Allar færslur Allir flokkar Sos Um félagið Úrskráning Lógó Spjallid@Vantru Póstfang Vantru@Facebook Vantru@Youtube Vantru@Twitter

Lífsskoðanir í samkeppnisumhverfi

Gunnar (við álfatrúarmann): Þú þarft aðeins að komast á hærra plan, þú trúir en þú trúir rangt. Þú þarft að sleppa álfunum og setja guð í staðinn, þá ertu í fínum málum. [...]

Birgir: Þú getur hoppað upp um eitt stig og trúað á guð Gunnars í Krossinum, en þú getur líka hoppað upp um tvö og hætt að trúa á þetta allt saman.

Gunnar: Þannig að leitaðu drottins vinur og þú munt finna hamingju og gleði í lífi þínu.

Birgir: Ástundaðu gagnrýna hugsun og þá kemur þetta.

Gunnar: Passaðu þig á Vantrúarmönnunum.

Birgir: Passaðu þig á Gunnari.

Það voru ágæt glímutök á köflum á Bylgjunni í morgun þegar þeir kumpánar mættust í síðasta sinn fyrir sumarleyfi. Slatti af furðulegu fólki hringdi inn með undarlegar spurningar á stundum, en afraksturinn er ágæt skemmtun, eins og sést hér að ofan. Þarna hljóma þessir menn eins og ákafir sölumenn hugmynda sinna, prangarar af verstu sort.

Einnig er hægt að sækja skrána hér [.mp3 ~16 MB]

Ritstjórn 19.06.2007
Flokkað undir: ( Kristindómurinn , Útvarp )

Viðbrögð


Anton Friðriksson - 19/06/07 12:18 #

hverjum ber að treysta mönnum eða drottni ?


FellowRanger - 19/06/07 13:24 #

Gunnar er ekki drottinn.


Jón Magnús (meðlimur í Vantrú) - 19/06/07 13:59 #

Mér fannst þetta frábær þáttur, mikið skemmtiefni í gangi þarna.

Þessi álfatrúarmaður hljómaði nú eins og hann væri nýkominn út úr einhverjum stein en ég læt það nú liggja á milli hluta.

Gaman að sjá að Heimir skjóta föstum skotum á Gunnar þarna í byrjun. Omega er náttúrulega ekkert nema ein stór fjárplógsstarfsemi og betl.

Það er ótrúlegt að verða vitni að þessu sem fer fram á þessari stöð. Alltaf verið að reyna eyða peningunum í meiri vitleysu og alltaf þarf meiri pening - þessi gvuð kann ekkert með peninga að fara!


Hjalti Rúnar Ómarsson (meðlimur í Vantrú) - 19/06/07 15:20 #

hverjum ber að treysta mönnum eða drottni?

Það er erfitt að treysta einhverju sem er ekki til. En hvað áttu við þegar þú talar um "drottinn"? Biblíuna?


Margrét St. Hafsteinsdóttir - 19/06/07 22:38 #

Gjaldið guði það sem guðs er en keisaranum það sem keisarans er.........stendur í biblíunni. Samkvæmt skilgreiningu Gunnars eigum við að leggja peninga í guðsríki þótt það komi hvergi fram í biblíunni. Við eigum semsagt þá kröfu á guð að við lifum í allsnægtum og keyrum á nýjum bílum og höfum það rosa flott á meðan það er sveltandi og bláfátækt fólk annars staðar, kristið og ókristið, trúað og trúlaust. Hann semsagt heldur því fram að ef fólk gefur peninga til trúarrekstur þá fái það óskir sínar uppfylltar! og er þá í raun að segja að þeir sem eru fátækir geti sjálfum sér um kennt. Og svo klæðist hann Armani jakkafötum fyrir söfnunarféð. Hefði frekar haldið að það væri keisarinn sem ætti að sjá okkur fyrir þessum þörfum ef út í það er farið. Þvílíkt og annað eins bull sem veltur uppúr Gunnari og ef ég væri kvikmyndagerðarmaður að gera kvikmynd um djöfulinn þá bæði ég Gunnar að ljá honum rödd sína, með sínum lævísa og undirförla tón......... eins og djöfullinn er gjarnan túlkaður raddlega séð í kvikmyndum. Varðandi fyrirgefninguna sem maðurinn talaði um sem hringdi inn, þ.e. að Gunnar fyrirgaf manni illvirki, þá gerði hann það í beinni útsendingu í sjónvarpinu og fór ekki hljóðlega með það. Mér finnst að Gunnar ætti að fá sér almennilega vinnu en ekki vera að betla peninga af fólki með því að blekkja það og þyggja laun fyrir. Þetta er bara leti. Latt fólk gerir ekkert gagn. Eins er með forkólfa Omega. Letihaugar sem nenna ekki að vinna fyrir laununum sínum en lifa á betli. Kafa í budduna hjá fólki með geðræn vandamál og hirða örorkubæturnar þeirra.

Til Birgis: Þú þarft að ganga enn harðar að honum Gunnari en þú gerir, þótt þér takist ágætlega upp við hann, en hann er slóttugur og reynir alltaf að snúa málunum sér í hag. Kveðjur.


Birgir Baldursson (meðlimur í Vantrú) - 19/06/07 22:47 #

Alveg sammála þér Margrét.


FellowRanger - 20/06/07 00:58 #

Kröftugt tal frá þér Margrét, þetta var flott komment. Og já, alveg sammála.


Finnur - 20/06/07 04:42 #

Þarna hljóma þessir menn eins og ákafir sölumenn hugmynda sinna, prangarar af verstu sort.
Óvæntur húmor hjá Ritstjórninni, og mikill sannleikur í þessu.


Trúi á Jesu - 20/06/07 09:43 #

Mér fynst þín rödd Margrét St. Hafsteinsdóttir vera fín rödd fyrir satan í bíomynd miða við þín hatursfyltu orð í garð Gunnars. Það er augljóst að þú þekkir ekkert til mansins og enn og aftur kemur ykkar rétta eðli upp á yfirborðið.


frelsarinn@gmail.com (meðlimur í Vantrú) - 20/06/07 11:29 #

Munurinn á Bigga og Gunnari í krossinum er stjarnfræðilegur. Birgir hefur ekki hag né atvinnu af skoðunum sínum. Það er frekar þannig að Birgir stefni atvinnuöryggi sínu í hættu sökum vælandi trúmanna sem vilja koma höggi á þá sem gagnrýna fallandi heimsmynd þeirra. Í ofanálag lifir Birgir ekki í flottræfilshætti. Fyrrum fasteignasalinn Gunnar í krossinum hefur atvinnu af skoðunum sínum, berst mikið á og græðir á tá og fingri á trúarskoðunum sínum. Fólk ætti að hafa það í huga þegar það hlustar á þessa einstaklinga í útvarpinu.


Jónas - 20/06/07 12:30 #

Gunnar ekur um á gömlum jeppa og venjulegu íbúðarhúsnæði. Það er nú allur flottræfilshátturinn.


baddi - 20/06/07 18:20 #

Fáum við ekki að dánlóda? Ég er búin að safna öllum þáttunum saman og ætla að hlusta á þá í sumarfríinu. Hef ekki náð að hlusta á nema einn og einn þátt á bylgjunni (náði þó þessum)


Matti (meðlimur í Vantrú) - 20/06/07 19:28 #

Þó það nú væri, ég bætti inn vísun á hljóðskrána.


Margrét St. Hafsteinsdóttir - 20/06/07 23:05 #

Trúi á Jesú: Ég trúi ekki á Satan. Fyrir mér er margt fólk undir áhrifum blekkingar sem það er beitt á trúarsamkonum og ég kalla þau áhrif oft skrattann/satan. Og er það myndlíking. Ég hugsa mjög myndrænt og það er kannski þess vegna sem ég er listakona. Gunnar Þorsteinsson er örugglega ágætis maður eins og hver annar, en það sem hann stendur fyrir er gagnrýnivert. Hann nær tökum á fólki og beitir þeim áhrifum sínum óspart þannig að fólk sem ánetjast hans boðskap trúir honum og tignar hann. Hann er uppblásinn af egói og boðar öfgafulla trú og túlkar biblíuna í takt við sínar hræsnisfullu skoðanir, þar sem hann blessar með annarri eins og hann hafi umboð til þess og gagnrýnir með hinni líf og lífstíl fólks sem hefur ekki gert honum neitt en aðhyllist ekki hans forpokaða hugsanahátt.

"Frelsað" fólk er í fjötrum þótt því sé talin trú um annað. Það stoppar í andlegum þroska í trúarsöfnuði þrátt fyrir að fyrir utan hann sé stór og mikill alheimur sem nær miklu lengra en augað eygir og það er ekki nokkurn von fyrir fólk sem er fjötrað í forpokaða afturhaldstrú að njóta þeirrar visku sem þar býr og vera þátttakandi í þróuninni vitsmunalega.

Það fylgir hroki mörgum trúuðum og sérstaklega þá öfgatrúuðum sem öskra hallelúja og lof sé drottni í krafti blekkingar sem fær þetta fólk til að álykta að það sé hólpið og undanþegið helvítisvistinni svökölluðu, og í krafti þeirrar trúar með bros á vör og hallelúja hróp og yfirborðslegan kærleiksboðskap, eru allir hinir sem fara ekki sömu leið þ.e. fyrir Jesú Krist, óverðugir vistar í himnaríki.

Ef þetta er ekki hroki og yfirgangur og hrein vitleysa þá er Jörðin flöt.

Trúarbrögð og trúarbragðapex um hver eigi flottustu trúna og mest þóknanlega fyrir vist í himnaríki er afturhald og engin sönn mannúð og sannur kærleiksboðskapur þar á ferð. Mannúð og kærleikur á ekki að vera háður skilyrðum.

Amen


FellowRanger - 20/06/07 23:22 #

Amen!


Hjalti Rúnar Ómarsson (meðlimur í Vantrú) - 20/06/07 23:35 #

Hann semsagt heldur því fram að ef fólk gefur peninga til trúarrekstur þá fái það óskir sínar uppfylltar! og er þá í raun að segja að þeir sem eru fátækir geti sjálfum sér um kennt.

Hvar hefur Gunnar haldið þessu fram?

Mér finnst að Gunnar ætti að fá sér almennilega vinnu en ekki vera að betla peninga af fólki með því að blekkja það og þyggja laun fyrir. Þetta er bara leti.

Hvað veist þú um hversu mikið Gunnar vinnur?

Og svo klæðist hann Armani jakkafötum fyrir söfnunarféð.

Hvað veist þú um fjárhag Krossins og Gunnars?


Margrét St. Hafsteinsdóttir - 20/06/07 23:54 #

Hjalti: Var að draga ályktun af því sem Gunnar sagði í þættinum á Bylgjunni.

Fyrir mér er það ekki vinna að vera forkólfi sértrúarsafnaðar. Veit annars ekkert um hvað hann vinnur mikið. Tók kannski full stórt upp í mig en ég stend og fell með því sem ég segi.

Þekki fólk sem hefur verið í Krossinum en sloppið þaðan og veit um peningaplokkið.


Birgir Baldursson (meðlimur í Vantrú) - 21/06/07 01:21 #

Gunnar þreytist ekki á að tyggja þá möntru í þessum þáttum að það sé mesta peningabasl að reka trúarsöfnuð og að öll frjálsu trúfélögin þurfi að taka á til að láta enda ná saman um hver mánaðamót.

En það er svo sem ekki erfitt að reikna þetta út að gefnum nokkrum forsendum.

Í Krossinum eru nokkur hundruð manns, nenni ekki að fletta því upp hve margir eru þar svo við skulum bara reikna varlega og segja þrjú hundruð.

Reiknum aftur varlega og segjum að 1/3 af söfnuðinum greiði tíund. Það gerir 100 manns.

Meðallaun þessa fólks eru 200 þúsund kall á mánuði og ef tíundin er einn tíundi (það liggur í heitinu) þá er það 20 þúsund kall á 100 manns á mánuði.

Þetta gera 2 milljónir á mánuði.

Krossinn heldur að meðaltali þrjár samkomur á viku. Á góðum degi safnast 60 - 70 þúsund kalla í hattinn þeirra, en reiknum varlega og segjum að 33.333 kall komi inn að meðaltali á hverri samkomu. Það gerir 100.000 kall á viku.

Varlega reiknað fær Krossinn því 2,1 milljón á mánuði frá meðlimum sínum. Rekstur húsnæðis, rafmagn, sími og hvað þetta nú allt heitir er kannski svona 200 þúsund kall á mánuði, en verum enn varleg og gefum okkur að það sé 600 þúsund í kostnað. Eftir stendur ein og hálf milljón á mánuði sem runnið getur í vasa forstöðumannsins, eða virkað sem varasjóður fyrir næstu mánaðamót.

Það var á þessum nótum sem ég hugsaði þegar ég spurði Gunnar í einhverjum þættinum hvað væri svona dýrt við að reka Krossinn.

Munum að allar þessar tölur geta líka verið umtalsvert hærri, þ.e. ef fleiri greiða tíund og meira safnast í hattinn.


Margrét St. Hafsteinsdóttir - 21/06/07 01:45 #

Takk fyrir þetta Birgir.

Skil bara ekki afhverju er ekki farið almennilega í saumana á starfsemi þessara söfnuða af yfirvöldum og þeir upprættir. Ábyggilegt að margir sem vinna að hagsmunum geðsjúkra eru ekki mjög hrifnir af þeim.


Birgir Baldursson (meðlimur í Vantrú) - 21/06/07 04:03 #

Úbbs, misreikingar þarna hjá mér, 100 þús. á viku í hattinn gerir auðvitað 400 þús. kall á mán, ekki 100. þús.

Semsagt tæpar tvær milljónir á mánuði handa Gunnari að eyða og spenna til þess að Krossinn geti átt erfitt að láta enda ná saman um hver mánaðamót, eins og Gunnar segir að ástandi sé.


Jónas - 21/06/07 05:43 #

Fyndið þetta ad hominem fjárhagsdæmi um Gunnar. Ef dæmi skal kalla.


Guðjón - 21/06/07 09:59 #

Margrét vill að yfivöld uppræti vissa söfnuði. Hvað á hún við? Ég bið hana um að telja upp þessa söfnuði og útskýra nákvæmlega hvað hún á við með þessu. Hvað finnst mönnum hér á vantrú um þessa hugmynd? Eru þið sammála Margréti um að æskilegt sé að rikisvaldið uppræti trúarsamtök eins og krossinn?


Jón Magnús (meðlimur í Vantrú) - 21/06/07 10:37 #

Ég get fullvissað Guðjón um það að Vantrú hefur það ekki að dagskrá að útrýma einu né neinu. Fólk á að hafa frelsi til að hafa þær skoðanir sem það vill og Krossinn má alveg vera til fyrir okkur. Við viljum bara fá að gagnrýna þessi batterí.

Hins vegar er það lögreglunnar að athuga ef grunur er um ólöglegt athæfi innan Krossins. Persónulega finnst mér Krossinn og önnur trúarsamtök sem tengjast Omega ganga mjög langt í betli og loforðum um betri vist á himnum ef gefinn er meiri peningur. Hvort það sé ólöglegt veit ég ekki um en siðlaust er það.


Guðjón - 21/06/07 11:11 #

Ég vona svo sannarlega að þessi orð Margrétar séu vanhusuð. En hún er í raun að mæla með trúarbragða ofsóknum. Eins og sagan segir okkur þarf mjög harkalegar aðgerðir til þess að uppræta trúarsamtök. Við erum að tala um atriði eins og upptöku eigna, fangelsun og aftökur. Það kæmi mér mjög á óvart ef hún er hlynt sliku. Það að banna samtök sem aðhyllast kenningar um að lög Guðs séu æðri lögum manna er vitaskuld tilgangslaust.


danskurinn - 21/06/07 11:27 #

”Eru þið sammála Margréti um að æskilegt sé að rikisvaldið uppræti trúarsamtök eins og krossinn?”

Ég set þessa starfsemi í sama flokk og vændi þar sem kúnninn situr alltaf eftir fullkomlega ófullnægður og blekktur. Ófullnægður eðli málsins samkvæmt og blekktur vegna loforða um að eitthvað betra taki við seinna - alltaf seinna. Samtrygging þeirra sem hafa verið blekktir með þessum hætti er sterk og þörfin eftir félagsskap hvors annars byggist á lygunum sem fólk segir hvort öðru. Á endanum getur verið erfitt að komast í burtu því fólk hefur verið sett í þá stöðu að ljúga vitandi vits í vitna viðurvist. Að hætta er það sama og að viðurkenna lygarnar. Þá brestur mörgum kjark.

Stærstir í þessu hóraríi er þjóðkirkjan sem lofar eilífri himnasælu fyrir syndaaflausn og peninga á meðan smákaupmenn eins og Gunnar í Krossinum lofa himnaríkisvistinni og bíldruslum í bónus fyrir svipað verð. Í þjóðkirkjunni þarf að vísu enginn að ljúga vitandi vits nema presturinn, enda löngu búið að sjá fyrir launum hans með sjálfvirkum hætti. Þar geta líka allir kúnnarnir farið án samviskubits. Gunnar ræfilstuskan er aftur á móti enn háður því að þurfa vinna fyrir kaupinu sínu og halda guðaklámsýningar og ríða röftum vikulega.


Margrét St. Hafsteinsdóttir - 21/06/07 13:30 #

Fyrir mér er það einfaldlega andlegt ofbeldi sem mjög oft er beitt á samkonum sértrúarsafnaða, þar sem veiku og viðkvæmu fólki er talin trú um að það sé á valdi djöfulsins og framkvæmdar á því athafnir með það að markmiði að reka út illan anda.

Þetta er m.a. gert við fólk með geðræn vandamál og svo hafa samkynhneigðir unglingar orðið svona ofbeldi að bráð, þegar reynt er að afhomma eða aflesbía það. Skelfilegar afleiðingar hafa orðið eftir svona athafnir.

Í USA er búið að gera risabatteri og "big business" kringum afhommun og aflesbíun og miklir peningar komnir í spilið. Allt er þetta gert í krafti trúarinnar á Jesú Krist. Ungir samkynhneigðir karlmenn eru í mestri hættu að verða sjálfsvígum að bráð og erum við hér á Íslandi ekki undanskilin með það.

Það er einfaldlega ofbeldi að koma ranghugmyndum inn í höfuð fólks og láta það halda að það sé eitthvað annað en það er.

Hélt að þjóðin tæki við sér eftir að Byrgis málið kom á yfirborðið, en enn er verið að styrkja starfsemi trúarhópa sem reka meðferðarheimili fyrir fíkla sem dæmi. Þetta látum við viðgangast af því að allir eru svo uppteknir af sjálfum sér og er í raun skítsama um fólk sem á einhvern hátt verður undir í þjóðfélaginu.


Birgir Baldursson (meðlimur í Vantrú) - 21/06/07 17:15 #

Fyndið þetta ad hominem fjárhagsdæmi um Gunnar. Ef dæmi skal kalla.

Er það ad hominem að velta fyrir sér innkomunni í þessum söfnuði? Hvernig þá? Gunnar segir sjálfur að söfunður hans þurfi eins og aðrir svona söfnuðir að leggja mikið á sig til að láta enda ná saman um hver mánaðamót. Ef þetta dæmi mitt er eitthvað nærri lagi er eðlilegt að spyrja hvað sé svona dýrt í rekstri þessa safnaðar.


Urmi - 21/06/07 17:17 #

Ég man að árið 2002 var ákveðið að gera lögreglurannsókn í krossinum þar sem það trúfélag var grunað um alvarlega fjárplógsstarfsemi.

Svo heyrðist ekkert meira af því, eða vitið þið það, Kom eitthvað meira út úr því ef þið munið eftir þessu?


Margrét St. Hafsteinsdóttir - 21/06/07 18:44 #

Umi: Það er rosalega erfitt að finna einhver skjöl um nótulaus viðskipti.


Birgir Baldursson (meðlimur í Vantrú) - 21/06/07 21:31 #

Haldið þið að það sem kemur í baukinn á samkomum sér fært til bókar? Ég held að forstöðumaður safnaðar sem safnar í hatt þurfi ekki að vera neitt sérstaklega siðblindur til að stinga slíkum aurum umsvifalaust í vasann.

Kannski mætti þarna vera innra eftirlit, einhverjir sem kosnir eru á aðalfundi til að nótera hjá sér fjármunina sem koma í dolluna og reikna þá inn í bókhald félagsins. Hvernig ætli lagagrein Krossins hljómi um frjáls framlög meðlimanna?


Birgir Baldursson (meðlimur í Vantrú) - 22/06/07 02:19 #

Hann semsagt heldur því fram að ef fólk gefur peninga til trúarrekstur þá fái það óskir sínar uppfylltar! og er þá í raun að segja að þeir sem eru fátækir geti sjálfum sér um kennt.

Hvar hefur Gunnar haldið þessu fram?

Þetta er nú skilst mér nokkurn veginn inntakið í boðun hvítasunnusafnaða í anda Kalvíns. Ef þér farnast vel í lífinu er það vegna þess að guðinn hefur á þér velþóknun.


Margrét St. Hafsteinsdóttir - 22/06/07 17:43 #

Vil taka það fram að ég er ekki að boða ofsóknir á hendur trúarfélögum hér á landi. Mér er alveg sama um hvort fólk er trúað eða ekki trúað. Það er hugsun fólks, mannúð og þekking sem skiptir máli.

Trúarbrögð fyrir mér eru þó afturhald og standa í vegi fyrir mannréttindum hverskonar og sameiningu fólks.

Það er öfgafull og ómannúðleg meðhöndlun fólks sem er veikt eða viðkvæmt sem fer fyrir brjóstið á mér. Hjá öfgatrúuðum vitleysingum eru dæmi um að fólki með geðræn vandamál sé talin trú um að það sé haldið illum anda og sé því vont, á meðan fagfólk sem vinnur að velferð geðsjúkra vinnur út frá þeim forsendum að það sé veikt.

Ýmsir sem hafa unnið að velferðarmálum geðsjúkra hafa lent í ótrúlegu stappi við sértrúarsöfnuði. Vil að stjórnvöld taki á þessum málum.

Svo finnst mér líka allt í lagi að svona athafnir sem miðast að því að reka út eitthvað vont í fólki eins og samkynhneigð sem dæmi falli undir ofbeldi/ofsóknir/mismunun/kúgun og varði því við hegningarlög.

Svo er kafað í vasa veiks fólks og það sett í áskrift að þessum ófögnuði á meðan þeir sem stýra fara hlæjandi í bankann.


Kristján Hafberg - 23/06/07 04:27 #

Það er nú vandlifað að vera kristinn maður í dag.

Þið vantrúarmenn og konur kvartið sáran yfir því að hluti skattgreiðslna ykkar fari í að reka Þjóðkirkjuna. Það er svo sem gott og blessað að þið viljið ekki borga fyrir trúariðkun annarra en svo þegar kristnir söfnuðir borga sjálfir fyrir reksturinn úr eigin vasa þá kallið þið það betl og sníkjur og reynið allt til að gera þessa söfnuði sem tortryggilegasta. Ég sem hélt að það væri einmitt ekki betl eða sníkjur að borga fyrir hlutina úr eigin vasa. Eruð þið að halda því fram að þeir sem vinna í söfnðinum eigi ekki að hafa laun? Og ef ykkur finnst það eðlilegt að starfsfólk safnaðarins hafi laun, hvaðan eiga þá tekjurnar að koma til að borga þessi laun?

Svo að halda því fram að kristilegir söfnuðir séu að gera út á geðsjúkt fólk og fatlaða er alger firra. Geðsjúkir og fatlaðir eru fátækasta fólkið í landinu og þar er ekki feitan gölt að flá fyrir söfnuðina. Það er aftur á móti mikil vinna að aðstoða þetta fólk við að komast á samkomur og að aðstoða það á ýmsan hátt. Það gerir fólk þessara safnaða með glöðu geði og án þess að þiggja eyri fyrir. Ég spyr sjálfan mig að þvi hvernig því fólki líður að sitja undir svona svívirðilegum dylgjum.

Svo er það nú hlálegt að þú Birgir skulir þykjast vera einhver verndari geðsjúkra. Þú sem svívirðir þetta fólk með því að nota heiti sjúkdóm þess sem skammaryrði þegar þú segir að trú kristinna sé eins og geðveiki.


Birgir Baldursson (meðlimur í Vantrú) - 23/06/07 07:36 #

Ég hef sagt starfsemi Krossins vera fjárplógastarfsemi. Það geri ég vegna þess að logið er að fórnarlömbunum að þau fái extra náð og blessun hjá guðinum fyrir hvern eyri sem gefinn er.

Í Krossinum er viðhöfð tíund, sem þýðir að meðlimirnir geta valið að láta hluta af launum sínum renna til félagsins, 10% held ég að sé rétt tala. Ef fólk gengst inn á þetta fyrirkomulag í stað þess að greiða einföld félagsgjöld þá ætla ég ekki að skipta mér af því, en:

Þessir peningar eru dregnir af fólki meðan því er haldið í þeirri trú að guðinn gefi því aukalega blessun umfram hina.

Á hverri samkomu er þetta sama fólk líka, undir hópþrýstingi, látið gefa úr veski sínu í hatt. Þar safnast oft tugir þúsunda eftir því sem ég hef frétt. Þeir sem duglegir eru að mæta á samkomur eru því eftir árið búnir að borga mun meira til safnaðarins en nemur þessari tíund, í sumum tilfellum eflaust annað eins. Og allt er það gert í ljósi þess lygaáróðurs að þetta sé guðinum þóknanlegt.

Ég hef ekki ert á móti því að svona félög sæki rekstrarfé sitt til safnaðarmeðlima (öðru nær), heldur gagnrýni ég á hvaða forsendum það er gert. Það er ekki klárt og kvitt í upphafi hvað aðildin kostar, heldur er sífellt verið að skilja fólk frá peningum sínum, jafnvel í hvert sinn sem það lætur svo lítið að mæta. Og aðferðin við það er betl.

Svo er það nú hlálegt að þú Birgir skulir þykjast vera einhver verndari geðsjúkra. Þú sem svívirðir þetta fólk með því að nota heiti sjúkdóm þess sem skammaryrði þegar þú segir að trú kristinna sé eins og geðveiki.

Þú ert eitthvað að misskilja. Það vakir ekki fyrir mér að gera lítið úr geðsjúku fólki, hvað heldurðu eiginlega að ég sé? Aftur á móti þykir ekki æskilegt að geðsjúkir gangi um með ranghugmyndir sínar heldur vinnur heilbrigðiskerfið ötullega að því að losa þetta fólk undan órunum. Það eru því einkenni geðsjúkdómanna sem þykja óæskileg (og það með réttu), ekki fólkið.

Trúarbrögðin ganga út á hið þveröfuga við geðdeildirnar, þau planta ranghugmyndum í fólk og viðhalda þeim með öflugu starfi. Sumar þær ranghugmyndir sem fólk gengur með í krafti þessa eru beinlínis hættulegar og allar eru þær kolgeggjaðar. Það sér hver sá, sem ekki aðhyllist þær, auðveldlega.

Ég myndi gagnrýna hverja þá geðdeild sem viðhéldi ranghugmyndum sjúklinga sinna í stað þess að beita meðferð sem losar fórnarlambið undan delúsjón og vanlíðan. Á sama hátt gagnrýni ég trúarsamtök sem kynna til sögunnar og viðhalda kolklikkuðum ranghugmyndum um heiminn og viðhalda þeim með félagsstarfi sem veldur fólki slæmri líðan nema rétt á meðan það fremur heimskuleg ritúöl og nokkra klukkutíma þar á eftir, meðan sefjunaráhrifin eru að brá af því.

Geðsjúkir sem forðað hefur verið frá sjúkdómseinkennum sínum eru mér hjartanlega sammála um að hugmyndaheimurinn sem sjúkdómurinn veldur sé kolgeggjaður. Má þá ekki bara kalla hann það? Á nú að fara að þröngva því upp á mann að maður skuli bera virðingu fyrir ranghugmyndum geðsjúkra? Virðing mín fyrir geðsjúklingunum sjálfum hefur aldrei þorrið. Er hún ekki nóg?


Guðjón - 23/06/07 09:34 #

Ég get vissulega tekið undir með Birgi um að bókstafstrú er ekki holl fyrir fólk sem haldið er geðveiki. Fólk sem sér ofsjónir og er með sjúklegar ofsókarhugmyndir tenirg þá sjúkdómseinkenni sín víð djöfulinn og illa anda. .

Hin sorglega staðreynd um geðveiki er að okkur íslendingum gengur ekkert sérlea vel að höndla þau mál. Eitt af því sem hægt væri að gera með sameiginlegu átaki er að draga úr fordómum gagvart geðveikum. Ef okkur tækist öllum að draga úr fordómaum okkar gagnvart geðveikum yrði Ísland betra land strax á morgun.

Að minu mati snýst stafsemi starfsemi vantrúar um að gagnrýna trúarbröð og sýna fram á það slæma sem trúarbrögð gera. Aðferðin sem ég tel að vantrú beiti er að ala á fordómum gagvart trúuðum þ.e. allir trúaðir eru dæmir fyrir það sem einugis hluti trúaðara gerir. Dæmi um þetta er málflutingur Birgist þar sem hann gangnrýnir Krosssinn að nokkru leyti með réttu, en kemur í framhaldi höggi á alla trúaða hvort sem þeir hafa til þess unnið eða ekki.
Ef vantrú tekst ætlunarverk sitt munu fordómar í garð trúaða aukast á Íslandi. Halda menn virkilega að það muni gera Ísland að betra landi.

Lítið dæmi um áhrif af þessum málflutingi er að þessari síðu hefur þegar komið fram ósk um að ríkisvaldið uppræti einhver trúfélög


Birgir Baldursson (meðlimur í Vantrú) - 23/06/07 16:17 #

Ég get vissulega tekið undir með Birgi um að bókstafstrú er ekki holl fyrir fólk sem haldið er geðveiki.

En ég var bara ekkert að tala um það, heldur heilbrigt fólk sem tekur að sér að ganga með ranghugmyndir geðsjúklinga á borð við Pál postula, mannkyni öllu til vansa.

en kemur í framhaldi höggi á alla trúaða hvort sem þeir hafa til þess unnið eða ekki.

Útskýrðu betur.


baddi - 23/06/07 16:50 #

afsakið vesenið, en það er ekki hægt að dánlóda skránni


Matti (meðlimur í Vantrú) - 23/06/07 17:43 #

Mea culpa - ég er búinn að laga vísunina á skrána.


Guðjón - 23/06/07 18:10 #

Trúarbrögðin ganga út á hið þveröfuga við geðdeildirnar, þau planta ranghugmyndum í fólk og viðhalda þeim með öflugu starfi

Hér er þú Birgir að segja að öll trúarbrögð stundi það að planta ranghumyndum í fólk og stuðli að geðveiki með starfi sínu.

Nú er nóg komið af minni hálfu í bili.

Ég er ósammála þér í grundvallar atriðum og sá ágreiningur verður ekki leystur með umræðum. Í tilfellum sem slíkum verða menn að gæta þess að umræðan verði ekki of illskeitt.


Margrét St. Hafsteinsdóttir - 24/06/07 00:02 #

Varðandi trúmálin og fólk með geðræn vandamál, þá er ekki gott fyrir fólk þegar kollurinn á þeim er fullur af ranghugmyndum og hefur orðið fyrir alvarlegum brestum á geði, að leita í trúmál yfir höfuð. Hvort sem um er að ræða venjulegar messur eða samkomur hverskonar, hjá trúuðum mis öfgafullum. Þar sem veikindin snúast um andlegt ástand er ekki lausnin að láta fólk nota heilann til þess að tengja sig einhverju ósýnilegu þótt fólki sem er sterkt andlega þyki það ekki mikið mál. Fólk sem er með geðsjúkdóma og er í slæmu ástandi þarf fyrst og fremst að komast til raunveruleikans og þess áþreifanlega til að ná tökum á sjálfu sér og sínum sjúkdómi.

Þess vegna vil ég að gerð verði gangskör í því að leyfa ekki athafnir á samkomum mis-öfgatrúaðra sem þjóna þeim tilgangi að reka út djöfulinn úr fólki sem er veikt og ala á því við það að það sé haldið illum anda. Get ekki með nokkru móti séð annað en það sé andlegt ofbeldi.


Jónas - 24/06/07 07:31 #

Það er bara fínt ef þátttaka í trúsöfnuði gefur fólki tilgang eða tilfinningu fyrir því að það sé að gera rétta hluti. Hvort sem fyrir því séu einhver rök eða ekki. Það er jú ekki það sem lífið gengur út á, að fylgja rökum. Heldur gera það sem manni finnst rétt og gefur lífi manns eitthvert gildi.


Birgir Baldursson (meðlimur í Vantrú) - 25/06/07 03:13 #

Hér er þú Birgir að segja að öll trúarbrögð stundi það að planta ranghumyndum í fólk og stuðli að geðveiki með starfi sínu.

Planti ranghugmyndum í fólk, já, en stuðli að geðveiki, nei. Það hef ég aldrei sagt.

Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.