05.09.2007
Maryam Namazie
Næstu daga mun Maryam Namazie flytja fyrirlestra um kvenréttindi og múhameðstrú.
Maryam Namazie fæddist í Íran en fluttist síðar með fjölskyldu sinni til Bretlands. Hún hlaut síðar menntun sína í Bandaríkjunum þar sem hún bjó um nokkurt skeið. Hún er nú búsett á Bretlandi og hefur látið mjög að sér kveða í gegnum tíðina hvað varðar mannréttindi kvenna, Íslam, flóttamenn, Íran og. fl. Allar frekari upplýsingar um Namazie er að finna á heimasíðu hennar
Upplýsingar um fyrirlestrana:
Súpufundur 5. september
Kvenréttindafélag Íslands stendur fyrir hádegisfundi miðvikudaginn 5. september nk. kl. 12:00 í samkomusal Hallveigarstaða. Á fundinum mun Maryam Namazie flytja erindi er nefnist: Women´s Rights, the Veil and Islamic Rule.
Kvenréttindafélag Íslands hvetur alla þá er hafa áhuga á alþjóðlegri baráttu kvenna og áhugafólki um Íslam til að mæta á fundinn sem er öllum opinn. Súpa verður í boði Kvenréttindfélags Íslands
Afneitun trúarinnar, fyrrum múslimar og áskoranir pólitísks islams, 6. september
Fimmtudaginn 6. september kl. 12:15-13:15 í Odda 101 flytur Maryam Namazie fyrirlestur á vegum Alþjóðamálastofnunar, Siðmenntar - félags siðrænna húmanista og Skeptíkusar. Erindið kallar hún: "Afneitun trúarinnar, fyrrum múslimar og áskoranir pólitísks islams". Í erindinu ræðir Maryam þróun pólitísks islams í Evrópu og leiðir til að vinna gegn áhrifum þess. Hún fjallar einnig um það hvernig verja þarf algild mannréttindi.
Erindið verður haldið á ensku. Aðgangur er ókeypis og öllum heimill.
Viðbrögð
Svanur Sigurbjörnsson (meðlimur í Vantrú) - 07/09/07 11:15 #
Fyrirlestur Maryam Namazie um blæjuna og kúgun kvenna í Íslömskum löndum má sjá á blogginu mínu.
Jórunn - 07/09/07 13:58 #
Heyrði viðtal við þessa frábæru konu. Rök hennar fyrir aðskilnaði ríkis og kirkju eru skotheld. Hvernig við stöndum aldrei jafnfætis ef stjórnvöld hengja sig á einhver trúarbrögð og hvernig við beitum börn ofbeldi með því að innræta þeim trú.
Gerum Maryam Namazie að heiðurfélaga Vantrúar!
Sýnið viðbrögð, en vinsamlegast sleppið öllum ærumeiðingum. Einnig krefjumst við þess að fólk noti gild tölvupóstföng, líka þegar notast er við dulnefni. Ef það sem þið ætlið að segja tengist ekki þessari grein beint þá bendum við á spjallborðið. Þeir sem ekki fylgja þessum reglum eiga á hættu að athugasemdir þeirra verði færðar á spjallborðið.
Hægt er að nota HTML kóða í ummælum. Tög sem virka eru: a href, b, i, u, br, p, strong, em, ul, li og blockquote. Einnig er hægt að notast við Markdown rithátt í athugasemdum. Notið skoða takkann til að fara yfir athugasemdina áður en þið sendið hana inn.
Helgi Briem (meðlimur í Vantrú) - 06/09/07 13:55 #
Þetta var frábær fyrirlestur hjá Maryam.
Manni fannst að vísu okkar litlu skærur við þjóðkirkjuna og blómaorkudropakristallara hálf hjárænulegar hjá átökum hennar við alþjóðlegt islamskt klerkaveldi sem lætur drepa fólk fyrir að opna munninn.
Hún vakti mig til umhugsunar um ýmislegt sem ég hafði látið hjá líða eins og hve hættulegir hófsamir trúmenn eru sem skálkaskjól fyrir öfgamenn.
Einnig um það hvort fjölmenningarsamfélagið er bara yfirvarp fyrir það að skipta fólki í dilka þó á annan hátt sé en eftir litarhætti.