem búa í Kraganum styðjið framboð mitt dagana 12.-14. mars til að afnema þetta óréttlæti!
Gefum okkur að fóstureyðingar séu morð. Það hlýtur þá að vera viðlíka morð að bjarga ekki lífi þessarar stúlku. Nema það sé svona líka ginnungagap milli aktífs morðs og passífs morðs.
Kannski þessir menn kunni eftir allt að skammast sín.
Já, en ætli þeir hefðu gert þetta án þess griðarlega þrýstings sem varð? Ég efast um það. Ef við lifðum í heimi þar sem trúarbrögð mætti í gagnrýna hefði þetta væntanlega farið á annan veg.
Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.
Óskar - 09/03/09 10:56 #
neibb.