Í viðskiptakálfi Fréttablaðsins í dag er viðtal við Kristbjörgu Kristmundsdóttur, „jóga- og hugleiðslukennara með meiru“, sem er búin að koma á legg fyrirtæki til framleiðslu blómadropa.
Eins og vanalega, þegar fjallað er um svona mál í íslenskum fjölmiðlum, er ekki nokkra gagnrýni að finna í greininni.
Í greininni kemur meðal annars fram:
En hvað eru blómadropar og hvernig virka þeir?
Kristbjörg segir að í stuttu máli séu þeir orka þar sem hver jurt hafi sína orkutíðni. „Það eru engin virk efni í blómadropum. Það er einungis orka og það er fegurðin í þessu.“
Kristbjörg segir margar ástæður vera fyrir veikindum fólks og kvillar spretti upp aftur og aftur. Blómadroparnir vinni frekar á rótum vandans. „Sami kvilli er ekki meðhöndlaður á einn hátt vegna þess að margar ástæður geta búið að baki. Fólk er vant því að biðja um lyf gegn veikindum en ég fer aðeins lengra og spyr af hverju þessi veiki hrjái viðkomandi og hvað líkaminn sé að reyna að segja. Blómadroparnir vinna inn á tilfinningahindranir, stress og streitu sem veikja varnir líkamans og hann myndar kvilla.“
Kristbjörg segir dropana virka á hluti eins og til dæmis hormónaójafnvægi og því sé hægt að fá blómadropa gegn gráa fiðringnum, sem og öðrum tilfinningum sem fylgja hormónabreytingum. Hún segir auðvitað marga efast en þegar þeir prófi og finni flestir fyrir virkni blómadroparnir mjög vel.
„Kristbjörg segir“ ýmislegt en hvernig stendur á því að blaðamenn birta þetta athugasemdalaust? „Það eru engin virk efni í blómadropum. Það er einungis orka og það er fegurðin í þessu.“ segir Kristbjörg og blaðamaður Fréttablaðsins virðist ekkert hafa út á þetta að segja. Engin virk efni, bara orka. Hvað á manneskjan við? Hverrnig orka er þetta, hvernig virkar sú orka á mannslíkamann? Hvaða rannsóknir eru á bak við þetta allt saman? Hvar er ábyrgð fjölmiðla?
Það er ekki hægt að sjá annað af þessari litlu frétt en að blómadropar Kristbjargar séu bölvað kjaftæði.
Umrædd mynd er hér. Að sjálfsögðu fór afar lítil orka í að ná þessum svipbrigðum og ekki skal ég meta fegurðina sjálfur enda hún ekki til umræðu á þessum vef.
Er einhver sérstök ástæða fyrir því að athugasemdir þínar ættu að fá að standa á Vantrú Jóakim Aðalönd?
Minni á að hér fyrir ofan stendur meðal annars:
Einnig krefjumst við þess að fólk noti gild tölvupóstföng í athugasemdunum, líka þegar notast er við dulnefni. Ef það sem þú ætlar að segja tengist ekki þessari grein beint þá bendum við á spjallborðið.
Kristbjörg er semsagt að selja vatn. Er trúgirni fólks virkilega svona rosaleg?
En svona fyrir utan umræðuna, er ekki kominn tími á time-out hjá Jóakim Aðalönd? Engin innlegg í samræður, bara beint í persónuárásir...
Fyrir skitinn þúsund kall getur þú keypt nokkra vatnsdropa hjá Kristbjörgu og reddað öllu þínu lífi..... NOT - Held að hún ætti sjálf að drekka fulla flösku af eigin "skilningsdropum" því þeir "veita frelsi frá þeim hugmyndum sem hindra þroska okkar", ha,ha :o)
sbr. neðangreind auglýsing:
Lífsbjörgin = Dropar sem notaðir eru gegn daglegri streitu og kvíða. Hafðir í töskunni og settir undir tunguna þegar streitan er sem mest eða áður en tekist er á við dag sem þú veist að verður erfiður. Vinna einnig á miklum kvíða og hræðsluköstum.
Sjálfsöryggi = Dropar sem byggja upp sjálfstraust og styrkja jarðtengingu, góðir fyrir þá sem eru fullir af vanmati og sjálfsefa.
Slökun = Dropar sem færa slökun og innri ró. Hjálpa þér að sleppa taki af fortíðinni og njóta andartaksins. Losa þig út úr gömlum hugsana og hegðunarmunstrum.
Lífsorka = Dropar sem byggja upp líkamsorku og kraft. Örvar sköpunarkraftinn og tilfinningaorkuna. Koma jafnvægi á kynorkuna.
Gleði og hlátur = Dropar sem veita gleði og léttleika inní líf þitt. Veita frið, sætti og sjálfsást. Auðveldara er að þiggja.
Alheimskærleikur = Dropar sem færa þér alheimskærleikann, aukið traust, hjálpar þér að fyrirgefa og upplifa kærleikann.
Helg Tjáning = Dropar sem opna fyrir tjáninguna, auðveldara er að segja það sem manni finnst, að vera fullkomlega heiðarlegur.
Innsæi = Dropar sem veita þér öryggi, tengja okkur við sálina og styrkja bæði innsæi, næmni og innblástur.
Skilningur = Dropar sem gefa þér hugarró og veita orku inní taugakerfið Veita frelsi frá þeim hugmyndum sem hindra þroska okkar.
Viljakraftur =Dropar sem hjálpa þér að öðlast meiri vijastyrk og ákveðni.
Dropana er hægt að setja beint undir tunguna en einnig er hægt að blanda þá í vatn og drekka. Nákvæmur leiðbeiningabæklingur fylgir er flaska er keypt. Verð á flösku er 930 kr. en einnig er hægt að kaupa sett með öllum flöskunum á 6.490 kr.
Hvernig geta fjölmiðlar birt svona gagnrýnislaust? Það að sé hægt að fá dropa gegn gráa fiðringnum. Ég er ekki viss um að sálfræðingar skrifi uppá að það sé eitthvað raunverulegt sem gerist. En ég gæti haft rangt fyrir mér.
Er þetta ekki bara Ribena? En hverjir erum við að setja út á þetta, konan hefur augljóslega lært sitt fag. Hún hefur, eftir nám í hugleiðslu og jóga,lært að ná hreinni orku úr blómum og trjágróðri, geri aðrir betur.
Hún semsagt sogar orkuna úr blómunum, eftir að hafa reiknað út orkutíðni hverrar plöntu fyrir sig og verðgildi hennar, og setur orkuna svo í brúsann góða og selur þetta svo á gjafverði. Magnað alveg. Gæti ekki verið auðveldara...
Gott að geta sett Alheimskærleikann í flösku...kanski maður fái sér eitt stykki Alheimskærleika í góðu gríni og skelli honum undir tunguna eða þynni hann í vatni.
Svo segir hún: "„Sami kvilli er ekki meðhöndlaður á einn hátt vegna þess að margar ástæður geta búið að baki. Fólk er vant því að biðja um lyf gegn veikindum en ég fer aðeins lengra "
Þá spyr ég nú bara, hversvegna að fara í Læknanám ef maður getur komist lengra og læknað fleiri, með því að læra blómaorkutíðnareikning í Hugleiðsluskólanum.
Mér finnst þetta annars gott grín hjá kérlingaranganum og gaman að fá svona öðruvísi greinar hingað inn.
Matti Á, í þessu er ég þér hjartanlega sammála.
Fólk sem fellur fyrir svona rippoffi á ekkert betra skilið. Blaðið er auðvitað siðlaust og selur bara dálkasentimetra. Þessu er hins vegar pakkað inn eins og frétt, þó um hreina auglýsingu sé að ræða. Það er allt til sölu á fjölmiðlunum. Hvað með "Biðjið og fitan hverfur". Það ætti að gefa nokkrar krónur í tómann Vantrúarkassann!
Það væri gaman, og jafnvel spaugilegt, að fá að heyra hvernig hún mælir orkuna í þessum dropum sínum.
Ætti maður ekki að láta neytendasamtökin vita? Segja að hún sé ekki selja vatn með "orku" heldur einungis vatn. Hún þyrfti þá einungis að sýna fram á að það sé orka í vatninu.
Fólk sem fellur fyrir svona rippoffi á ekkert betra skilið.
Fólk sem fellur fyrir svona á mikið betra skilið. Það á enginn skilið að láta svindla á sér, sama hversu trúgjarn maður er. Þeir sem svindla á fólki eiga aftur á móti verra skilið.
Annars var þetta ansi fínn strámaður hjá mér gagnvart Matta, svo ég noti Vantrúísku. Búa til ranga mynd af andmælandanum, og gagnrýna hana svo. Virkar næstum alltaf :)
Já, nokkrir þúsundkallar fyrir sett af vatnsflöskum - en lítið á þetta! "Púlsinn.is" býður upp á námskeið og ef maður skrollar aðeins niður, þá sést þetta námskeið:
Að blómstra með íslenskum blómadropum 5.mars [við höfum misst af þessu] ... -íslenskir blómadropar og orkustöðvar - Kristbjörg Kristmundsdóttir blómaþerapisti og jógakennari Blómadropar hafa áhrif á huga, líkama og sál.fullyrðing sem engin innistæða er fyrir
Blómadropar losa ... hindranir og færa okkur orku...þetta vildi ég gjarnan sjá rökstutt með öðru en heilaspuna áður en ég legg á það trúnað!
Kristbjörg kennir um íslensku blómadropana Vitund I, hvernig gott er að nota þá, hvernig þeir virka og hvernig þeir tengjast orkustöðvunum.Jahhá!
*Verð 17.000 kr.Það var nefnilega það. Hið óeigingjarna hugsjónastarf er víst aldrei ókeypis, er það?
Mér finnst þetta annars gott grín hjá kérlingaranganum og gaman að fá svona öðruvísi greinar hingað inn. Matti Á, í þessu er ég þér hjartanlega sammála.
Það vill einmitt svo skemmtilega til að menn eru yfirleitt sammála okkur þegar við ráðumst að þeim hindurvitnum sem þeir trúa ekki sjálfir á.
Ætli blómaþerapisti sé lögverndað starfsheiti?
Annars skýtur alltaf upp þeirri hugsun hjá mér þegar ég sé hluti sem þessa auglýsta; fyrst að þetta virkar svona vel að sögn, afhverju er þetta ekki í almennri sölu í apótekum? Afhverju eru þeir einu sem púkka upp á þetta einhverjir furðufuglar með undarleg starfsheiti?
Jú, vegna þess að þetta er kjaftæði! Þetta virkar ekkert en samt er alltaf til fólk sem kýs að trúa þessu rugli og fólk sem notfærir sér trúgirni annarra sér til framdráttar. Hvernig væri að láta Neytandasamtökin vita um að verið sé að selja gallaða vöru á fölskum forsendum? Eða bara kæra þetta fólk, ætli það sé grundvöllur fyrir því í íslenskum lögum?
afhverju er þetta ekki í almennri sölu í apótekum?Reyndar er það ekki lengur góður mælikvarði því apótek eru sífellt í meira mæli farin að selja allskonar "drasl". Í sömu búð og þú færð lyfin þín í dag færðu líka eitthvað drasl sem aldrei hefur verið sýnt fram á að hafi nokkra virkni.
Í Bretlandi eru stórar hillur fullar af smáskammtagervilyfjum í flestum apótekum :-|
Með þessum 17.000 krónum væri hægt að leggja sitt af mörkum til þess að veita veikum börnum von um betra líf. Maður framkvæmir góðverk til þess að öðrum líði betur og manni líður sjálfum betur á eftir. Orkan og ánægjan eykst með góðverkum.
Af hverju ekki að gefa 17.000 krónurnar til þeirra sem þarfnast peninganna í stað þess að láta einhverja svindlara ræna sig?
Hvernig eru lög um svona á Íslandi? Ég veit að hérna í BNA væri hæglega hægt að fara í mál við hana, þar sem það er engin leið að hún geti staðið undir þessum yfirlýsingum. Þetta eru náttúrlega hrein og klár svik og ekkert annað. Fólk á betra skilið en að láta einhverja svikahrappa ræna af sér peningunum... jafnvel þó það láti þá af hendi af fúsum og frjálsum vilja... það er ekki rétt að misnota trúgirni fólks sér til hagnaðar. Þetta er alveg eins og farandsölumennirnir sem seldu elixír hér á öldum áður sem áttu að lækna öll mein.
Er það hlutverk fjölmiðla að gagnrýna? Erum við ekki fullfær um að mynda okkur eigin skoðanir?
Lækning á þeim kvillum sem blómadroparnir virka á felst oftast í breytingu á hugarfari. Spurning hvort þeir virki þá ekki fyrir þá sem trúa því.
Sælir eru fátækir í anda, því að þeirra er himnaríki.
Er það hlutverk fjölmiðla að gagnrýna? Erum við ekki fullfær um að mynda okkur eigin skoðanir?
Lækning á þeim kvillum sem blómadroparnir virka á felst oftast í breytingu á hugarfari. Spurning hvort þeir virki þá ekki fyrir þá sem trúa því.
Sælir eru fátækir í anda, því að þeirra er himnaríki.
Er það hlutverk fjölmiðla að gagnrýna? Erum við ekki fullfær um að mynda okkur eigin skoðanir?Út frá hverju myndar fólk sér skoðanir? Er það ekki í flestum tilvikum útfrá því sem fjölmiðlar setja frá sér?
Þegar umfjöllun um hindurvitni og skottulækningar er með því sniði sem raun er á Íslandi í dag er varla hægt að gagnrýna fólk fyrir að falla fyrir þessu. Það er bókstaflega logið að fólki í fjölmiðlum og afar fátítt að gagnrýni heyrist á þeim vettvangi.
Auðvitað er það hlutverk fjölmiðla að gagnrýna ef sú gagnrýni felst í því að kynna sér málið og segja frá sannleikanum.
Sannleikurinn í þessu máli er að manneskjan er að selja afskaplega rándýrt vatn.
Er það hlutverk fjölmiðla að gagnrýna? Erum við ekki fullfær um að mynda okkur eigin skoðanir?
Snúum þessu aðeins við...
Er það hlutverk fjölmiðla að bera á borð fullyrðingar án spurninga? Er rétt að ætlast til þess að lesendur myndi sér skoðanir sem eingöngu eru byggðar á upplýsingum sem skýra frá einni hlið málsins? Sérstaklega þegar sú hlið er ekki hlutlaus?
Ég á vini sem sverja upp og niður um virkni blómadropa... en veit einhver um tilraunir eða rannsóknir sem hafa reynt að sannreyna þessar fullyrðingar? Hefur einhver gert tvíblindar rannsóknir? Hefur einhver borið saman áhrif þeirra við áhrif placebos? Hefur einhver gert rannsóknir á því hvort droparnir gera það sem sagt er að þeir geri? Eða eigum við bara að taka því "on faith"?
Ég veit þetta innlegg kemur inn heldur seint en mig langaði til að bæta þessu við.
Ég var að skoða heimasíðu okkar ástkæru Kristbjargar og þar kemur fram að útgeislun plöntunnar sé nýtt en ekki hið efnislega, s.s. ekkert efnislegt úr plöntunni er í blómadropunum.
Ég stóðst ekki mátið og sendi einum blómadropaþerapistanum póst og spurði hvernig hægt væri að ná í og nýta eitthvað sem væri óefnislegt. Svarið sem ég fékk (með blómakveðjum) var að blómstrið er sett í vatn í ákveðinn langan tíma. Vatnið geymir síðan tíðni/útgeislun blómstursins í minni sínu??
Sló þessu fram eins og ekkert væri sjálfsagðara en vatnið hefði þann eiginleika að muna tíðni blóms.
Sló þessu fram eins og ekkert væri sjálfsagðara en vatnið hefði þann eiginleika að muna tíðni blóms.
LOL
Ég efast um að þetta fólk viti yfir höfuð hvað tíðni er.
Gott hjá þér að senda póst og spyrjast fyrir, endilega veittu þeim aðhald. Ekki gera fjölmiðlar það.
Ég var einmitt að pæla í því hvað hún átti við með "tíðni blóms". Er hún að tala um að blómin sendi frá sér einhverjar töfrabylgjur með mismunandi tíðnir? Það væri gaman að geta mælt þessar bylgjur.
Já, þetta er með hæsta móti furðulegt allt saman. Á heimasíðu Kristbjargar "skilgreinir" hún tíðni/útgeislun blómanna svo: Segja má að útgeislun þeirra (blómanna) sé áran eða lífskrafturinn þeirra en sérhver planta hefur sína eigin tíðni og útgeislunarorku.
Þetta er samt sem áður jafn óskiljanlegt og áður því ekki segir hún nákvæmlega hvað ára sé. (hins vegar er hægt að fara í Áruvél í Kringlunni, sem er kannski annar handleggur, www.betralif.is/aruvelin/index.is) Hvergi hef ég fundið lýsingar á því hvernig vitað er að tíðnin geymist í minni vatnsins. Í pósti mínum til blómadropaþerapistans Örnu (heimasíða www.arna.is) spurði ég hvernig væri hægt að nýta eitthvað óefnislegt en eins og áður hefur komið fram fékk ég enga skýringu við því, aðeins hringskýringu.
Hringskýringar notaðar í þessum "fræðum" og ekkert spurningamerki sett við þetta.
Mottóið hjá þeim er : Ef þetta virkar ekki þá trúir þú ekki á þetta en um leið og þú ferð að trúa á þetta, þá virkar þetta.
Ég fann einhverja gagnrýni á dropana og auðvitað hafa þær sýnt að ekkert mælist í blómadropunum nema vatn og koníak (sem er notað til að varðveita gæði dropanna). Mótrökin sem blómaþerapistarnir koma með eru að það séu sko líka gallaðar rannsóknir í læknisfræði!
Nú kann ég ekki að gera link svo ég skrifa heimasíðu Kristbjargar hér: www.kristbjorg.is
Maður verður alveg bit! Hvernig í ósköpunum er hægt að leyfa fólki að selja koníaksblandað vatn dýrum dómi og halda námskeið um koníaksvatnsblöndun fyrir offjár?? Þetta ætti að vera ólöglegt með öllu!
Aðrir meðferðaraðilar þurfa að sýna fram á árangur aðferða sinna.... af hverju ekki blekkingafólk og fúskarar??
Jah... ég bara spyr.
Smá viðauki.
Kristbjörg fékk viðurkenningu frá iðnaðar- og viðskiptaráðherra í maí síðastliðnum fyrir áhugaverða viðskiptahugmynd.... ???
Hægt er að kaupa þetta koníaksblandaða vatn í apótekum, heilsuhúsinu og fleiri stöðum.
Ég hreinlega skil þetta ekki?? Það þarf ekki mikið til að maður setji spurningamerki við þessi "fræði"
þiðeruð alveg frábær öll sömul, hvað eruð þið gömul eiginlega? að skíta og skammast yfir því sem konan hefur eytt tíma í að læra er ekkert nema minnimáttakennd í ykkur, prófiði þetta og þið munu verða kjaftstopp. hættiði svo að skíta yfir fólk sem getur læknað og fariði að drulla yfir vestrænar ''lækningar'' því það er einkis virði, hvað kostar að fara til læknis og fá lyf sem virka jafnvel og vítamín! quote Ætli blómaþerapisti sé lögverndað starfsheiti? unquote já og eins og allt annað sem þið trúið ekki á er líka lögverndað alveg eins og annars staðar í heiminum, og af hverju ætli það sé!! af því það virkar ekki eða?? common fólk hættiði að láta eins og krakkar og víkkiði aðeins sjóndeildahringinn!! lesiði bókina´´hver færði ostinn minn´´ eða who moved my cheese og lítið svo í eigin barm. Quote Hvernig eru lög um svona á Íslandi? unquote Sjá nánar www.BIG.is og svo http://www.althingi.is/altext/131/s/0731.html skýrsla Heilbrigðisráðherra. http://www.althingi.is/dba-bin/ferill.pl?ltg=131&mnr=246
hvað eruð þið gömul eiginlega
Ég (höfundur þessa pistils) er 31, verð 32 þann 23. nóvember. Hvað ert þú gamall?
hættiði svo að skíta yfir fólk sem getur læknað og fariði að drulla yfir vestrænar ''lækningar'' því það er einkis virði,
Blómadropar eru vatn. Vestrænar lækningar "einkis virði" - jahá. þetta er mögnuð yfirlýsing. Nýlegar fréttir segja að lífslíkur krabbameinssjúklinga séu hvergi betri en á Íslandi, ætli það sé óhefðbundnum lækningum að þakka? Eiginlega óþarfi að rökræða við fólk sem heldur þessu fram, það kaffærir sig sjálft í kjaftæði.
Þú mátt endilega lesa þér til um gagnsemisrökvilluna
ps. Af hverju skrifar þú undir nafninu Kolbeinn hér en Stefán þarna?
blómadropar... hehe... ætli það virki betur en segularmböndin sem allir gengu með en hættu svo að ganga með? Er Feng Sjúí dautt?
Þarf ekki bara Kári að drífa sig í að einangra fávitagenið... getur varla verið erfitt fyrir kauða því ekki skortið það í þessa þjóð virðist vera.
Vegna þess að ég heiti báðum þeim nöfnum minn kæri. annað en sumir frændur þínir sem skrifa hér undir fölskum nöfnum ef nöfn skulu kalla.
http://www.suite101.com/article.cfm/chiropractichealthcare/64085
endilega láttu 'lækna' geisla þig og fínerí ef þú færð krabbamein til að drepa algjörlega niður líkamann og ónæmiskerfið og láttu þá líka gefa þér allskonar lyf ofan á það til að reyna bæta upp fyrir skemmdirnar sem geislunin olli. rosaleg lækning, meirihluti krabbameinssjúklinga sem deyja, deyja af völdum lyfjameðferðarinnar sem kemur í kjölfar geislunar og það er viðurkennt ef þú spyrð þessa bjána. Hvernig getur ein grein sem kallast vestrænar lækningar konist upp með að vera 3 algengasta orsök dauða í heiminum?? Bólusetningar eru kjaftæði, lyf eru kjaftæði, pensillín er kjaftæði, læknar eru kjaftæði, 90% uppskurða er kjaftæði og gera illt verra, vantrú.is er kjaftæði. læknisfræði eins og hún þekkist í dag er kjaftæði Sjúkdómar eru ekki vandamálið, læknar eru vandamálið, læknar draga sjúklinga til dauða. ´´Við erum afar þröngsýnir á allt órökstutt kjaftæði. Einnig afar þröngsýnir gagnvart fólki sem græðir á því að selja fársjúku fólki kjaftæði.´´ semsagt Læknar!!! hvernig væri að koma með pistil á þá? En eitt er víst, ykkur hjá vantrú.is verður ekki hjálpað sama hvað þið reynið eða reynið ekki er réttara að segja. takk fyrir, ég kem ekki aftur hingað þannig það er alvega sama hvað þið skítið yfir mig eins og allt annað í kringum ykkur.
Meirihluti krabbameinssjúklina sem lifa, lifa vegna vestrænna læknismeðferða. Án þeirra hefðu þessir sjúklingar dáið.
Enginn sjúklingur hefur nokkurn tíman læknast af krabbameinni útaf blómadropum.
Bólusetningar eru kjaftæði, lyf eru kjaftæði, pensillín er kjaftæði, læknar eru kjaftæði, 90% uppskurða er kjaftæði og gera illt verra, vantrú.is er kjaftæði. læknisfræði eins og hún þekkist í dag er kjaftæði Sjúkdómar eru ekki vandamálið, læknar eru vandamálið, læknar draga sjúklinga til dauða.
Læknavísindin hafa bjargað fleiri mannslífum en tapast hafa í öllum styrjöldum mannkynssögunnar. Ég væri með verulega skaddaðann maga ef ég hefði ekki fengið hjálp frá lækni og lyfjum á sínum tíma. Hvernig geturðu kastað svona bulli fram án þess að rökstyðja það nokkuð? Þú ert auðvitað svo lokaður að það þýðir lítið að ræða um þetta við þig.
Enginn sjúklingur hefur nokkru sinni læknast af kvilla með þessum kjaftæðisaðferðum. Ef hægt er að sýna fram á að eitthvað af þessu virki, þá er ég svo sannarlega til í að prófa það og breyta skoðun minni. Lítið mál fyrir opinn efasemdarmann.
Bólusetningar eru kjaftæði, lyf eru kjaftæði, pensillín er kjaftæði, læknar eru kjaftæði, 90% uppskurða er kjaftæði og gera illt verra, vantrú.is er kjaftæði. læknisfræði eins og hún þekkist í dag er kjaftæði Sjúkdómar eru ekki vandamálið, læknar eru vandamálið, læknar draga sjúklinga til dauða.
Þetta er án nokkurs vafa mesta þvæla sem ég hef séð í einni málsgrein og hef ég nú lesið marga vitleysuna um ævina.
Það er augljóst að svona yfirlýsingar koma ekki frá nokkrum þeim sem hefur kynnt sér hlutina. Svona talar bara fólk sem ekki hefur hugmynd um hvað það er að tala.
Getur þú Kolbeinn/Stefán eða hvað þú nú heitir, sagt okkur í grófum dráttum hvað pensillín er, hvernig það uppgötvaðist og hvað það gerir (eða gerir ekki að því þú heldur)? Getur þú fært rök fyrir því hvernig læknavísindin urðu til fyrst sjúkdómar eru ekki vandamál? Getur þú fært rök fyrir því hvers vegna uppskurðir eru gagnlausir, þegar milljónum lífa er bjargað árlega með uppskurðum af ýmsum toga? Þessu er varla svaravert og mér finnst hreinlega eins og einhver hafi farið fullur í tölvuna og ákveðið að hrauna yfir vantru.is... virkar svona eins og 'trolling' á mig...
Vissulega er margt sem betur mætti fara í læknavísindunum í dag, aðallega í þjóðfélögum þar sem lyf við einkennum eru svo arðbær að ekki er kostnaðarvænt að eyða tíma í rannsóknir á einhverju fyrirbyggjandi eða læknandi.
Varðandi blómadropana margfrægu, þá er þetta ekkert annað en vígt vatn.
Það er fullt af fólki sem trúir á þetta og trúir því að orka úr blómunum sé í vatninu.
Það er sáraeinfalt að sannreyna svoleiðis fullyrðingar.
Ef ekki er hægt að finna virk efni í vatninu og ekki hægt að mæla 'orkuna' með þeim mælitækjum sem við eigum í dag, er samt auðvelt að prófa þetta.
Ef það er virkilega orka í þessum dropum og þeir hafa þessi áhrif sem hún segir, þá ætti auðveldlega að vera hægt að mæla áhrifin hjá notandanum:
Setja 100 manns á blómadropa, 100 manns á kranavatn, ekki segja þeim hvað verið er að mæla og sjá svo hvort það sé marktækur munur á áhrifunum - passa bara að fólkið þjáist af þeim kvillum sem sagt er að blómadroparnir lagi.
Ef það er enginn munur á blómadropaliðinu og vatnsliðinu, ættu fullyrðingar söluaðilans að vera dæmdar dauðar og ómerkar og hann/hún ákærður fyrir vörusvik.
Það vantar greinilega góða blómadropa gegn geðvonsku.
Það vantar greinilega góða blómadropa gegn geðvonsku.
Lárus, var þessu beint til mín?
Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.
Jóakim Aðalönd - 22/06/05 17:37 #
Einhvern tíma sá ég ljósmynd af Matta Á. Allur grettinn með tunguna lafandi. Enginn fegurð en það fór greinlega heilmikil orka hjá Matta í að ná þessum svipbrigðum. Viss um að blómadropar geti hjálpað drengnum og aukið skilning hans.