05.07.2006
Velkominn herra Bush
Þegar George Bush sóttist, sem sitjandi varaforseti, eftir embætti forseta kom hann við í Chicago, Illinois 27. ágúst 1987. Hann hélt fréttamannafund á O'Hare flugvellinum þar sem Robert I. Sherman frá fréttaritinu American Atheist, boðinn til fréttaflutnings af kosningunum og með gilt blaðamannaleyfi í Illinois, átti eftirfarandi samtal við Bush.
Sherman: Hvað munt þú gera til að fá atkvæði bandarískra trúleysingja?
Bush: Ætli ég megi mín ekki lítils í samfélagi trúlausra. Trú á Guð er mér mikilvæg.
Sherman: Þú hlýtur að viðurkenna jafnan borgararétt og föðurlandsást bandarískra trúleysingja?
Bush: Nei, ég er ekkert viss um að trúleysingjar ættu að teljast borgarar né ættu þeir að teljast föðurlandsvinir. Þetta er ein þjóð undir Drottni.
Sherman (frekar brugðið): Styður þú aðskilnað ríkis og kirkju sem mikilvægt atriði stjórnarskrár?
Bush: Já, ég styð aðskilnað ríkis og kirkju. Ég er bara ekkert sérstaklega hrifinn af trúleysingjum.
Flokkað undir: ( Ófleyg orð )
Viðbrögð
Kalli - 05/07/06 12:38 #
Eftir á að hyggja er sá galli við athugasemd mína að ofan að hún gæti litið út fyrir að gera lítið úr örlögum Gyðinga á tíma Þriðja ríkisins. Það var ekki áætlunin en það að telja þjóðfélagshóp ekki eiga borgaraleg réttindi skilin á grundvelli trúarbragða – eða skorts á þeim – minnir óneitanlega á upphafið að ýmsu hræðilegu.
Hreinskilni í sjálfu sér er hins vegar ekki slæm. Það er hins vegar slæmt þegar svona yfirlýsingar fá að fjúka og menn komast samt í æðstu áhrifastöður.
Alexander E. - 05/07/06 12:51 #
George Bush Bandaríkjaforseti gerir mig mjög reiðann. Ég skil ekki hvernig hann varð að valdamesta manni veraldar.
Jón Magnús (meðlimur í Vantrú) - 05/07/06 12:52 #
Öfgatrúarliðið í BNA kom honum til valda. Þar er hans vígi í kristilegum íhalds og öfgamönnum.
Matti (meðlimur í Vantrú) - 05/07/06 14:25 #
Við megum ekki gleyma því að George Bush sem hér er vitnað í er Bush eldri, sem nú heimsækir Ísland. Það er nokkuð ljóst hvaðan sitjandi forseti Bandaríkjanna, George W. Bush, fékk trúarofsann. Sjaldan fellur eplið langt frá eikinni og allt það :-)
Jón Magnús (meðlimur í Vantrú) - 05/07/06 14:42 #
vúbbss... ég var að rugla þeim saman. Hélt að gamli karlinn væri ekki eins ruglaður og sonurinn en mér greinilega skjátlaðist.
Jórunn (meðlimur í Vantrú) - 05/07/06 16:11 #
Búss júníor er gott dæmi um hvernig foreldrar eyðileggja börnin sín með sínu eigin trúarofstæki. Er að hugsa um varnaðarorð Richard Dawkins...
Kalli - 05/07/06 16:18 #
Ég held samt að Junior hafi ekki verið neitt sérstaklega trúaður á yngri árum. Hafði víst meiri áhuga á ýmsum vímugjöfum og skemmtunum. Hann frelsaðist síðan eftir að hann kynntist konunni sinni eða þegar dætur hans fæddust.
Finn, Faroe Islands - 06/07/06 23:02 #
1 Tim.1,13: Who was before a blasphemer, and a persecutor, and injurious: but I obtained mercy, because I did it ignorantly in unbelief.
REPENT!! JESUS IS LORD!!
Sýnið viðbrögð, en vinsamlegast sleppið öllum ærumeiðingum. Einnig krefjumst við þess að fólk noti gild tölvupóstföng, líka þegar notast er við dulnefni. Ef það sem þið ætlið að segja tengist ekki þessari grein beint þá bendum við á spjallborðið. Þeir sem ekki fylgja þessum reglum eiga á hættu að athugasemdir þeirra verði færðar á spjallborðið.
Hægt er að nota HTML kóða í ummælum. Tög sem virka eru: a href, b, i, u, br, p, strong, em, ul, li og blockquote. Einnig er hægt að notast við Markdown rithátt í athugasemdum. Notið skoða takkann til að fara yfir athugasemdina áður en þið sendið hana inn.
Davíð - 05/07/06 08:25 #
Hreinskilinn maður...;)