Allar færslur Allir flokkar Sos Um félagið Úrskráning Lógó Spjallid@Vantru Póstfang Vantru@Facebook Vantru@Youtube Vantru@Twitter

Máttleysi Bænarinnar

Bæn er afkáraleg hegðunarvilla sem kirkjunnar menn eru í sífellu að boða. Bæn er vita gagnslaus og ekkert annað en hugljúf blekking eða hugsunarlaus ávani. Lygar til þess að framkalla gervisælu. Bæn fyrir mér er ekkert annað en stuna í píndu dýri. Kjökur gagnvart skilningsleysi á heiminum. Örvæntingarfull höltrun og seiling í ósýnilegar hækjur sem hjálpa ekki neitt. Óskin um að bænir virki er nóg til að fólk komi með lélegar afsakanir um hvernig þær virki. Til þess að plata sjálft sig og horfa fram hjá því hve hegðunin sé feiknalega fáránleg og vitstola.

Þessi gerfilausn sem kirkjan fær alla til að stunda er tákn fyrir það hversu gagnlaus hún er yfirleitt. Haldandi því fram að lausnir svífi ósýnilegar í gegnum loftin, frá ósýnilegum uppruna, frá ósýnilegum stað. Og að þær lausnir verði manni veittar ef maður lokar augunum vel og vandlega og beinir óskum sínum að einhverju ímynduðu yfirvaldi sem ekkert heyrir, út í buskann þar sem enginn heyrir, út í tómið þar sem enginn er. Þar að auki á maður ekkert að láta veruleikann trufla sig, maður á að halda áfram sama hvað. Sama hvað það er augljóslega gapandi að ekkert gerist. Bæn er blindandi ávani.

En þá gæti einhver sagt; En hjálpar þetta samt ekki einhverjum ? Jú, eflaust gæti einhverjum fundist það þægileg hugarfróun að stunda bænir. En þá er sá að lifa hugljúfar blekkingar í fantasíuheimi. Og hann verður eins og hver annar að gera upp við sig ef hann ætlar að byggja aðferðarfræði sína á raunsæi eða fölskum grunni huggandi lyga. Vera sáttur um að lifa í fölsku öryggi og tyllivon. Það eitt og sér að láta sér líða vel í hljóðlátum óskum og blekkingum getur verið í lagi. En svo þegar það kemur á daginn að bænin er máttlaus hvað varðar að hafa áhrif á aðra getur sú mótsögn sem trúin á gervihækjur bænarinnar valdið ómældu hugarangri við það að standast ekki raun. Og sóað ómældum tíma í gagnslausar afsakanir og réttlætingar.

Bænin er eins og gluggi fyrir innilokaða flugu. Glugginn virðist vera lausnin sem hægt er að stefna að. En er í raun ekki annað en gegnsær veggur sem flugan klessir á aftur og aftur þangað til að hún deyr. Mikið af trúfólki á aldrei eftir að lagast og á eftir að hamast á bæninni sem einhverri lausn eins og flugan hamast í sífellu á hindrandi glugga.

Kári Svan Rafnsson 04.11.2005
Flokkað undir: ( Rökin gegn guði )

Viðbrögð


Boas - 04/11/05 11:32 #

Ansi dramatiskur finnst mer thu nu vera ljodrænar myndlikinar og allt saman. Næstum eins og yfirdrifin Morfis ræda a koflum.

That liggur bara vid ut fra pistlinum at that se hættulegt at thakka fyrir sig og vera thakklatur eda tha ad hofda til ædri mattar med mal sem madur skilur ekki. Tala nu ekki um thegar madu bidur fyrir folki sem lidur illa og bidur fyrir bata theirra. Thad er tho min reynsla ad bænir veita mer oft mikla hugarro bædi felagslega og andlega og hafa haft mjog mikla thidingu a tvsinum timamotum i minu lifi. Eg held ad thad skipti marga virkilega miklu mali ad na einmitt slikri ro i lifinu og hafa slikt i handradanum thegar reynir a. Er thad virkilega svo slæmt. Og er thad virkilega ekki neitt.

Svona reidilestur endurspeglar i minu huga ad minnsta kosti sama skilningsleysi gagnvart heiminum af thinni halfu sem thu vil eigna odrum.


ormurinn - 04/11/05 12:22 #

Þó svo að bænir sé vita gagnslaus í þeim skilningi að hún hefur í sjálfu sér engin bein áhrif er ekki sagt að hún sé gagnslaus og þar af síður gervisæla.

Ef það að biðja hjálpar einhverjum sem er óhamingjusamur til að líða betur þá er það hið besta mál.

Ef einhverjum líður betur eftir að hafa beðið bænirnar sínar og yfir hann/hana hellist sælutilfinning þá er það engin gervi-tilfinning. Það skiptir ekki máli hvernig sæla er framkölluð. Tilfinning er alltaf tilfinning og ekkert gervi þar á ferð.


Vésteinn Valgarðsson (meðlimur í Vantrú) - 04/11/05 14:33 #

Ef þið viljið leggjast á lárberin með góða samvisku án þess að hafa neitt til hennar unnið, verði ykkur þá að góðu.


Kári Svan Rafnsson (meðlimur í Vantrú) - 04/11/05 19:56 #

„Thad er tho min reynsla ad bænir veita mer oft mikla hugarro bædi felagslega og andlega og hafa haft mjog mikla thidingu a tvsinum timamotum i minu lifi. Eg held ad thad skipti marga virkilega miklu mali ad na einmitt slikri ro i lifinu og hafa slikt i handradanum thegar reynir a." Boas

Það sem þú ert að segja bóas er að þó svo að bæn virki ekki á neitt fyrir utan sjálfan þig þá afsakar þú það með því að þetta sé mjög góð sjálfssefjun þegar maður átt bátt og þegar þú hefur átt bátt.

Ég held ekki að bænin hafi hjápað þér eitthvað sérstaklega yfirnáttúrulega með náð einhvers ímyndaðs yfirvalds (guðs).

Ég held því fram að ef maður aðeins bíður rólega án þess að biðja bænir sjatni þó nokkuð af manni þær erfiðu tilfinningar í skrokknum sem maður gengur með. Einfaldlega út af því að tilfinningar geta aldrei haldist sem fastur fasi í efnajafnvægi líkamans í neinn verulegan tíma. Þær munu alltaf sveiflast milli sælu og vansælu sama þótt maður sé kristin eða ekki. Ef maður tekur þessa staðreynd um tilfinnigasveiflur og hefur þær fast í huga þegar maður er þungur í lyndi held ég að það sé sú öruggasta og hve jarðbundnast von sem maður getur haft þegar maður á erfitt. Rökstuðningurinn í þunglyndú ástandi myndi nokkurnvegin vera svona;

Í þessu augnabliki er ég þunglyndur. Þetta er ekki fast ástand þar sem ég var glaður áður og þar á undan var ég þunglyndur og á undan því að ég var glaður. Þess vegna er ég, þegar ég er þunglyndur samlokaður milli tveggja hamingja. Og í senn þegar ég er glaður er ég samlokaður milli tveggja óhamingna. Þess vegna er mitt næsta tilfinningalega ástand óumfýanlega gleði og eftir það óumflýanlega þunglyndi og svo framvegis í endalausri hringrás milli þunglyndis og gleði.

Þessi rökstuðningur út frá fyrri reynslu og spá um framtíðar reynslu fyllir mann með jafnaðargeð og röklega yfirsýn sterkari en hvaða bæn getur megnað.

Þar sem ég tel mig vera heiðarleg manneskja hlynnt hreinu raunsæi, þá lít ég á sjálfsefjun sem vissan viðbjóð. Ég lít á þunglyndi sem ósköp venjulegan hluta tilverunnar og eitthvað sem maður á að upplifa hrátt en ekki flýja frá. Einmitt út af því að þannig flótti rænir af manni af því að upplifa sjálfan sig eins og maður er, þegar maður er það. Þunglyndi og 'erfiðir tímar' eru tækifæri til sjálfskoðunar sem er 'synd' að biðja sig út úr, í flótta frá því sem er. Þess vegna kalla ég bænina gerfisælu, það rænir manni af avöxtum sjálfsþekkingar og rökréttari yfirsýn á tilfinningum sínum.

Þess má geta að það eru tveir þættir sem í raun felast undir merkingarmiði hugtaksins bæn. 1) Að fá lausn á sínum vandamálum frá ýminduðu yfirvaldi og 2) að líða vel út af því að slappa af og flýja frá því að takast hugrænt á við tilfinningar sínar og hvað hefur valdið þeim. Heldur frekar sættast við vandamálin sín án þess að leysa þau sjálfur með virkri sjálfskoðun og sjálfsgagnrýni.

Bæn er ósk um lausn. Bæn er ósk um léttir. Bæn er að mestu leyti gagnslaust til að leysa vandamál og frekar ætlað til þess gleyma þeim og grafa, eða varpa á aðra eins og t.d ímyndað yfirvald sem á að leysa vandamálið.

Þar sem tilfinningar eru eðlinu samkvæmt uppáþrengjandi og blinda menn oft röklega sýn og jafnvægi þá er gott ráð að skrifa niður tilfinningakreppu sína á blað svo hugmyndir manns fá fastan völl, þar sem maður sjálfur er tilfinningalegt óveður að innan. Þaðan af að rökrýna kreppu sína og leysa í stað þess að biðja hana í burtu og bæla.

Ég hef ekkert á móti hugarró en, bænir geta ekki leyst tilfinningavandamál meir en einföld bið. Gerfisæla kalla ég þetta í þeirri merkingu að hún er fengin óheiðarlega með fölskum vonum og vörpun vandamáls manns sjálfs á ímyndað yfirvaldi sér til lausnar. Sjálfsefjun í mesta falli. Gerfisæla kalla ég þetta vegna þess að þetta er döpur og óekta iðja sem stingur út úr manni augun svo maður sjái ekki vandamálin sín þangað til þau annaðhvort hverfa af sjálfum sér eða eða ganga með manni manns alls ósjáandi.


Kári Svan Rafnsson (meðlimur í Vantrú) - 04/11/05 20:23 #

„Ansi dramatiskur finnst mer thu nu vera ljodrænar myndlikinar og allt saman. Næstum eins og yfirdrifin Morfis ræda a koflum."Boas

Ég skrifaði greinina undir svipaðri heimspeki og Blaðaútgefandinn Joseph Pulitzter, sem samnefnd verðlaun eru nefnd eftir, kom með;

„Skrifðu það stutt svo þau lesi það, skýrt svo þau meti það, myndrænt svo þau muni það og umfram allt rétt svo þau hafi það að leiðarljósi"

Ég skrifaði greinina þannig að hún yrði lífleg. Morfís ræður eru skrifaðar svo þær verði líflegar en þar skiptir sannleikurinn því miður engu máli. (Eitt af því sem mér líkar illa við svona kappræður.) Ég skrifaði hinsvegar textan min rétt svo það kunni að vera haft að leiðarljósi. Eflaust nefndir þú morfís til samanburðar til þess ýja að því að ég skrifaði líflegan texta en líka að það sem ég skrifaði væri lýgi. En fyrir utan það þakka ég 'hrósið' ef hrós má kalla. Textinn hefur greinilega gripið þig nóg til þess að skrifa komment sem er hið besta mál.


pókó - 05/11/05 01:42 #

villtist hérna inn og fór að lesa :)

þó að ég hafi nú ekkert roð við ykkur heimspekingunum,langaði mig að benda á að bæn getur líka verið til að þakka fyrir og þá að þið teljið að engin hlusti þá höfum við öll gott að minna okkur á að það sem við getum þakkað fyrir. Og þá fynnst mér nú bænin betri kostur en standa fyrir framan spegilinn og tala við sjálfan sig :)

Alltaf gaman að skoða hugmyndir annara bestu kveðjur


Kalli - 05/11/05 12:00 #

Væri þá ekki frekar að þakka þeim sem þakkir eiga skilið en að tala einn við sjálfan sig?


Kári Svan Rafnsson (meðlimur í Vantrú) - 05/11/05 20:32 #

Af hverju er gott að geta þakkað fyrir eitthvað? Og hvers vegna á maður að vera þakklátur? Og hvernig tengist það bæninni nákvæmlega?

Og pókó, endilega viltust eins oft þú vilt hérna inn :)


Finnur - 07/11/05 06:46 #

Einfaldlega út af því að tilfinningar geta aldrei haldist sem fastur fasi í efnajafnvægi líkamans í neinn verulegan tíma.
Eru tilfinningar eingöngu afleiðing að efnajafnvægi líkamans Kári?


G2 (meðlimur í Vantrú) - 07/11/05 09:45 #

Hvað ættu þær að vera annað??


Finnur - 08/11/05 00:06 #

Hvað ættu þær að vera annað??
Hvað bendir til þess að tilfinningar séu bara efnajafnvægi?
Ef svo er, þá ættu þær að vera afleiðing af mataræði, ekki satt. Sorg hefur ekkert að gera með dapurlega atburði tengda þér heldur einfaldlega rangt mataræði.


Matti (meðlimur í Vantrú) - 08/11/05 00:13 #

Finnur, ég veit ekki hvort þú ert að reyna að vera sniðugur.

Ef svo er, þá ættu þær að vera afleiðing af mataræði, ekki satt.

Mataræði getur haft áhrif á tilfinningar.

Sorg hefur ekkert að gera með dapurlega atburði tengda þér heldur einfaldlega rangt mataræði.

Útúrsnúningar.


Finnur - 08/11/05 00:27 #

Mataræði getur haft áhrif á tilfinningar.
Mér þætti fróðlegt að sjá meir um þetta Matti.
Og ef tilfinningar eru ekkert annað en efnajafnvægi líkamans, hvaðan koma þá þessi efni sem eru orsök tilfinninganna. Verða þau bara til að sjálfu sér í líkamanum?


Kári Svan Rafnsson (meðlimur í Vantrú) - 08/11/05 00:54 #

Þessi efni, Finnur, verða ekki til af sjálfum sér í líkamanum heldur eru þau fengin utan frá í gegnum mat/næringu sem síðan er brotin niður í líkamanum og gefa líkamanum þar af leiðandi efnivið til að búa til þau efni sem líkamin notar síðan í starfsemi sína. Þess konar efni sem hafa með tillfinningar að gera eru, svo ég nefni dæmi, adrenalín og endorfín. Kynntu þér endilega næringarfræði og/eða lífræna efnafræði ef þér langar að kafa í þetta nánar.


Finnur - 08/11/05 01:07 #

Þess konar efni sem hafa með tillfinningar að gera eru, svo ég nefni dæmi, adrenalín og endorfín.
En hvað veldur myndun þessara efna Kári? Eru þetta bara tilviljanakenndar sveiflur sem við verðum að sætta okkur við?
Og hvers vegna er líkaminn að búa til efni sem valda honum sjálfum vanlíðan? Hvaða skilaboð er líkaminn að senda sjálfum sér með því að búa til langvarandi þunglyndi?


Hjalti (meðlimur í Vantrú) - 08/11/05 01:08 #

Það sem þú setur upp í þig getur haft áhrif á tilfinningar þínar. Ef þú ert ekki sannfærður um það Finnur, ættirðu að prófa að drekka áfengi eða sjá hvort læknirinn þinn geti ekki gefið þér einvherjar pillur sem hafa áhrif á hugarástand. Þetta liggur í augum uppi.


Finnur - 08/11/05 01:15 #

Allt í lagi, þú getur tekið lyf sem hafa áhrif á hugarástand þitt. En er það sönnun þess að tilfinningar eru einungis afleiðing af efnajafnvægi líkamans?


Hjalti (meðlimur í Vantrú) - 08/11/05 01:34 #

Finnur, það er ekkert sem bendir til þess að þær séu eitthvað annað. Ef þú telur þig geta sýnt fram á annað þá held ég að spjallborðið sé rétti vettvangurinn.


Finnur - 08/11/05 03:07 #

Finnur, það er ekkert sem bendir til þess að þær séu eitthvað annað. Ef þú telur þig geta sýnt fram á annað þá held ég að spjallborðið sé rétti vettvangurinn.
Það að fólk haldi áfram að biðja þrátt fyrir framfarir í lyfjagerð finnst mér nokkuð góð vísbending um að tilfinningar séu eitthvað meir en bara efnajafnvægi líkamans.
Sömuleiðis það að við höfum gjörólíkar skoðanir hér á þessum vef. Ég hef ekki séð neinar vísbendingar um að mataræði ráði skoðunum fólks.


Hjalti (meðlimur í Vantrú) - 08/11/05 10:47 #

Svar komið á spjallið.


Kári Svan Rafnsson (meðlimur í Vantrú) - 09/11/05 01:27 #

Viðbrögð við greininni standa þá hér með opin fyrir hvern sem er. Endilega spyrjið eða gagnrýnið.


Gunnsi - 10/11/05 15:34 #

Mér finnst algerlega vanta hér að segja frá reynslu bænarinnar. Ég hef verið vitni að bænasvörum í formi líkamlegrar lækningu og sálrænnar. Bænir til Jesú eru það eina sem skiptir máli í lífinu. Ég bið einnig fyrir ykkur sem teljið ykkur trúleysingja að þið opnið dyrnar að hjartanu því: "Sjá, ég stend við dyrnar og kný á. Ef einhver heyrir raust mína og lýkur upp dyrunum, þá mun ég fara inn til hans og neyta kvöldverðar með honum og hann með mér"


Þórður Ingvarsson (meðlimur í Vantrú) - 10/11/05 16:36 #

Ég er ekki að færa ykkur frið, heldur sverð.


Kári Svan Rafnsson (meðlimur í Vantrú) - 10/11/05 23:00 #

Gunnsi ef gvuð er almáttugur og algóður af hverju svarar hann aldrei bænum limlests fólks. Sjá ;

http://whydoesgodhateamputees.com/god5.htm

Og getur þú verið alveg viss um að þetta handanheima-lækna-dót hafi ekki bara verið sýndarmennska og sjálfsefjun?


Gunnsi - 14/11/05 11:54 #

Ég held að hér ríki mikill misskilningur. Guð svarar bænum. Ekki alltaf á þann hátt sem við teljum bestan. Ég trúi því líka að Guð geti svarað bænum limlests fólks þótt ég þekki engin dæmi þess. Ótrúlegir hlutir eru t.d. að gerast núna í Kína þar sem 100 milljónir hafa tekið trú á Jesús. Í þjóðfélagi þar sem 750 þúsund manns voru trúaðir á hann fyrir byltingu Maó. Ótrúlega lítill fréttaflutningur er af öllum þeim lækningum sem hafa átt sér stað þar. Jesús lifir svo sannarlega í dag. En til að svara spurningu þinni þá segir Jesús á einum stað að hann lækni til þess að verk Guðs verði opinber. Tilgangurinn er ekki að lækna alla heldur að sýna kraft Guðs til að safna fólki með sér í eilífðina. Gleymum því ekki að þau örfáu ár sem við búum hér á jörðu er óendanlega lítill hluti af óendanlega löngum tíma sem eilífðin er. Kristinn maður ætti ekki að einblína á lækningu líkamlegra kvilla heldur eins og Jesús sagði: "En leitið fyrst ríkis hans og réttlætis, þá mun allt þetta veitast yður að auki". Ég bið Guð að blessa ykkur. Góðar stundir.


Hjalti (meðlimur í Vantrú) - 14/11/05 12:49 #

Guð svarar bænum. Ekki alltaf á þann hátt sem við teljum bestan.
Ah..hin undarlegu götuljós guðs.
Ég trúi því líka að Guð geti svarað bænum limlests fólks þótt ég þekki engin dæmi þess. Ótrúlegir hlutir eru t.d. að gerast núna í Kína þar sem 100 milljónir hafa tekið trú á Jesús. Í þjóðfélagi þar sem 750 þúsund manns voru trúaðir á hann fyrir byltingu Maó. Ótrúlega lítill fréttaflutningur er af öllum þeim lækningum sem hafa átt sér stað þar.
Þannig að guð er að lækna fólk einmitt þar sem engar fréttir berast. Heppilegt!
En til að svara spurningu þinni þá segir Jesús á einum stað að hann lækni til þess að verk Guðs verði opinber. Tilgangurinn er ekki að lækna alla heldur að sýna kraft Guðs til að safna fólki með sér í eilífðina.
Þannig að það að láta útlimi vaxa aftur á fólk sýnir ekki "kraft Guðs til að safna fólki með sér í eilífðina"?

Mér fyndist það ansi góð sýning og það myndi örugglega "safna fólki með sér í eilífðina"


Gunnsi - 14/11/05 14:33 #

Það eru fréttir sem þú getur lesið af kraftaverkum í Kína þótt það rati ekki til fréttastofa á Íslandi. Þessi kraftaverk eru ekkert minni en þau sem gerðust á tímum Jesú. Lestu t.d. bókina "The heavenly man" sem er saga bróðir Yun. En af hverju ætti Guð að framkvæma kraftaverk eftir pöntunum? Telur þú þig vita hvaða kraftaverk væru helst til þess fallin að styrkja trú manna? Mestu kraftaverkin í mínum huga eru þegar við sjáum hrokann hverfa á braut og kærleikurinn til náungans fyllir líf einstaklingsins. Leitaðu Guðs og þú munt finna hann. Hann knýr á. Þú verður að vera sá sem opnar. Hann þröngvar sér ekki inn í líf þitt. Guð blessi þig og fjölskyldu þína.


Hjalti (meðlimur í Vantrú) - 14/11/05 16:28 #

Það eru fréttir sem þú getur lesið af kraftaverkum í Kína þótt það rati ekki til fréttastofa á Íslandi. Þessi kraftaverk eru ekkert minni en þau sem gerðust á tímum Jesú. Lestu t.d. bókina "The heavenly man" sem er saga bróðir Yun.
Ah...og er vísað á læknaskýrslur þessara kraftaverka sem sagt er frá í þessari bók eða eru þetta bara ýkjur/sögusagnir? Eyddi kannski Kínastjórn þessum skýrslum?
En af hverju ætti Guð að framkvæma kraftaverk eftir pöntunum?
Hver var að segja að hann ætti að gera það?
Telur þú þig vita hvaða kraftaverk væru helst til þess fallin að styrkja trú manna?
Ég veit að það að láta útlimi vaxa aftur á fólk er áhrifameira en að "lækna" hausverki.

Finnst þér ekki skrítið að guð er á fullu að lækna hausverki, bakverki og aðra "ósýnilega" sjúkdóma á meðan hann virðist ófær um að gera lækna þá allra sýnilegustu?


Gunnsi - 14/11/05 16:39 #

Mér finnst margt skrítið. Ég les úr skrifum þínum að þér finnst það líka. Guð er bara alls ekki ófær um að lækna allt það sýnilegasta. Svona ótrúlegir hlutir komast því miður bara aldrei í fjölmiðla vegna þess hve ótrúlegir þeir eru. Vegna allra þeira efahyggjumanna sem geta ekki trúað því sem þeim er sagt. Við fáum fréttir hér á Íslandi frá mönnum sem hafa upplifað þessi kraftaverk. Finnst þér ekki sjálfum skrítið að það skuli bætast við 30.000 manns á dag í Kína sem taka trú á Jesú. Heldur þú að þeir séu svo rosalega trúgjarnir eða vitlausir. Nei þeir hafa fengið að upplifa og heyrt frá sínum nánustu um ótrúlega hluti. Kirkjan í Kína er ekkert einsdæmi, það sama er að gerast í Kóreu og fleiri stöðum. Það er vegna þess sem fólk er vitni að sem það tekur trú. Munum það bara að Guð þarf ekki á okkur að halda. Við þurfum aftur á honum að halda og það eru forréttindi okkar að mega tilheyra söfnuði hans hér á jörðu.


Sævar Már - 14/11/05 17:25 #

"Svona ótrúlegir hlutir komast því miður bara aldrei í fjölmiðla vegna þess hve ótrúlegir þeir eru."

LOL

Þetta er alveg mögnuð setning.


Kalli - 14/11/05 17:44 #

Finnst þér ekki sjálfum skrítið að það skuli bætast við 30.000 manns á dag í Kína sem taka trú á Jesú.

Hér um bil 1% Kínverja tekur sem sagt kristna trú á hverju ári. Hljómar ekki alveg jafn svakalega þegar tölurnar eru settar í samhengi? Hvað er þetta trend annars búið að standa lengi?

Ég kíkti á CIA World Factbook og þar kemur fram að 3-4% Kínverja séu kristnir. Ég ætla ekki að sverja við þessar tölur enda býst ég við að þú hafir einhverjar sjálfur til að vísa í máli þínu til stuðning.

Annars kemur það varla á óvart að í landi eins og Kína, þar sem áberandi bil er að myndast á milli samfélagshópa í efnahags- og menntunarlegum skilningi m.a. - sæki hjátrú í sig veðrið hjá hluta íbúanna.


Steingrímur - 05/12/05 00:36 #

Eitt sem ég var að pæla í er, af hverju allir hérna tengja bænina endilega við Guð, Jesú eða Kirkjuna? Held að bænin sé partur af öllum stærstu trúarbrögðum heimsins. Og þarf bæn endilega að vera til eitthverrar æðri máttarveru? Er reyndar ekki alveg viss en ég held að búddistar byðji ekki á þann mátan.

Fyrir mig persónulega bið ég ekki til neins guðs, en ég bið samt, mætti segja út í bláin. Og ég er ekki að gera það til að fá eitthver kraftaverk heldur til að létta á mér andlega. Eitthvernvegin get ég það ekki með örðu móti en að nýta mér bænina.

Allavegan bara smá pælingar hjá mér :o)


Birgir Baldursson (meðlimur í Vantrú) - 05/12/05 01:19 #

Af hverju ertu yfir höfðu að biðja nema vegna þess að einhver hefur logið að þér að það sé til einhvers?

Aldrei bið ég, en samt hef ég það áreiðanlega miklu betra andlega en margur trúmaðurinn.


Steingrímur - 05/12/05 12:46 #

Já ekki ætla ég að efast um það(enda hef ég ekkert fyrir mér í því, gæti jafnvel verið að þú sért hamingjusamari en allir trúmenn með tölu). En svarið við spurningunni þinni um af hverju ég biðji er í fyrsta kommentinu mínu "til að létta á mér andlega". Og af hverju þarf það endilega að vera lýgi að það sé til eitthvers? Ef það virkar fyrir mig þá virkar það fyrir mig og það er í rauninni ekki flóknara en það, en þar með er ég ekki að segja að það virki fyrir alla! Ég get bara talað fyrir mig og fyrir mig virkar bæninin (þ.e.a.s til að létta á mér andlega, ekki til kraftaverka!! :)


Róbert - 05/12/05 21:54 #

En af hverju ætti Guð að framkvæma kraftaverk eftir pöntunum?

Hver var að segja að hann ætti að gera það?

T.d Markús.
Markúsarguðspjall 11:24
-Fyrir því segi ég yður: Hvers sem þér biðjið í bæn yðar, þá trúið, að þér hafið öðlast það, og yður mun það veitast.


Kári Svan Rafnsson (meðlimur í Vantrú) - 06/12/05 12:09 #

Hvar og af hverjum pikkaðir þú upp það að biðja Steingrímur ?

Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.