Ertu þreyttur á að heyra sífellt sömu versin lesin við fermingar? Leiður á þessum örfáu versum sem presturinn stingur upp á? "Svo elskaði guð heiminn....", "Ég er vegurinn, sannleikurinn..." Væri ekki gaman að hafa frumleg vers sem þú átt örugglega eftir að muna? Hérna er listi með nokkrum þannig versum. Ef presturinn vill ekki nota þau þá væri snjallt að spyrja hann hvers vegna hann vilji það ekki, sérstaklega þegar um er að ræða tilvitnanir í Jesú.
3:12. Hann er með varpskófluna í hendi sér og mun gjörhreinsa láfa sinn og safna hveiti sínu í hlöðu, en hismið mun hann brenna í óslökkvanda eldi.
5:22. En ég segi yður: Hver sem reiðist bróður sínum, skal svara til saka fyrir dómi. Sá sem hrakyrðir bróður sinn skal svara til saka fyrir ráðinu og hver sem svívirðir hann, hefur unnið til eldsvítis.
5:32. En ég segi yður: Hver sem skilur við konu sína, nema fyrir hórsök, verður til þess, að hún drýgir hór. Og sá sem gengur að eiga fráskilda konu, drýgir hór.
10:28. Hræðist ekki þá, sem líkamann deyða, en fá ekki deytt sálina. Hræðist heldur þann, sem megnar að tortíma bæði sálu og líkama í helvíti.
10:34. Ætlið ekki, að ég sé kominn að færa frið á jörð. Ég kom ekki að færa frið, heldur sverð.
10:35. Ég er kominn að gjöra son andvígan föður sínum, dóttur móður sinni og tengdadóttur tengdamóður sinni.
11:25. Á þeim tíma tók Jesús svo til orða: Ég vegsama þig, faðir, herra himins og jarðar, að þú hefur hulið þetta spekingum og hyggindamönnum, en opinberað það smælingjum.
12:30. Hver sem er ekki með mér, er á móti mér, og hver sem safnar ekki saman með mér, hann sundurdreifir.
12:32. Hverjum sem mælir gegn Mannssyninum, verður það fyrirgefið, en þeim sem mælir gegn heilögum anda, verður ekki fyrirgefið, hvorki í þessum heimi né í hinum komanda.
13:40-42 Eins og illgresinu er safnað og brennt í eldi, þannig verður við endi veraldar. Mannssonurinn mun senda engla sína, og þeir munu safna úr ríki hans öllum, sem hneykslunum valda og ranglæti fremja, og kasta þeim í eldsofninn. Þar verður grátur og gnístran tanna.
13:49-50 Svo mun verða, þegar veröld endar: Englarnir munu fara til, skilja vonda menn frá réttlátum og kasta þeim í eldsofninn. Þar verður grátur og gnístran tanna.
19:12. Sumir eru vanhæfir til hjúskapar frá móðurlífi, sumir eru vanhæfir gjörðir af manna völdum, sumir hafa sjálfir gjört sig vanhæfa vegna himnaríkis. Sá höndli, sem höndlað fær.
22:13-14 Konungur sagði þá við þjóna sína: Bindið hann á höndum og fótum og varpið honum í ystu myrkur. Þar verður grátur og gnístran tanna. Því að margir eru kallaðir, en fáir útvaldir.
23:33. Höggormar og nöðru kyn, hvernig fáið þér umflúið helvítisdóm?
24:29-30 En þegar eftir þrenging þessara daga mun sólin sortna og tunglið hætta að skína. Stjörnurnar munu hrapa af himni og kraftar himnanna bifast. Þá mun tákn Mannssonarins birtast á himni, og allar kynkvíslir jarðarinnar hefja kveinstafi. Og menn munu sjá Mannssoninn koma á skýjum himins með mætti og mikilli dýrð.
24:37-39 Eins og var á dögum Nóa, svo mun verða við komu Mannssonarins. Dagana fyrir flóðið átu menn og drukku, kvæntust og giftust allt til þess dags, er Nói gekk í örkina. Og þeir vissu ekki, fyrr en flóðið kom og hreif þá alla burt. Eins verður við komu Mannssonarins.
25:41 Síðan mun hann segja við þá til vinstri handar: Farið frá mér, bölvaðir, í þann eilífa eld, sem búinn er djöflinum og árum hans.
25:46 Og þeir munu fara til eilífrar refsingar, en hinir réttlátu til eilífs lífs.
7:32-35 Þá færa þeir til hans mann, daufan og málhaltan, og biðja hann að leggja hönd sína yfir hann. Jesús leiddi hann afsíðis frá fólkinu, stakk fingrum sínum í eyru honum og vætti tungu hans með munnvatni sínu. Þá leit hann upp til himins, andvarpaði og sagði við hann: Effaþa, það er: Opnist þú. Og eyru hans opnuðust, og haft tungu hans losnaði, og hann talaði skýrt.
8:22-25 Þeir koma nú til Betsaídu. Þar færa menn til Jesú blindan mann og biðja, að hann snerti hann. Hann tók í hönd hins blinda, leiddi hann út úr þorpinu, skyrpti í augu hans, lagði hendur yfir hann og spurði: Sér þú nokkuð? Hann leit upp og mælti: Ég sé menn, ég greini þá líkt og tré, þeir ganga. Þá lagði hann aftur hendur yfir augu hans, og nú sá hann skýrt, varð albata og heilskyggn á allt.
13:24-26, 30 En á þeim dögum, eftir þrenging þessa, mun sólin sortna og tunglið hætta að skína. Stjörnurnar munu hrapa af himni og kraftar himnanna bifast. Þá munu menn sjá Mannssoninn koma í skýjum með miklum mætti og dýrð. ... Sannlega segi ég yður: Þessi kynslóð mun ekki líða undir lok, uns allt þetta er komið fram.
8:9-10 En lærisveinar hans spurðu hann, hvað þessi dæmisaga þýddi. Hann sagði: Yður er gefið að þekkja leynda dóma Guðs ríkis, hinir fá þá í dæmisögum, að sjáandi sjái þeir ekki og heyrandi skilji þeir ekki.
10:21 Á sömu stundu varð hann glaður í heilögum anda og sagði: Ég vegsama þig, faðir, herra himins og jarðar, að þú hefur hulið þetta spekingum og hyggindamönnum, en opinberað það smælingjum. Já, faðir, svo var þér þóknanlegt.
11:23. Hver sem er ekki með mér, er á móti mér, og hver sem safnar ekki saman með mér, hann sundurdreifir.
12:4-5 Það segi ég yður, vinir mínir: Hræðist ekki þá, sem líkamann deyða og fá að því búnu ekki meira að gjört. Ég skal sýna yður, hvern þér eigið að hræðast. Hræðist þann, er hefur vald að deyða og að því búnu varpa í helvíti. Já, ég segi yður, hræðist hann.
12:47 Sá þjónn, sem veit vilja húsbónda síns og hefur ekki viðbúnað né gjörir vilja hans, mun barinn mörg högg.
12:49. Ég er kominn að varpa eldi á jörðu. Hversu vildi ég, að hann væri þegar kveiktur!
14:26. Ef einhver kemur til mín og hatar ekki föður sinn og móður, konu og börn, bræður og systur og enda sitt eigið líf, sá getur ekki verið lærisveinn minn.
16:17-18 En það er auðveldara, að himinn og jörð líði undir lok, en einn stafkrókur lögmálsins falli úr gildi. Hver sem skilur við konu sína og gengur að eiga aðra, drýgir hór, og hver sem gengur að eiga konu, sem skilin er við mann, drýgir hór.
3:36 Sá sem trúir á soninn, hefur eilíft líf, en sá sem óhlýðnast syninum, mun ekki sjá líf, heldur varir reiði Guðs yfir honum.
15:6 Hverjum sem er ekki í mér, verður varpað út eins og greinunum, og hann visnar. Þeim er safnað saman og varpað á eld og brennt.
1:18. Reiði Guðs opinberast af himni yfir öllu guðleysi og rangsleitni þeirra manna, er kefja sannleikann með rangsleitni,
1:26-27 Þess vegna hefur Guð ofurselt þá svívirðilegum girndum. Bæði hafa konur breytt eðlilegum mökum í óeðlileg, og eins hafa líka karlar hætt eðlilegum mökum við konur og brunnið í losta hver til annars, karlmenn frömdu skömm með karlmönnum og tóku út á sjálfum sér makleg málagjöld villu sinnar.
12:19. Hefnið yðar ekki sjálfir, þér elskaðir, heldur lofið hinni refsandi reiði Guðs að komast að, því að ritað er: Mín er hefndin, ég mun endurgjalda, segir Drottinn.
13:1 Sérhver maður hlýði þeim yfirvöldum, sem hann er undirgefinn. Því ekki er neitt yfirvald til nema frá Guði, og þau sem til eru, þau eru skipuð af Guði.
13:4 Yfirvöldin bera ekki sverðið ófyrirsynju, þau eru Guðs þjónn, hegnari til refsingar þeim er aðhefst hið illa.
6:9-10 Vitið þér ekki, að ranglátir munu ekki Guðs ríki erfa? Villist ekki! Hvorki munu saurlífismenn né skurðgoðadýrkendur, hórkarlar né kynvillingar, þjófar né ásælnir, drykkjumenn, lastmálir né ræningjar Guðs ríki erfa.
7:1-2 En svo að ég minnist á það, sem þér hafið ritað um, þá er það gott fyrir mann að snerta ekki konu. En vegna saurlifnaðarins hafi hver og einn sína eiginkonu og hver og ein hafi sinn eiginmann.
17:33-35 ...Eins og í öllum söfnuðum hinna heilögu skulu konur þegja á safnaðarsamkomunum, því að ekki er þeim leyft að tala, heldur skulu þær vera undirgefnar, eins og líka lögmálið segir. En ef þær vilja fræðast um eitthvað, þá skulu þær spyrja eiginmenn sína heima. Því að það er ósæmilegt fyrir konu að tala á safnaðarsamkomu.
5:21-24 Verið hver öðrum undirgefnir í ótta Krists: Konurnar eiginmönnum sínum eins og það væri Drottinn. Því að maðurinn er höfuð konunnar, eins og Kristur er höfuð kirkjunnar, hann er frelsari líkama síns. En eins og kirkjan er undirgefin Kristi, þannig séu og konurnar mönnum sínum undirgefnar í öllu.
3:22 Þér þrælar, verið hlýðnir í öllu jarðneskum drottnum yðar, ekki með augnaþjónustu, eins og þeir er mönnum vilja þóknast, heldur í einlægni hjartans og í ótta Drottins.
2:7-9 En yður, sem þrengingu líðið, veitir hann hvíld ásamt oss, þegar Drottinn Jesús opinberast af himni með englum máttar síns. Hann kemur í logandi eldi og lætur hegningu koma yfir þá, sem þekkja ekki Guð, og yfir þá, sem hlýða ekki fagnaðarerindinu um Drottin vorn Jesú. Þeir munu sæta hegningu, eilífri glötun, fjarri augliti Drottins og fjarri dýrð hans og mætti,...
2:11. Þess vegna sendir Guð þeim megna villu, til þess að þeir trúi lyginni.
2:11-15 Konan á að læra í kyrrþey, í allri undirgefni. Ekki leyfi ég konu að kenna eða taka sér vald yfir manninum, heldur á hún að vera kyrrlát. Því að Adam var fyrst myndaður, síðan Eva. Adam lét ekki tælast, heldur lét konan tælast og gjörðist brotleg. En hún mun hólpin verða, sakir barnburðarins, ef hún stendur stöðug í trú, kærleika og helgun, samfara hóglæti.
6:1. Allir þeir, sem eru ánauðugir þrælar, skulu sýna húsbændum sínum allan skyldugan heiður, til þess að ekki verði lastmælt nafni Guðs og kenningunni.
2:9-10 Áminn þræla, að þeir séu undirgefnir húsbændum sínum og í öllu geðþekkir, ekki svörulir, ekki hnuplsamir, heldur skulu þeir auðsýna hvers konar góða trúmennsku, til þess að þeir prýði kenningu Guðs frelsara vors í öllum greinum.
10:30-31 Vér þekkjum þann, er sagt hefur: Mín er hefndin, ég mun endurgjalda. Og á öðrum stað: Drottinn mun dæma lýð sinn. Óttalegt er að falla í hendur lifanda Guðs.
þið eruð svo miklir lúðar.. að búa til ykkar útgáfu af trúarbrögðum og að halda að þið hafið rétt fyrir ykkur.. svo eruð þið alveg rooosalega kaldhæðnir sem gerir ykkur svo svala
Ágætt að hljóma eins og þú vitir um hvað þú ert að tala... því fer þó fjarri að þetta séu allt tilvitnanir í Jesú.
Ég veit vel að þetta eru ekki allt tilvitnanir í Jesú, sbr orði: "Ef presturinn vill ekki nota þau þá væri snjallt að spyrja hann hvers vegna hann vilji það ekki, sérstaklega þegar um er að ræða tilvitnanir í Jesú."
Þarna segi ég ef að um tilvitnun í Jesú sé að ræða þá sé meiri ástæða til þess að spyrja prestinn hvers vegna það megi ekki nota hana.
Fyrir utan það að stór hluti af þessu er einfaldlega fullkomlega góður boðskapur ef menn bera eitthvað skynbragð á merkingu orðanna.
Dæmi: "Ég er kominn að varpa eldi á jörðu. Hversu vildi ég, að hann væri þegar kveiktur!"
Hmm...og hver er góði boðskapurinn þarna? Ef við lesum þetta í samhengi þá er hann nýbúinn að tala um heimsendi og síðan fer hann að tala um ósætti á jörðinni eftir þetta. Hvað er gott við þetta?
Jafn mikið og ég þoli ekki ofsatrúarmenn sem sníða trúarbrögð eftir eigin hentisemi, þoli ég ekki sem týna til samhengislausrar setningar og nota sem vopn gegn þeim..
Þú mátt endilega útskýra hvers vegna þessar setningar eru teknar úr samhengi. Ef þú gerir það ekki, þá eru þetta bara innantómar fullyrðingar hjá þér.
Synd að jafn vel gefnir og þið hljómið að þið skulið fara niður á sama plan og trúarofstækisfíflin. Vona að pistlahöfundur sé stoltur af því að vera á sama plani og þeir sem hann þykist vera berjast gegn.
Ég fer ekkert niður á sama plan og "trúarofstækisfíflin".
btw.. það er góð lenska að geta heimilda þegar menn nota efni frá öðrum, annað er stuldur á heimildum... spurðu bara Hannes Hólmstein
Um hvað ertu að tala? Viltu virkilega að ég taki fram að þessi vers eru úr íslensku Biblíunni?
þið eruð svo miklir lúðar.. að búa til ykkar útgáfu af trúarbrögðum og að halda að þið hafið rétt fyrir ykkur.. svo eruð þið alveg rooosalega kaldhæðnir sem gerir ykkur svo svala
Við erum ekki að búa til neina "útgáfu af trúarbrögðum".
ég skal biðja fyrir ykkur, ykkur líður eitthvað ekki alveg nógu vel greyin mín. Það er greinilegt að þú eða þið eruð eitthvað reiðir út í Guð annars væruð þið ekki að þessu.
Hvernig getur maður verið reiður út í eitthvað sem er ekki til?!? :-S
Ég mun tala við sjálfan mig um Guðmund, honum líður eitthvað ekki nógu vel greyið mitt. Það er greinilegt að hann er eitthvað reiður út í tannálfinn annars myndi hann ekki setja inn þessa athugasemd.
hver ert þú að segja að Guð sé ekki til Hjalti minn, reyndu að vera ekki svona fullur af sálfum þér og reyna að rýma fyrir eitthvað sem er þér æðra. Guð blessi þig
Þarf ég að vera einhver sérstakur til þess að segja að guð sé ekki til? Hver ert þú að segja að tannálfurinn sé ekki til? Ertu kannski of fullur af þér til þess að viðurkenna tilvist tannálfsins?
Ég held að það nægi að hafa bara smá skynsemi til þess að kveða upp um tilvistarleysi guðs kristinna manna, sá guð er ekki til.
Hvað er málið með þessa síðu? Afhverju má fólk ekki bara trúa í friði án þess að einhverjir séu að gera grín að því og reyna að niðurlægja trúað fólk.. Hvaða gagn á þessi síða að gera? Þegar fólk eins og ég sem trúir á guð kemur hérna inná og sér þetta.. Þá á það alls ekki eftir að fá fólk til að hætta að trúa á guð, heldur bara trúa meira og verða fúl út í þessa síðu. Það er alveg óþarfi að vera að niðurlægja eina trú þó maður trúi henni ekki sjálfur, afhverju talið þið ekki bara um kosti þess að trúa ekki í staðinn fyrir að tala bara um gallana á Kristinni trú?
þetta ætti að heita www.kristidfolkerheimskt.is
Og eitt enn.. þetta heitir fermingarvers vantrúar? Afhverju ætti fólk sem trúir ekki á guð að fermast?
Flestir þeir sem fermast gera það fyrir gjafir og veislur. Þeim gæti varla verið meira sama um það hvort guðinn sem þeir eiga að vera að játast sé til.
Sunna:
Ef þú ert að kvarta yfir því að fólk megi ekki hafa sína trú eða trúleysi í friði, þá ættirðu endilega að senda biskupnum kvörtunarbréf, því Þjóðkirkjan stundar trúboð í leikskólum.
En trú fólks er ekki einkamál, trú þín hefur áhrif á hvernig þú hegðar þér og hvað þú kýst. Það hefur áhrif á mig.
Við erum ekki að reyna að niðurlægja trúað fólk, bara benda því á að trúin þeirra sé óskynsöm og skaðleg.
Kostirnir við það að trúa ekki er að maður er laus við gallana sem fylgja trú.
Þetta heitir fermingarvers Vantrúar af því að þetta eru fermingarvers sem við í Vantrú (eða amk ég) legg til að fermingarkrakkar velji. Ég er ekki að segja að þetta séu vers handa trúlausum krökkum.
þetta ætti að heita www.kristidfolkerheimskt.is
Sjá Þið eruð ekki fífl.
Skaðsemi trúar og trúarbragða er augljós. Við þreytumst ekki við að benda á það í þeirri von að fleiri átti sig á þessu og samfélagið taki breytingum til batnaðar.
Mér finnst fyndið að sjá og heyra trúaða menn væla yfir öðru fólki sem setur út á trú þeirra. Sérstaklega þar sem þeir reyna stanslaust að troða trú sinni upp á aðra(bera út fagnaðarerindið) með þeim fullirðingum að trúleysi sé vondur lífstíll sem muni enda með vítisdvöl fyrir þann sem trúlaus er. Þetta hefur trúað fólk ofsótt aðra með, sem ekki aðhillast sömu trú og þeir, um alda raðir. Svo æpa þeir og væla þegar trúlausir gagnrína þá og gera grín að. Að minnsta kosti eru þeir trúlausu ekki að pynta og myrða þá trúuðu fyrir sínar skoðanir og lífsstíl, eins og þeir trúuðu hafa gert í gegnum mannkynssöguna. Ef trúaðir ættlast til að trúlausir hætti að reyna að snúa fólki frá guðadýrkun, þá skyldi maður ættla að þeir hætti öllu sínu trúboði í skólum, á netinu, í blöðum og öðrum fjölmiðlum. En ættli það sé ekki til of mikils ættlast? Þeir mega básúna sínar skoðanir út um allt og tala niður til fólks og minnihluta hópa, en aðrir skulu nú bara gjöra svo vel að halda kjafti, því þeir eru þeir einu sem eru með réttu skoðanirnar/trúnna/blablablabla. og megi saldomanadoobaluunarack hin eini sanni guð blessa ykkur svo öllsömul!!!!!!!!!!!!!
ég segji það stoltur að ég fermdist til að fá peninga meina frí talva og 200þús kall? hvaða heilbrigður maður hafnir því þótt hann þurfi að hlusta á einhver prest sem þykist vera svalur og skítlélega tónlist
samt það er gjörsammlega óþoalndi þegar presturinn fer að garga eitthvað vers með einum tóni í 10min fer að skera eyrun manns illilega hafði vondi reynslu að því í grunnskóla að bekkurinn var neyddur í messu um jólinn
"hvað hefur ferming að gera með kristna trú yfir höfuð?"
Nú, hún er staðfesting á skírninni. Sko, þetta virkar svona:
Á meðan maður er ennþá smábarn, sennilega ótalandi, þá er maður tekinn inn í kristna kirkju. Sú athöfn kallast "skírn", og að henni lokinni er maður, a.m.k. að forminu til, kristinn.
En þar sem maður er bara smábarn þegar skírnin fer fram, og fékk engu um þetta ráðið sjálfur, þá fær maður séns til að staðfesta þetta þegar maður er orðinn aðeins eldri. Hugmyndin er væntanlega sú, að maður sé ekki "fullkomlega" kristinn, ekki fullgildur meðlimur kristins samfélags, hafi maður ekki fermst, þar sem upphaflega inngangan var ekki að manns eigin ósk.
Þannig er fermingin kristin athöfn. Það að manndómsvígslur eigi sér stað víða annars staðar í heiminum gerir ferminguna ekkert "minna" kristna.
Reyndar er ferming hvorki fugl né fiskur, skv. ríkistrúnni. Skírnin er sakramenti, þ.e. guð á þig eftir skírnina. Skuldlaust. Það þarf ekki að staðfesta 'skírnarheitið' með fermingu - hún hefur ekkert kristilegt gildi, utan það að gefa börnunum jésú að éta. Sem er síðara sakramentið, þ.e. átið. Í stuttu máli; fermingin er til að slá sér uppá, fá gjafir og fylgja hjörðinni í blindni. Ekkert kristilegt þar á ferð. En mikið er nú prestunum skemmt á fermingarvertíðinni.
Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.
Jón - 08/03/06 22:47 #
Ágætt að hljóma eins og þú vitir um hvað þú ert að tala... því fer þó fjarri að þetta séu allt tilvitnanir í Jesú.
Fyrir utan það að stór hluti af þessu er einfaldlega fullkomlega góður boðskapur ef menn bera eitthvað skynbragð á merkingu orðanna.
Dæmi: "Ég er kominn að varpa eldi á jörðu. Hversu vildi ég, að hann væri þegar kveiktur!"
Jafn mikið og ég þoli ekki ofsatrúarmenn sem sníða trúarbrögð eftir eigin hentisemi, þoli ég ekki sem týna til samhengislausrar setningar og nota sem vopn gegn þeim..
Synd að jafn vel gefnir og þið hljómið að þið skulið fara niður á sama plan og trúarofstækisfíflin.
Ætla að ljúka þessu með útskýringu á því afhverju þetta verða mín lokaorð
"Never argue with an idiot, because he will bring you down to his level and beat you with experience"
Vona að pistlahöfundur sé stoltur af því að vera á sama plani og þeir sem hann þykist vera berjast gegn.
Mæli með því að hann lesi söguna af Don Kíkóta
btw.. það er góð lenska að geta heimilda þegar menn nota efni frá öðrum, annað er stuldur á heimildum... spurðu bara Hannes Hólmstein