Allar færslur Allir flokkar Sos Um félagið Úrskráning Lógó Spjallid@Vantru Póstfang Vantru@Facebook Vantru@Youtube Vantru@Twitter

Gröðrúrbat

Höfundur: Richard Dawkins

Gröðrúrbat (enskt heiti Geriniol eða Gerin Oil) er áhrifaríkt og kröftugt lyf sem virkar beint á miðtaugakerfið og framkallar mörg og ólík viðbrögð. Oft tengjast þessi viðbrögð andfélagslegri hegðun og hafa oft og tíðum sjálfseyðandi áhrif. Sé Gröðrúrbat gefið börnum hefur það langavarandi áhrif á heilastarfsemina þegar kemur á fullorðinsár t.d ranghugmyndir sem erfitt getur verið að lækna. Allir flugræningjarnir 19 í hinum dauðadæmdu flugvélum þann 11. september árið 2001 voru undir verulegum áhrifum Gröðrúrbats. Í sögulegu samhengi hefur Gröðrúrbat haft afar skaðleg áhrif á mannkynssöguna og lyfið er beint og óbeint ábyrgt fyrir hryllingsverkum á borði við galdraofsóknum miðalda, fjöldamorðum á Spánverja á Indíánum Suður Ameríku og kerfisbundnum pyntingakerfum sem eru svo hryllileg að orð fá varla því lýst. Notkun Gröðrúrbats kynnti undir flestar styrjaldir í Evrópu á miðöldum því mismunandi hópar neytenda börðust á banaspjótum í eins konar klíkustríðum sem snérust um réttinn til að dreifa Gröðrúrbati á vissum svæðum.

Víma af völdum Gröðrúrbats getur valdið því að heilbrigðir einstaklingar yfirgefa sitt fyrra líf og einangra sig í samfélagi með öðrum fíklum. Þessi samfélög eru kynjaskipt og þau fordæma, stundum á ofsafenginn hátt, kynlíf og kynlífshugsanir. Reyndar er það svo að tortryggni gagnvart kynlífi og flóknar siðareglur tengdu kynlífi er sameiginlegt einkenni Gröðrúrbat-notkunar á öllum menningarsvæðum. Notkun Gröðrúrbats hefur þó ekki letjandi áhrif á kynlífsþörf neytenda en virðist oft leiða til þráhyggju fyrir kynlífi annarra. Margir neytendur Gröðrúrbats fordæma t.d samkynhneigða einstaklinga sem og vissar kynlífsathafnir.

Eins og með önnur eiturlyf er eimað Gröðrúrbat í smáum skömmtum tiltölulega meinlaust og getur þjónað ákveðinni virkni samfélagsins eins og t.d giftingum, jarðarförum og opinberum athöfnum. Sérfræðinga greinir á hvort smánotkun á Gröðrúrbat sé skaðlaus með öllu eða hvort hún leiðir til frekari og harðari neyslu á efninu.

Miðlungsskammtar af Gröðrúrbati eru ekki skaðlegir í sjálfu sér en rugla oft og tíðum veruleikaskyn neytenda. Trú sem á sér enga stoð í veruleikanum verður ónæm fyrir gagnrýnni hugsun því að lyfið verkar beint á miðtaugakerfið. Gröðrúrbat-neytendur má oft sjá muldra út í loftið eða tala við sjálfa sig í þeirri trú að óskir þeirra og muldur rætist á einhvern hátt þeim til framdráttar. Þessari hegðun fylgir oft sérkennilegir kækir og handabendingar. Ákveðin hópur Gröðrúrbat-neytanda skellir t.d enni sínu að gömlum steinvegg í endalausum takti meðan annar hópur sest niður á hnén fimm sinnum á dag og lýtur höfði i átt að borg einni við miðbaug.

Gröðrúrbat í stórum skömmtum veldur ofskynjunum. Stórneytendur heyra raddir og sjá jafnvel sýnir sem eru svo sterkar að viðkomandi getur oft og tíðum sannfært aðra um að sýnin hafi í raun og veru átt sér stað í veruleikanum. Einstaklingur sem greinir á sannfærandi hátt slíka sýn öðlast stundum virðingu í neysluhópnum sínum og er stundum gerður að leiðtoga hópsins. Þetta leiðtogakerfi getur vel gagnast þótt að leiðtogin sé látinn og í sumum tilfellum birtist dýrkun á látnum leiðtoga á furðulegan hátt eins og t.d að blóð leiðtogans er drukkið og að hold hans er borðað.

Langvarandi misnotkun á Gröðrúrbati getur leitt til ”bad trips” þar sem neytandinn upplifir hugblekkingu sem oft og tíðum eru hina hryllilegustu. Hugvillur á borð við að neytandinn verði píndur á hinn versta hátt, ekki í þessum veruleika, heldur í meintum veruleika sem á sér stað og stoð eftir dauða neytandans. ”Bad trip” eins og þessi sem lýst er að ofan á sér rætur þráhyggjutengdum ótta tengdum kynlífi. Svona ”bad trip” eru hluti af ógeðfelldri refsimenningu sem er einkennir sögu Gröðrúrbats í gegnum tíðina. Refsingar til handa þeim sem fara ekki eftir hugvillum Gröðrúrbat-neytandanna geta verð allt frá hýðingu, húðstrýkingu og í verstu tilfellum, grýtingu (oftast notað fyrir þá sem halda framhjá maka sínum eða eru fórnalömb nauðgana), stundum er hönd höggvin af þeim sem brjóta viðmið og gildi Gröðrúrbat-samfélagsins og í vissum tilfellum er manneskja negld á krosslaga viðardrumb í þeirri tilætlun að viðkomandi deyi fyrir ”syndir” annarra.

Þú heldur eflaust að svona uggvænlegt fíknilyf ætti að vera á lista yfir eftirlitsskyld lyf og seljendur þess ættu á hættu að vera stungið í steininn fyrir að ota þessari ólyfjan að fólki. En svarið er nei. Þetta lyf er fáanlegt hvar sem er í heiminum og maður þarf meira að segja ekki lyfseðil til að fá lyfið. Atvinnudílerar eru fjölmargir og vinna eftir flóknu og áhrifaríku kerfi. Sumir vinna á götuhornum meðan aðrir í sérstökum byggingum sem hafa það eitt að markmiði að bjóða Gröðrúrbat til almennings. Fátækt fólk og þeir sem eiga um sárt að binda eru sérstaklega í uppáhaldi hjá Gröðrúrbat-dílerum. Ríkisvaldið snýr ekki bara blinda auganu að þessari starfsemi heldur beinlínis stuðlar á ýmsan máta að Gröðrúrbat-notkun. Það er gert með ýmisskonar skattafríðindum og sjálfvirkum félagsgjöldum úr ríkissjóði til handa stofnanna sem þrífast í kringum Gröðrúrbat-hefðina.

Einn af sprengjumönnunum í BalíMér fannst ég vera knúin til að skrifa þessa grein vegna ljósmyndar sem ég sá. Myndin var af manni með óvefengjanlegt og innilegt hamingjubros á vörum. Hann var umvafin feginleik vegna yfirvofandi dauðadóms yfir honum en hann hafði drepið á hinn hryllilegasta hátt fjölda fólks á paradísareyjunni Balí. Þessi brosandi maður hafði aldrei hitt fórnarlömb sín áður, þekkti þau ekki neitt og bar engan kala til þeirra á nokkurn hátt. Fólk sem var viðstatt réttarhöldin yfir honum var brugðið yfir kaldlyndi þessa manns því hann var greinilega himinlifandi. Úr fasi hans mátti lesa óskaplega gleði yfir því að hann yrði ”píslarvottur” sem er fyrirbæri sem hann og hans hópi nota sem eftirsóknarvert ástand.

Ekki velkjast í vafa um að geðveikislegt brosið á vörum þessa manns sem hlakkaði svona óskaplega til að hitta fyrir byssukúlur aftökusveitarinnar var bros Gröðrúrbat fíkils. Hérna var á ferðinni venjulegur notandi Gröðrúrbat sem hafði ánetjast meiri og harðari neyslu og sterkara afbrigði af Gröðrúrbat.

Hvað sem þér kann að finnast um dauðarefsingar er ljóst að þetta dæmi er sérstakt. Píslarvættisdauði er sérkennileg hefnd til þeirra sem þrá hann. Inn í raðir píslarvotta er stöðugur straumur og áhrifin eru geigvænleg. Við dauða hvers píslarvotts koma alltaf fleiri sem eru tilbúnir í að feta í fótspor þess dauða.

Það sem ber að hafa í huga í þessu tilfelli er að vandamálið myndi aldrei koma upp á yfirborðið ef Gröðrúrbat væri ekki borið í börn og þau látin ánetjast lyfinu, því áhrif þess á börn skaðar notendur þess á fullorðinsárum. Stundum svo um munar.


Upprunalegu greinina má finna hér. Þýtt og birt með leyfi höfundar.

Teitur Atlason 11.08.2008
Flokkað undir: ( Erlendar greinar )

Viðbrögð


Valtýr - 12/08/08 06:02 #

Ég mundi hlægja ef að þetta væri því miður ekki satt.

Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.