Rannsóknarblaðamenn í þættinum The Fifth Estate flettu ofan af svikahrappnum Benny Hinn í fjörutíu mínútna löngum þætti sem er hægt að horfa á hér:
Skemmtilegast fannst mér þær fullyrðingar um að heilaæxli hafa bara hreinlega fallið á sviðið. Jahá! Það er ekkert annað! Veruleikafirring er greinilega algengt samfélagsvandamál. Það er glæpsamlegt að einhver skuli fá að græða fúlgur fjár fyrir að ljúga að fólki og telja því trú um að einhver draugur muni lækna það (sbr. drengurinn með nýrnasjúkdóminn). Þetta minnir mig svolítið á það þegar ungur atvinnulaus maður keypti sér glænýjan Benz. Þessi maður var í ónefndum söfnuði hér á landi og er hann var spurður hvernig hann ætlaði að standa undir rekstri svona bifreiðar stóð ekki á svörum: gvuð mun sko hjálpa mér í gegnum það! Það er einmitt það, kannski að gvuð sé farinn að senda fólki ávísanir líka.
Mér bíður við þessu.
En það er eitt sem ég fatta ekki. Ef guð skapar fólkið með sjúkdóma eða fötlun vill hann þá að það leiti lækninga? Er það ekki guðs vilji að lita stelpan þarna muni aldrei ganga? Og ef svo er að þá hlýtur guð að líta á menn eins og Benny Hinn hornauga, er það ekki?
Svona loddarar eru svo sannarlega ekki að vinna "guðs verk" eins og þeir segja sjálfir. Blóðsugur og ekkert annað.
Gleymdi að minnast á það en það er líka virkilega sorglegt að sjá fólk neita læknismeðferð vegna þess að það vonast til að vera læknað af svona loddara. Ef einhver nákomin mér mundu fara til manna eins og Benny Hinn til að láta lækna sig af krabbameini, í stað þess að leita lækna, og síðan deyja stuttu seinna að þá er ekki spurning um að ég mundi leita lögfræðihjálpar, það voru jú loforð mannanna að manneskjan mundi læknast.
Gleymið ekki að lækningasamkomur fara fram hjá söfnuðum hér á landi. Þær eru af og til auglýstar á Omega og víðar.
þessi maður fer svo rosalega í taugarnar á mér!væri kúl ef einhver mundi fara uppá sviðið og í stað þess að láta sig detta eins og allir gerðu að standa bara kyrr og segjast ekki hafa fundið neitt... hehe
Það sem menn tala hér um, að fólk geti látist vegna þess að það leitar frekar til svona kuklara en traustrar læknisfræði er bara eitt af þessum dæmum sem hægt er að taka um skaðsemi hindurvitna. Boðun þeirra, þegar hún getur leitt slíkt af sér, ætti að varða við lög.
”Það sem menn tala hér um, að fólk geti látist vegna þess að það leitar frekar til svona kuklara en traustrar læknisfræði er bara eitt af þessum dæmum sem hægt er að taka um skaðsemi hindurvitna.”
Menn látast hvernig sem fer. Spítalar eru fullir af fólki sem deyr. Ætlaru að kvarta yfir því líka Birgir? Benni Hinn er vissulega loddari, en fólkið sem leitar til hans eru ekki saklaus fórnarlömb illmenna. Þessi píslarvættishugsun er ”dead-end” og leiðir aðeins til stöðnunar. Útmálun einhvers sem er valdur að hörmungnum sem aðrir þurfa að þola saklausir. Hún er aðferð sem fólk notar til að fóðra reiði- og hefndartilfinningu sem aftur sogar lífskraftinn úr manni. Hún er að lokum afsökunin fyrir eigin getuleysi. Ég er þeirrar skoðunar að fólkið sem leitar til Benni Hinn fái nákvæmlega það sem það á skilið og Benni Hinn sömuleiðis.
Ég er þeirrar skoðunar að fólkið sem leitar til Benni Hinn fái nákvæmlega það sem það á skilið og Benni Hinn sömuleiðis.
Hrollur
Horfðirðu á myndbandið?
Þar eru átta ára (?) fötluð stelpa og móðir hennar grátandi vegna þess að Benny vill ekki "lækna" stelpuna. Stelpan treysti á hann vegna þess að mamma hennar trúir því að Benny ljúgi ekki um hæfileika sína og samband sitt við guð.
En það sem þú segir er að mamman á skilið að stelpan hennar sé bundin í hjólastól og stelpan á skilið að vera áfram lömuð með brotnar vonir og síðast en ekki síst á Benny skilið að vera beyond filthy ríkur fyrir að ljúga að fólki?
Stundum skil ég ekki fólk.
Ég þekki strák sem var með vöðvarýrnurarsjókdóm og fór á samkomu með honum og læknaðist. Hann fékk það sem hann átti skilið býst ég við.
Ég þekki strák sem var með vöðvarýrnurarsjókdóm og fór á samkomu með honum og læknaðist. Hann fékk það sem hann átti skilið býst ég við.
Hvað ertu að segja? Ertu að gefa í skyn að þeir sem ekki læknast á svona samkomum eigi það einfaldlega ekki skilið?
Annars væri forvitnilegt að fá ítarlegri upplýsingar um þennan strák. Ég er viss um að læknar hafa á huga á að kynna sér málið.
ha? Hvernig í ósköpunum last þú það út??????
Ég var að vísa til þess að fólkið sem skiraði fyrir ofan mig hafi sagt að þeir sem færu á þessar samkomur fengi nákvæmlega það sem það ætti skilið... svo ég sagði frá Andra Péturssyni sem læknaðist. Hann átti það sem sagt skilið.
Þess má svo geta að mér var boðið upp á sviðið í Kaplakrika hjá Hinn árið 1996 ef ég man rétt, en hafnaði því. Þessi heimildarmynd er ekki góð. Hún er illa unnin, og aldrei ætlað að vera sanngjörn með neinum hætti.
Fyrirgefðu Sindri, ég las orð þín ekki í samhengi við fyrri athugasemd.
En "lækning" Andra Pétursson hefur þá væntanlega verið staðfest af læknum.
Hvað var ekki sanngjarnt við þáttinn? Ég sá ekki betur en að notast væri við heimildir og allar ásakanir þar þarna komu fram voru vel rökstuddar.
Ég var með honum í hljómsveit í nokkur ár, og þá sagði hann mér frá þessu. Ég hef ekki hitt hann lengi. Ég býst við læknir hafi amk staðfest að hann hafi ekki lengur verið með vöðvarýrnunarsjúkdóm eins og áður, enda fór hann á fullt í að æfa íþróttir (fótbolta og körfubolta), sem hann myndi ekki hafa gert annars.
Það er annars hægt að nálgast tvær bækur á íslensku um krafteverk sem gerðist i kringum Kathryn Khulman, þar sem alltaf sagt frá öllum læknum sjúklinganna, og þeirra orðum og athugunum fyrir og eftir.
jogus skrifar:”Stundum skil ég ekki fólk.”
Það er vegna þess að þú ert fullur sjálfsmeðaumkunnar. Hérna talar þú eins og þú vildir frekar vera Benni Hinn en þú sjálfur. Þú virðist öfunda manninn vegna þess að hann á peninga. Þú talar eins og Benni Hinn væri betri maður ef hann gerði allt sem hann gerir án þess verða ríkur á því. Þú talar eins og einhver annar eigi að bera ábyrgð á því hvernig þér líður eða hvaða viðhorf þú hefur. Viðhorf þín virðast stjórnast af píslarvættistilfinningu, e.k. drullupolli þar sem þú liggur og flatmagar grenjandi.
Vó! Þetta var hreinlega of nákvæm lýsing á mér til að geta verið tilviljun... danskur, ertu nokkuð Guð?
Sindri vakti áhuga minn. Hann sagði um vin sinn Andra sem "læknaðist" af illvígum vöðvarýrnunarsjúkdómi...
"Ég var með honum í hljómsveit í nokkur ár".
Ég langar gríðarlega mikið til að fá að heyra tóndæmi með þessum Andra (Lasarusi) og Sindra. Þetta hlýtur að hafa verið hörkuband....
Ekki mikið í "Black Metal". Meira í svona "Worship Metal".
-o-o-o-o-
Ég skal skera af mér hausinn sparka honum milli turnanna á Háteigskirju ef þessi Andri hefur læknast hjá Benny Hinn.
khomeni: Þess má geta áð ég hlusta mest á black/death og thrash...
Fyrst þú skrifar "worship metal", veist þú kanski hver ég er? Vissir þú að ég er metal haus?
Nei kæri Sindri. Mér finnst bara hugmyndin um Black Metal gaur á Benný Hinn samkomu bara svo yfirþyrmandi.
Þú hefur verði plataður Sindri ef Andri þykist hafa læknast af vöðvarýrnunarsjúkdómi.
Leiðinlegt en afar satt...
Jamm, ætli þessi Andri sé ekki að skrökva þessu í trúaráróðursskyni. Kæmi mér varla á óvart. Lygar virðast vera fullkomlega leyfilegar hjá þessu fólki ef tilgangurinn er að lokka fleira fólk inn í söfnuðina.
Hvað meinarðu með þessu:"ætli þessi Andri sé ekki að skrökva þessu"
Auðvitað er hann að skrökva þessu! ;)
annars vill ég segja að mér fannst þessi heimildarmynd barasta mjög vel gerð og gat ekki séð að hún væri viljandi að reyna að sverta mannorð Benny Hinn. Hann er augljóslega skíthæll og því varla hægt að gera annað en sverta hans mannorð ef rétt er frá greint.
Ég veit ekki mikið um vöðvarýrnunarsjúkdóma, en það er ekki loku fyrir það skotið að slíkt geti læknast af sjálfu sér eða í það minnsta einkenni horfið um lengri eða skemmri tíma. Það er möguleiki á að það hafi hist svona á með þennan einstakling.
Ég held í það minnsta þeim möguleika opnum og þá er óþarfi að kveða upp úr, án fyrirvara, um lygar og fals.
góður punktur Birgir. þetta gæti hafa læknast einhvernvegin á sjálfu sér. En þó án hjálpar Guðs.
Það versta er svo þegar fólk sem ekki hefur fengið lækningu, liggur fyrir dauðanum. Það fólk er oft mjög hrætt og kvíðið, því þar sem það trúði auðsýnilega ekki nógu sterkt til að fá lækningu, þá er aldrei að vita nema það lendi í Helvíti. Alla vega elskar guð það ekki nógu heitt til að veita því lækningu. þá er ekkert víst hvort Lykla-Pétur sleppi þeim inn, þó svo það hafi borgað flugu í einhvern söfnuð og liggi á bæn öllum stundum.
Sem trúuð persóna, þá kemur þetta mér ekki á óvart, ég verð að segja eins og er, þá hef ég aldrei þolað þennann mann, og oft haft sektarkennd yfir því. En ekki lengur. Maðurinn er loddari púnktur.
En hver sá sem skilur ekki hversu máttugur Guð er, skilur ekki mátt Guðs. Þetta er hluti vandamálsins, þarna eigum við öll það sameiginlegt vanskilning, vanskilining, það sem við skiljum ekki reynum við að afskrifa og afsanna, ef við skiljum ekki Guð´og mátt hanns, hvernig þá eigum við að læknast þegar við byðjum hann um það, glóðvolg í skilningi á mætti sem er óskiljanlegur fyrir hinn venjulega mann.
Jesú kom til þess að einfalda Guð m.a. Og honum tókst það svo vel, að loddarar vanhelga heilagt orð og trú fólks í dag.
Hinsvegar eru margir, endalaust margir sem svikja engann, og kenna trú í kærleika, og misnota EKKI orð Guðs til þess að blekkja eða svíkja, við þurfum að læra muninn á þessum einstaklingum.
Ég skrifaði þetta ekki til þess að fara í einhverja umræðu, heldur bara að koma með mitt sjónarhorn á þessum aðila.
Guð svo elskaði heiminn að hann gaf Son sinn eingetinn svo við mættum öðlast eilíft líf. Við skiljum þetta ekki ennþá...
Kannski skiljum við þetta ekki vegna þess að það er nákvæmlega ekkert vit í þessu. Guð elskar heiminn svo mikið að hann fórnar sjálfum sér til að bjarga heiminum frá sinni eigin reiði. Það er djúpt á þessari speki, ef hún er þá einhver.
Fatth segir: "En hver sá sem skilur ekki hversu máttugur Guð er, skilur ekki mátt Guðs"... -Einmitt!!
Ég hvet þig Fatth að lesa Biblíuna. Það er besta leiðin til að verða trúleysingi. Bara eitt að lokum...
Hversvegna drap guð son sinn fyrst hann er almáttugur? Hvaða rugl/geðveiki er það að drepa barnið sitt til að koma að einhverjum punkti!!!..
SÉRSTAKEGA ÞEGAR PUNKTURINN VARÐAR ELSKU OG UMHYGGJU......
Vaknið til lífsins kæru trúartryllingar! ..Og endilega takið ykkur biblíu í hönd og lesið hana. Það er besta leiðin til að verða trúleyingi og heiminum vantar sannarlega fleiri slíka.
Unnar, ég reyndar þekki frelsaðan Íslending sem féll ekki þegar Benni Hinn kom. Allir féllu nálægt honum en ekki hann. Hinn gerði þrjár tilraunir og bara ekkert ;) Svo það hefur gerst. Ég þekki fólk sem hefur læknast fyrir bæn. Persónulega hef ég aldrei haft miklar væntingar til Benni Hinn og þetta myndband breytti skoðun minni á honum ekki baun. Ég veit að Guði er ekkert um megn.
Ég þekki enga þá kirkju hér á landi sem velur það fólk sem kemur fram til fyrirbænar. Reyndar hef ég aldrei verið á samkomu þar sem fólk vitnar um lækninguna samdægurs og hún á sér stað. Gerist yfirleitt einni eða fleirum vikum síðar þegar fólk hefur farið til læknis.
ef við skiljum ekki Guð´og mátt hanns, hvernig þá eigum við að læknast þegar við byðjum hann um það, glóðvolg í skilningi á mætti sem er óskiljanlegur fyrir hinn venjulega mann.
Við þurfum sem sagt að skilja guð og mátt hans til að hann lækni okkur. Þetta skýrir af hverju fyrirbænir eru vita gangslausar eins og hefur verið sannað með vísindalegum rannsóknum. Guð biblíunnar er lítið skárri karakter en Benny Hinn. Lesið biblíuna með gagnrýnum hætti, þá skiljið þið hvað ég á við.
Humm segir: "Ég þekki enga þá kirkju hér á landi sem velur það fólk sem kemur fram til fyrirbænar. Reyndar hef ég aldrei verið á samkomu þar sem fólk vitnar um lækninguna samdægurs og hún á sér stað. Gerist yfirleitt einni eða fleirum vikum síðar þegar fólk hefur farið til læknis."
Já þannig er þetta líka með kvef. Maður getur annaðhvort tekið allskonar hvítlauksdropa, C-vítamín og stundað böð í viku ,farið með bænir og batnað síðan...
Eða bara legið í rúminu í viku og batnað síðan.
-o-o-o-o-o-
Ef bænir virka svona vel fyrir heilsu fólks. Þá væri POTTÞÉTT að stóru lyfjafyrirtækin (Pfiser, GlaxoSmithKline, Sanofi-Aventis, Johnson&Johnson) Væru með starfandi fyrirbænahópa á sínum vegum.
Þetta bænarugl minnir mig alltaf á sögu af manni sem taldi sig vera berdreyminn. Hann sagðist hafa dreymt að systir sín kæmi til sín með túnfífil. "og það var eins og við manninn mælt. -10 árum síðar byrjaði Hekla að gjósa..."
Það eru ekki tengsl milli bænar og bænaefnisins. Stundum virðist það þó vera en ástæðurnar eru aðrar.
Þetta er sorgleg staðreynd því það væri afar gaman að búa í heimi þar sem bænir virka.
Fólkið nátturlega tekur á móti lækningu samstundist en sleppir að vitna um hana þangað til það fer til læknis yfirleitt ;) Kannski er það bara íslensk varkárni veit það ekki. Kannski erum vantrú. Ekki ætla ég að segja til um það. Fyrr má nú snúa útúr orðum manns ;)
Oft hef ég undrað mig á því að sölumenn eru oft áberandi í trúarsöfnuðum. Hvers konar innblástur sækja þeir þangað? Læra trixin af ræðumanni? "Ja fyrst hann getur selt heilagann anda ætti ég nú að geta pússhað þessu bílabóni". Veit ekki. Kannski sækist fólk eftir fálagsskap þarna, verða hluti af einhverju, finna til sín. Trúin þá aukaatriði.
Sæll Hjalti.. Eru sölumenn áberandi í trúarsöfnuðum? Hvernig veist þú það? Ég myndi halda að maður þyrfti að hafa farið á allnokkrar samkomur til þess að koma með svona blammeringar.
Segðu oss meira...
Já væri gaman að vita meira um sölumennina. Ég var lengi vel í um 200 manna söfnuði sem reyndar var allur í skóla ;) eins og tíðrætt er um landann. Man ekki eftir neinum sölumanni nema okkur krakkana sem unnum á kassa í matvöruverslunum ;)
Veit ekkert um fjölda sölumanna í trúarsöfnuðum, en veit aftur á móti að sölumenn og ræðumenn í trúarsöfnuðum eiga það gjarnan sameiginlegt að (virðast) hafa mikla ástríðu fyrir því sem þeir eru að tala um, og þar af leiðandi mikinn sannfæringarkraft. Þar kem ég einnig að herra Hinn, hann hefur mikinn sannfæringarkraft, hvort sem hann hefur læknað eða ekki (gegnum mátt Guðs eða ekki). Fólk fellur í yfirlið vegna geðshræringar sinnar. Fólk læknast að mínu mati helst vegna einhvers konar sjálfsdáleiðslu, það VILL svo mikið trúa að það geti læknast. Veit til að það hafi þekkst að fólk sem læknast á svona samkomum geri það í skamman tíma (vegna 'sjálfsdáleiðslunnar') og allt falli svo í sama farið einhverju síðar. Þetta er sem sagt voða mikið spurning um vald hugans yfir líkamanum (og er ég þó ekki að segja að mér finnist óhugsandi að Guð eða æðri máttur geti komið við sögu og blessað viðkomandi svo hann læknist) :-)
Sölumenska er nauðsynleg í þessum söfnuðum. Sjáið bara Eirík á Omega þegar hann er að selja sitt. Snýkjandi peninga af fólki fyrir hinu og þessu t.d. skólahúsi, textavél. Þar grípur hann til þekktra aðferða við sölumensku. Ekki gleyma Skjákaup sem sjónvarpað er þegar ekki er verið að senda úr kristilegt bull.
Þessir litlu söfnuðir sem ekki eru á jötu ríkisins þurfa á góðri sölumennsku að halda til að lifa af.
Fatth segir:
En hver sá sem skilur ekki hversu máttugur Guð er, skilur ekki mátt Guðs.
Benny Hinn er loddari og það er sá eða þeir sem hafa skrökvað þessu að þér líka. Nema þeir séu á valdi einhvers annars loddara og beri kjaftæðið áfram eins og þú hér.
Það var ekki minnst á það einu sinni í þessum þætti að fólk hafi vikilega læknast.. Þó hef ég séð það annars staðar og í öðrum þáttum, lesið um það í tímaritum og annað.. Síðan segið þið að þessi þáttur hafi verið vel unninn og ekki með það í huga að sverta mannorð Benny Hinns. Þó að menn klæði sig í jakkaföt og haldi á svartri möppu þýðir það ekki að þeir séu með fjármála yfir it Benny Hinns í höndunum og sjái nákvmæmlega hvað hann er að gera á daginn. Og hvað er að því að vera frelsaður lækninga prédikari sem á heima í flottu húsi og gistir á dýrum hótel herbergjum??
Hvenrig vogið þið ykkur síðan að segja bara hreint út að þessi Andri hafi ekki læknast? Þið skítið yfir Benny Hinn og hans starf og trú mína og síðan þegar einhver kemur með staðreyndir um eitthvað annað en þið segið þá bara segið þið nei eins og þið vitið eitthvað um það. Ég get sjálfur vitnað um kraftaverk í mínu lífi sem að urðu fyrir bæn.
síðan þegar einhver kemur með staðreyndir um eitthvað annað
Þú ert að rugla saman fullyrðingum og staðreyndum. Ef einhver kemur fram með sannanir er ég tilbúinn að skoða það, fullyrðingar um kraftaverk eru ósköp lítils virði án sannana.
Og hvað er að því að vera frelsaður lækninga prédikari sem á heima í flottu húsi og gistir á dýrum hótel herbergjum??
Tja, ekkert nema að Benny Hinn lýgur að fólki þegar hann segir að söfnunarfé fari ekki í hans vasa. Þetta dæmi snýst fyrst og fremst um það að gera Benny Hinn og hans hyski auðugt.
Ég get sjálfur vitnað um kraftaverk í mínu lífi sem að urðu fyrir bæn.
Ósköp er þetta nú sætt - viltu e.t.v. uppfræða okkur um hvert kraftaverkið var?
Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.
Matti (meðlimur í Vantrú) - 05/12/06 10:28 #
Eins og ég hef áður sagt, þetta er kraftaverkahyski.
Það er magnað að hér á landi er til þokkalega menntað fólk sem trúir því í alvöru að Benny Hinn sé kraftaverkakarl en ekki loddari !