Allar færslur Allir flokkar Sos Um félagið Úrskráning Lógó Spjallid@Vantru Póstfang Vantru@Facebook Vantru@Youtube Vantru@Twitter

Kristilegt ofbeldi Biblíunnar

Stundum þarf að berja fólk því það er sjálfu því fyrir bestu.

Blóðugar skrámur hreinsa illmennið og högg, sem duglega svíða. Okv.20.30

Sumt fólk þarf að lemja duglega til að refsa því fyrir glæpi þeirra.

og hinn seki hefir unnið til húðstroku, þá skal dómarinn láta leggja hann niður og láta slá hann í viðurvist sinni eins mörg högg og hæfir misgjörð hans. 5.Mós.25.2

Það er alltaf gott að berja heimskt fólk, helst sem oftast.

Varir heimskingjans valda deilum, og munnur hans kallar á högg. Okv.18.6

Refsidómar eru búnir spotturunum og högg baki heimskingjanna. Okv.19.29

Svipan hæfir hestinum og taumurinn asnanum - en vöndurinn baki heimskingjanna. Okv.26.3

Einnig má lúskra á þrælum, ef þeir lifa af í einn eða tvo daga eftir barsmíðarnar.

Ef maður lýstur þræl sinn eða ambátt með staf, svo að hann deyr undir hendi hans, þá skal hann refsingu sæta. En sé hann með lífi einn dag eða tvo, þá skal hann þó eigi refsingu sæta, því að þrællinn er eign hans verði keypt. 2.Mós.21.20-21

Að berja börn sín er góð aðferð til að sýna þeim foreldraást.

Sá sem sparar vöndinn, hatar son sinn, en sá sem elskar hann, agar hann snemma. Okv.13.24

Með því að berja börnin verða þau síður heimsk.

Ef fíflska situr föst í hjarta sveinsins, þá mun vöndur agans koma henni burt þaðan. Okv.22.15

Vöndur og umvöndun veita speki, en agalaus sveinn gjörir móður sinni skömm. Okv.29.15

Svo best er að berja börnin oft og duglega. Ekki hafa áhyggjur af því að meiða þau því þó að fáein bein brotni eða þau verði fyrir nettum heilaskaða þá á það ekki eftir að drepa þau. Og jafnvel þó að barsmíðarnar gangi af þeim dauðum þá eru þau betur sett samt sem áður því þau munu þakka þér á himnum fyrir að frelsa þau frá helvíti.

Spara eigi aga við sveininn, því ekki deyr hann, þótt þú sláir hann með vendinum. Þú slær hann að sönnu með vendinum, en þú frelsar líf hans frá Helju. Okv.23.13-14

Hægt er að finna mörg dæmi í Biblíunni um líkamsmeiðingar undir góðu yfirskini.

Nehemía, sem samkvæmt Biblíunni var mikill leiðtogi, barði fólk og hárreytti það.

Og ég taldi á þá og bað þeim bölbæna, já, barði nokkra af þeim og hárreytti þá, og ég særði þá við Guð: „Þér skuluð ekki gifta dætur yðar sonum þeirra, né taka nokkra af dætrum þeirra til handa sonum yðar eða sjálfum yður.“ Neh.13.25

Guð Gamla Testamentisins notaðist við vöndinn til að berja á þeim sem hegðuðu sér illa, ásamt því að senda þeim plágur.

Ef synir hans hafna lögmáli mínu og ganga eigi eftir boðum mínum, ef þeir vanhelga lög mín og varðveita eigi boðorð mín, þá vil ég vitja afbrota þeirra með vendinum og misgjörða þeirra með plágum, Sálm.89.31-33

Stundum virðist manni sem að Jesús hafi ekki verið mótfallinn ofbeldi. Sem dæmi talaði hann oft um að pynta óvini sína í dæmisögum sínum.

Og konungur varð reiður og afhenti hann böðlunum, uns hann hefði goldið allt, sem hann skuldaði honum. Matt.18.34

Hann segir við hann: „Vinur, hvernig ert þú hér kominn og ert ekki í brúðkaupsklæðum?“ Maðurinn gat engu svarað. Konungur sagði þá við þjóna sína: „Bindið hann á höndum og fótum og varpið honum í ystu myrkur. Þar verður grátur og gnístran tanna.“ Matt.22.12-13

þá mun húsbóndi þess þjóns koma á þeim degi, sem hann væntir ekki, á þeirri stundu, sem hann veit ekki, höggva hann og láta hann fá hlut með hræsnurum. Þar verður grátur og gnístran tanna. Matt.24.50-51

þá mun húsbóndi þess þjóns koma á þeim degi, er hann væntir ekki, á þeirri stundu, er hann veit ekki, höggva hann og láta hann fá hlut með ótrúum. Sá þjónn, sem veit vilja húsbónda síns og hefur ekki viðbúnað né gjörir vilja hans, mun barinn mörg högg. En hinn, sem veit hann ekki, en vinnur til refsingar, mun barinn fá högg. Hver sem mikið er gefið, verður mikils krafinn, og af þeim verður meira heimtað, sem meira er léð. Lúk.12.46-48

Illu andarnir gerðu yfirleitt ráð fyrir því að Jesús ætlaði sér að kvelja þá (og Jesú neitaði því reyndar aldrei).

Þeir æpa:„Hvað vilt þú okkur, sonur Guðs? Komstu hingað að kvelja okkur fyrir tímann?“ Matt.8.29

og æpti hárri röddu:„Hvað vilt þú mér, Jesús, sonur Guðs hins hæsta? Ég særi þig við Guð, kvel þú mig eigi!“ Mark.5.7

Þegar hann sá Jesú, æpti hann, féll fram fyrir honum og hrópaði hárri röddu: „Hvað vilt þú mér, Jesús, sonur Guðs hins hæsta? Ég bið þig, kvel þú mig eigi!“ Lúk.8.28

Við heimsenda mun guð kvelja suma menn þangað til að þeir vilja einungis deyja. En guð leyfir þeim ekki að deyja því hann vill pynta þá lengur.

Og þeim var svo um boðið, að þær skyldu eigi deyða þá, heldur skyldu þeir kvaldir verða í fimm mánuði. Undan þeim svíður eins og undan sporðdreka, er hann stingur mann. Á þeim dögum munu mennirnir leita dauðans og ekki finna hann. Menn munu æskja sér að deyja, en dauðinn flýr þá. Op.9.5-6

En mesta kvalræðið er þó alltaf að lenda í helvíti. Þegar um að er ræða helvítisvist þá er allt réttlætanlegt.

Mannssonurinn mun senda engla sína, og þeir munu safna úr ríki hans öllum, sem hneykslunum valda og ranglæti fremja, og kasta þeim í eldsofninn. Þar verður grátur og gnístran tanna. Matt.13.41-42

Ef hönd þín eða fótur tælir þig til falls, þá sníð hann af og kasta frá þér. Betra er þér handarvana eða höltum inn að ganga til lífsins en hafa báðar hendur og báða fætur og verða kastað í hinn eilífa eld. Og ef auga þitt tælir þig til falls, þá ríf það úr og kasta frá þér. Betra er þér eineygðum inn að ganga til lífsins en hafa bæði augu og verða kastað í eldsvítið. Matt.18.8-9

Síðan mun hann segja við þá til vinstri handar:„Farið frá mér, bölvaðir, í þann eilífa eld, sem búinn er djöflinum og árum hans.“ Matt.25.41

...helvíti, þar sem ormarnir deyja ekki og eldurinn slokknar ekki. Mark.9.43-49

En nú gjörðist það, að fátæki maðurinn dó, og báru hann englar í faðm Abrahams. Ríki maðurinn dó líka og var grafinn. Og í helju, þar sem hann var í kvölum, hóf hann upp augu sín og sá Abraham í fjarska og Lasarus við brjóst hans. Þá kallaði hann: „Faðir Abraham, miskunna þú mér, og send Lasarus, að hann dýfi fingurgómi sínum í vatn og kæli tungu mína, því ég kvelst í þessum loga.“ Lúk.16.22-24

þá skal sá hinn sami drekka af reiði-víni Guðs, sem byrlað er óblandað í reiðibikar hans, og hann mun kvalinn verða í eldi og brennisteini í augsýn heilagra engla og í augsýn lambsins. Og reykurinn frá kvalastað þeirra stígur upp um aldir alda, og eigi hafa þeir hvíld dag eða nótt, þeir sem dýrið tilbiðja og líkneski þess, hver sá sem ber merki nafns þess. Op.14.10-11


Byggt á bloggi Steve Wells.

Lárus Viðar 26.11.2006
Flokkað undir: ( Kristindómurinn )

Viðbrögð


Reynir (meðlimur í Vantrú) - 26/11/06 11:12 #

"Í mínum huga er það sláandi að upp skuli rísa félög og einstaklingar sem vilja koma í veg fyrir að börnin okkar eigi samtal við þjóna kirkjunnar um lífsgildi og holl viðmið."

Þetta eru orð Jónu Hrannar Bolladóttur sóknarprests í Garðaprestakalli í dreifibréfi sem sent var inn á öll heimili í Garðabæ vegna gagnrýni á Vinaleiðina.


Aiwaz (meðlimur í Vantrú) - 26/11/06 11:42 #

Jamm, algóður guð er kærleikur það fer ekki milli mála enda eru fyrirgefning, miskunnsemi og umburðarlyndi hornsteinar kristindóms..... hmmmmm


jogus (meðlimur í Vantrú) - 26/11/06 14:59 #

Ótrúlegt hvað þarf að segja ykkur þetta oft, þið verðið að lesa þetta í ljósi Krists!

Það hlýtur að vera erfitt að vera guðsmaður að burðast með þennan gatslitna, hnausþykka illa skrifaða leiðbeiningabækling öllum stundum. Önnur höndin heldur Biblíunni á lofti og hin skýlir henni svo fólk geti ekki lesið það sem í henni stendur.

Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.