Allar færslur Allir flokkar Sos Um félagið Úrskráning Lógó Spjallid@Vantru Póstfang Vantru@Facebook Vantru@Youtube Vantru@Twitter

Ritskoðun guðfræðinga

Umræða um grein gærdagsins á Vantrú hefur verið ritskoðuð. Það var ekki út af dónaskap heldur af því að bent var á að Árni Svanur vefstjóri þjóðkirkjunnar notar ekki sömu kríteríu þegar metið er hvort eitthvað teljist níð eður ei. Við björguðum athugasemdunum og þær má finna á spjallborði Vantrúar. Það gilda greinilega sérreglur um séra Jón.

Ritstjórn 24.05.2006
Flokkað undir: ( Vísun )

Viðbrögð


Árni Svanur - 27/05/06 20:24 #

Þrennt vil ég nefna í ljósi þess að þessi færsla fjallar í meginatriðum um mig:

  1. Annállinn er minn eigin, persónulegi, vettvangur. Mér finnst leiðinlegt að þú kjósir að blanda starfi mínu og vinnustað inn í umræður um hann. Ég hef til þessa ekki blandað vinnustöðum eða vinnuveitendum inn í umfjöllun um það sem þið látið frá ykkur.

  2. Það er ágætt að þið hafið vistað þessi ummæli, ég eyddi þeim út þar sem þau vörðuðu ekki efni færslunnar sem slíkrar heldur voru skoðanaskipti okkar á milli sem lauk með því að þið framfylgduð ummælastefnu ykkar. Ég hef séð það á ykkar vef að þið hikið ekki við að flytja efni sem ekki tengist efni greina / spjallþráða yfir á spjallborðið. Kannski þarf ég að smíða varðveisluhólf fyrir ummæli sem ekki snerta efni færslna á annálnum.

  3. Varðandi samanburðinn á þessu tilviki við prédikun Sigurðar Árna sem við ræddum um daginn þá vísa ég til þess sem ég skrifaði þar: Ég geri greinarmun á almennri umfjöllun um hópa og uppnefnum eða stælum sem beinast að nafngreindum einstaklingum. Sjá nánar færsluna á annál Carlosar.

Og svo ekkert fari nú á milli mála vil ég segja:

Ég mun beita mér með nákvæmlega sama hætti ef einhver nafngreinir trúleysingja í ummælum á mínum annál og kallar hann fífl eða bjána (eða vísar á færslu á öðrum annál þar sem slíkt er viðhaft). Slíkum ummælum verður eytt og ég mun ekki líða vísanir á færslur eða ummæli á vefjum þar sem slíkt er viðhaft.


Óli Gneisti (meðlimur í Vantrú) - 28/05/06 01:49 #

Heiðarleg gagnrýni á einstaklinga á semsagt ekki rétt á sér en óheiðarleg gagnrýni á hópa er allt í lagi? Öfugsnúinn heimur sem þú býrð í.

Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.