Vantrú hefur sent helstu fjölmiðlum eftirfarandi bréf.
Á þessu ári hefur félagið Vantrú aðstoðað þrjúhundruð þrjátíu og einn einstakling við að leiðrétta trúfélagsskráningu sína. Að minnsta kosti þrjúhundruð þeirra hafa skráð sig utan trúfélaga. Þannig hefur Vantrú aukið ráðstöfunartekjur Háskólasjóðs, sem eru mikilvægar fyrir Háskóla Íslands, um rúmlega tvær milljónir.
Síðustu vikur hafa margir haft samband við okkur og sagt að þeir hafi verið ranglega skráðir í Þjóðkirkjuna. Annað hvort voru þeir alla tíð skráðir utan trúfélaga eða höfðu sjálfir skráð sig úr Þjóðkirkjunni á síðustu árum. Villan í skráningarkerfinu hjá Þjóðskrá virðist vera einu trúfélagi afskaplega hagstæð. Það hlýtur að vera mjög alvarlegt mál þegar gölluð gögn eru notuð við úthlutun hárra fjárhæða frá skattborgurum. Við minnum á að í 64. grein Stjórnarskrárinnar segir: "Öllum er frjálst að standa utan trúfélaga. Enginn er skyldur til að inna af hendi persónuleg gjöld til trúfélags sem hann á ekki aðild að."
Upplýsingar um skráningu einstaklinga í trúfélag eru ekki aðgengilegar. Einstaklingar þurfa að hafa samband við Þjóðskrá og varla er hægt að ætlast til þess að fólk geri það einu sinni á ári. Vantrú leggur til að þessar upplýsingar komi fram á skattframtali eins og eðlilegt er þar sem þessar upplýsingar hafa áhrif á hvernig tekjuskatti er úthlutað. Einnig væri að okkar mati sjálfsagt að einstaklingar geti breytt þessari skráningu á skattframtali.
Þú ert ekki sú eina sem hefur lent í þessu. Það eru nýmörg dæmi um að fólk hafi fyrir löngu síðan skráð sig úr ÞK en lent í henni aftur vegna flutninga t.d. milli sókna eða landa.
Þetta er algert hneyksli og þegar prestar og biskupar byrja að jarma að svo svo mörg prósent eru í ÞK - það er náttúrulega ekkert mál að halda uppi prósentutölunni þegar allir enda í henni aftur!
Er ekki hægt að nota þessa "styrki" upp á móti skatti? :D (það ætti að vera þannig í raun)
Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.
ásta - 08/12/06 17:56 #
Góð hugmynd að láta þetta koma fram á skattaframtali, eða á framtalsseðli.
Eg flutti til landsins fyrir 18 mánuðum síðan. Eg var mjög passasöm og skráði alla fjölskylduna utan trúfélags.Eg fékk engin viðbrögð frá hagstofunni. þann 30. nov. fór ég að athuga þetta til öryggis, og þá kom í ljós að dætur mínar tvær 15 og 16 ára voru í þjóðkirkjunni. Astæðan var sú, að þær þurftu að skrifa undir beðni um utskráningu úr þjóðkirkjunni sjálfar, þar sem þær voru orðnar 12 ára. Nú voru þær ekki í þjóðkirkunni í Svíþjóð þegar við fluttum heim og ekki fengum við nein viðbrögð þegar þær voru skráðar inní landið utan trúfélags.