Ég trúi þessu. Ég hérna... Ég tala við mína stofnfrumu. Og bið hana um ákveðna hluti og uh það hefur virkilega ... og er að virka. Við erum! Við erum ... að hérna þróa þetta. Mannkynið er að að fara inn í að að við getum heilað okkur sjálf og þurfum ekkert á hérna lyfjum að halda framtíðinni. En þá þurfum við þess en þá þurfum við þess ...
Birna Smith
Ég varð vitni af því þegar hún lét þessi orð falla - vissi ekki alveg hvert ég ætlaði. Spurning var hvort ég ætti að standa upp og henda sjónvarpinu út af svölunum eða skipta um rás sem varð síðan niðurstaðan.
En þvílíkur loddari, vonandi fer hún að snúa sér að einhverju öðru en að svindla á fólki.
Reglulega fæ ég kjánahroll og það af ýmsum ástæðum. En það mátti líkja kjánahrollinum sem ég fékk af því að sjá þetta við heiftarlegt ofnæmiskast - líkaminn hafnaði því algerlega að einhver segði svona hluti og væri fullkomin alvara með því. Rétt þegar dró úr þessum heiftarlega kjánahryllingi jókst hann á ný þegar ég áttaði mig á þeirri sorglegu staðreynd að það sat ábyggilega fullt af fólki og horfði á þetta án þess að átta sig á því hvað þetta voru grófar lygar í Birnu.
Það á einfaldlega að kæra þetta. Ég geri ráð fyrir að áhrifaríkast sé að Landlæknisembættið standi að því. Það á alls ekki að líða það fólk beri svona þvælu á borð fyrir alþjóð.
Það flokkast kannski undir yfirlæti af minni hálfu að gera ráð fyrir að einhverjir séu svo vitlausir að trúa þessu, en "common sense is not so common at all"
Þið verðið að muna að þetta er ekki svona hátíðlegt. :þ
Það væri athyglisvert að láta reyna á kærur gegn nýaldarfólkinu. Hins vegar ef það á að kæra það fyrir að bera þvælu á borð fyrir landann þá eru fleiri sekir í því máli. Til dæmis veit ég um tröllaukna ríkisstofnun sem hefur það hreinlega að markmiði að útbreiða fáfræði og trú á hindurvitni.
DNA-heilunarliðið er þó í hyldjúpum skít ef það ætlar að halda því fram að hægt sé að breyta erfðaefninu með beintengingu við alheimsorkuna. Það er nefnilega prófanlegt með öruggum aðferðum hvort að slíkar breytingar hafa orðið eftir heilun.
Nýaldargengið er fyrst og fremst í djúpum skít þegar það heldur fram að kuklið þeirra komi í staðinn fyrir hefðbundnar lækningar. það er ábyrgðarhluti og fullkomin glæpamennska.
Svo er rugludallur í nýjasta hefti Vikunnar sem spáir í kristalskúlur og spil og segir það "Hlutverk sitt í lífinu!"
Nýaldarkjaftæðið er alls staðar.
Birna Smith er að bjóða fólki upp á eins konar sjálfssefjun. Flestir kalla þetta bæn. Aðrir kalla þetta ímyndarfyllerí. Fjölmargir hafa atvinnu af sams konar starfssemi sem leiðir sjúkt fólk inn á þessar brautir. Ef við trúleysingjar ætlum að æsa okkur út af öllu nýju sem sniðugu fólki dettur í hug að selja kjánum, þá erum við í vondum málum. Orðin æst, ergileg og örg út í allt og alla. Enginn nennir að hlusta á okkur og við lokumst af í einangraðri klíku, kjaftaklúbb sem engin áhrif hefur. Fáum einungis útrás fyrir reiði okkar út í þessa svindlara.
Löggjafinn hefur engan áhuga á því að stemma stigu við svona loddaraskap því hann er byggður upp á sömu lögmálum og "frjáls atvinnustarfssemi". Umskurður kvenna viðhelst líka af sömu ástæðum. Lækning Bláa Lónsins gæti líka flokkast undir sams konar loddaraskap. Alls kyns bull er í gangi sem fólk hefur gaman af og borgar fyrir af ánægju.
Við höfum gaman af því að vera trúlaus og boða trúleysi. En gerum það ekki með því að gleðja þá trúuðu með því að sýna þeim svekkelsi okkar.
Þú mættir lesa þessar greinar:
Það er ekki bara ábyrgðarhluti að halda fólki í trú um að einhver snarklikkuð heimsmynd sé rétt og græða um leið á öllu saman, það er hreinlega siðlaus glæpamennska.
Hugsanlega getum við trúleysingjar orðið þess megnug að koma kristinni trú út úr menningu Íslendinga. En ég býst við að þá taki við einmitt alls kyns trú sem kenna má við nýaldargengi, heilun, spíritisma eða það sem ég óttast mest... Islam...
Ef við t.d. tökum þá stefnu að drepa alla ketti á landinu, vegna þess að sannast hefur að þeir hafi skaðleg áhrif á mannfólkið, má búast við að mýs og rottur njóti góðs af og fjölgi óhóflega og fari síðan að plaga mannfólkið sem var orðið svo ánægt að losna við kettina.
Frakkar hafa nú einmitt sopið seyðið af þeirri ákvörðun sinni að afnema ríkistrú (kettina) og komið á trúfrelsi. Nú eru ungir muslimar (mýsnar) að fylgja skipunum Kóransins og ráðast á gyðinga, kristna og heiðingja, sem þeir leggja að jöfnu.
Frakkar halda að þetta sé vegna þess að þessum muslimum hafi ekki verið veitt tækifæri á við aðra í samfélaginu en þeim láist að kíkja í skipanir Kóransins sem ungu muslimarnir telja æðri mannlegum skipunum.
Ég held að við trúleysingjar (heiðingjar), megum vel við una að búa ekki í samfélagi muslima. Ég er ekki viss um að við þyldum slíkt ofurvald yfir daglegum venjum okkar, né þeir mundu þola kjaftforheitin í okkur um þeirra siði og kenningar.
"Those who deny the Scripture and Allah's messengers will be dragged through boiling water and thrust into the Fire." 40:70-72
"Allah will taunt the Christians in hell, saying: Where are all my parnters that you used to believe in"? 40:73
Stöndum saman með kristnum og gyðingum gegn áhrifavaldi muslima. Verum minnug þess að margt í siðum og venjum gyðinga og kristinna á rætur að rekja úr heiðni. Við getum því sem heiðingjar fundið samhljóm með þeim um næstu jól með því að dansa í kringum greni eða furutré, gefa börnum okkar gjafir, étið og drukkið okkur til óbóta og fagnað upprisu sólarinnar.
Njótið þess að vita og þekkja.
Mér bregður nokkuð að lesa margt af því sem skrifað hefur verið hér! Trúleysi, glæpastarfsemi og allt það. Ég er sammála því Birna fór illa og ógætilega með hluti, eða sölumennsku þessa fyrirbæris sem er kallað DNA-heilun. En ég hef fengið heilun og bjargaði það lífi mínu. Ég var á leið í svartan dauðan, slæmu líferni. Það breyttist strax eftir fyrsta tíman í heilun. Sefjun eða ekki, þá breytti þetta lífi mínu. Er bara hægt að trúa því sem er hægt að sjá og snerta? Það er talað um kristna, gyðinga og múslima. Við segjum okkur kristinn, en trúum við á guð? En við sjáum hann ekki, getum ekki snert hann. Við höfum engar sannanir.
En við dæmum og erum dugleg við það!
Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.
Erik Olaf - 17/11/05 08:30 #
Já einmitt.