Guðirnir hafa framkvæmt mikið í fortíðinni, þeir munu framkvæma mikið í framtíðinni, en eru af einhverjum undarlegum ástæðum alltaf fjarverandi í nútíðinni.
Höfundur ókunnur
Ætli Karl hafi lært það í skólanum að englanotkun sé vænleg fyrir guðinn, eða mennina? Skyldi hann hafa þetta frá sjálfum sér?
Merkilegt að guðinn skuli ekki taka mark á svona vel þokkuðum og hámenntuðum manni.
Stundum er sagt að það sé dyggð að varðveita sitt innra barn. Ég held að fáum takist það betur en prestum og biskupum, sem þrátt fyrir að vera á fullorðinsaldri, trúa enn á sögur um engla og púka.
Maður veit varla hvað maður á að halda. Ég hef reyndar reynt að láta fólk njóta vafans, og geri því ekki upp rangsleitni fyrr en á reynir. Það væri freistandi í anda manngæsku og umburðarlyndis að líta svo á að biskupinn okkar sé bara svona barnslega einlægur, og einföld sál. Það er svo sem óútreiknanlegt hvert það leiðir mann að eiga biskup fyrir pabba, og tóma presta og kirkjustarfsmenn fyrir systkini. Maður getur svo sem sett sér fyrir sjónir Kalla 5 ára krjúpandi við rúmstokkinn með pabba að biðja sér frama innan kirkjunnar.
Hin hliðin væri ólíkt svartari. Það er nefnilega svo kjút að börn trúi á engla, en mér finnst ekkert kjút við það að fullorðið fólk sem veit ( eða á að vita ) betur lýgur þessu blákallt í einhverju ímyndarstríði fyrir fyrirtæki sem er að tapa viðskiftavinum sínum. Af öllu þessu mumbo-jumbo eru englarnir eitthvað það arfavitlausasta sem mönnum hefur dottið í hug. Maður fær hreinlega aulahroll við tilhugsunina um að háskólagenginn maður trúi þeirri þvælu. Ég held reyndar að hann trúi alls ekki á engla, en þetta er bara órjúfanlegur partur af svo assgoti þægilegri innivinnu.
Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.
Reynir (meðlimur í Vantrú) - 21/12/06 16:19 #
"Merkilegt að Guð skuli ekki oftar nota engla...! En það gerir hann sjaldan, því miður."
Þetta sagði Kalli litli þegar hann var búinn í skólanum sínum (HÍ) og orðinn biskup yfir Íslandi! Þetta er guðspeki.