Allar færslur Allir flokkar Sos Um félagið Úrskráning Lógó Spjallid@Vantru Póstfang Vantru@Facebook Vantru@Youtube Vantru@Twitter

Misnotkun við helgihald satanista

Síðan um miðjan áttunda áratug síðustu aldar hafa verið útbreiddar sögusagnir um vel skipulögð fjölkynslóða samtök djöfladýrkenda sem stunda kynferðislega misnotkun, pyntingar og morð á börnum um öll Bandaríkin, en þar er fyrirbærið kallað satanic ritual abuse eða SRA. Þessar sögur orsökuðu ofsahræðslu á níunda áratugnum í Bandaríkjunum, það var að miklu leyti vegna skáldsögu sem kallaðist Michelle Remembers (1980). Þegar bókin kom út var hún auglýst sem sönn saga en síðan hafa þrír óháðir rannsóknaraðilar komist að þeirri niðurstöðu að um gabb hafi verið að ræða. Engar sannanir fyrir þessum sögum hafa fundist í Norður Ameríku en þrátt fyrir það hafa ásakanir um slíkt verið áberandi í spjallþáttum í útvarpi og sjónvarpi, sérstaklega í þætti Geraldo Rivera.

Samkvæmt niðurstöðum rannsóknar sem gerð var á fjögurra ára tímabili í byrjun tíunda áratugarins þá eru ásakanir um SRA haldlausar. Rannsóknin var gerð af prófessorunum Gail S. Goodman og Phillip R. Shaver við University of California í Davis í samvinnu við Jianjian Qin (við sama háskóla) og Bette I. Bottoms við University of Illinois í Chicago. Rannsóknin var studd af National Center on Child Abuse and Neglect. Skoðuð voru meira en 12.000 ásakanir og könnun gerð meðal 11.000 geðlækna, starfsmanna félagsþjónustu og löggæslu. Ekki fundust ótvíræðar sannanir fyrir einu einasta tilfelli af misnotkun við helgihald satanista.

Önnur rannsókn var gerð af Kenneth V. Lanning yfirmanni við skóla bandarísku alríkislögreglunnar. Hann hóf rannsóknir sínar árið 1981, og voru niðurstöðurnar sem hann kynnti 1992 samhljóða fyrri rannsóknum, það eru ekki til nægjanleg gögn til sönnunar á einu einasta tilfelli misnotkunar við helgihald satanista.

Hvernig getur staðið á því að fram hafa komið þúsundir haldlausra ásakanna? Flestar ásakanir eru sagðar hafa komið frá börnum. Þar sem það er almenn trú að börn búi ekki til sögur af því þegar þau borða önnur börn eða að hafa verið neydd til að hafa mök við gíraffa eftir að hafa flogið í flugvél á sama tíma og þau áttu að hafa verið í leikskóla þá hafa þessar sögur verið teknir góðar og gildar af trúgjörnum saksóknurum, meðferðaraðilum, lögreglumönnum og foreldrum. Þrátt fyrir þetta hafa rannsóknaraðilar komist að því að það er ólíklegt að börnin búi til sögurnar sjálf. Hvaða koma sögurnar þá? Að öllum líkindum koma þær frá meðferðaraðilum, saksóknurum og foreldrum. Það eru til nægar sannanir fyrir því að þessir aðilar verðlauni börn fyrir að samþykkja uppástungur um furðulega kynferðislega hegðun. Oft samþykkja þessir aðilar ekki neitanir barnanna og yfirheyra þau þar til þeir fá að heyra það sem þeir vilja.

Skeptic's Dictionary : satanic ritual abuse (SRA)

Óli Gneisti Sóleyjarson 02.05.2005
Flokkað undir: ( Efahyggjuorðabókin )

Viðbrögð


ORK - 02/05/05 18:14 #

Ekki það að ég hafi gaman af barnaklámi en mök við gíraffa hehe hehehe það væri gaman að sjá, fullorðinn manneskja gæti kannski haft munnmök við þá en hvernig í ósköpunum átti það að vera hægt að makast við gíraffa, þeir leggjast aldrei niður nema þegar þeir kasta og síðan deyja. einnig væri ekki mikið mál fyrir lögregluna að hafa hendur í hári þeirra sem að eiga gíraffa.


Haukur - 03/05/05 10:58 #

Satt að segja hafði ég ekki heyrt um SRA fyrr en ég las þessa grein. Reyndar heitir námsefnið í ensku 303 SRA en ekki í þessum skilningi.

Þegar háskóla stúdíantar þykjast hafa skoðað tugþúsundir möguleika og ekki fundið eina einustu afgerandi sönnun, þá finnst manni einhvern veginn að þeir hljóti að hafa nokkuð til síns máls. Samt sem áður skil ég ekki alveg hvaða ávinning nokkur ætti að hafa af því að ljúga einhverju þessu líkt upp á lítt þekta sértrúarsöfnuði. Hver er eiginlega ávinningurinn? Landvinningar kristninnar? Barátta gegn Satan?

Geturðu nokkuð frætt mig frekar um það?


Óli Gneisti (meðlimur í Vantrú) - 03/05/05 11:42 #

Það eru kristnir söfnuðir sem græða á þessum sögum, margir þeirra trúa vissulega á þetta og þörfin á Jesú er aldrei meiri en þegar Satan er í bakgarðinum.


Þórður Sveinsson - 03/05/05 12:24 #

Er þetta ekki bara eins og oft er; alls kyns kjaftasögur komast af stað sem eiga sér svo litla sem enga stoð í raunveruleikanum? Þetta þarf ekki að gerast vegna þess að einhver telur sig hagnast á því heldur af þeirri einföldu ástæðu að fólk lætur stjórnast af ímyndunarafli sínu. Ég efast þó ekkert um að til séu kristnir söfnuðir sem ota þessu að fólki í því skyni að búa til einhvern ægilegan óvin; það verkar vissulega sem hvati á fólk til að taka þátt í safnaðarstarfinu.

Annars er ákveðið sannleikskorn í öllum sögunum um hryllilegar aðfarir djöfladýrkenda. Þó að flestir séu þeir ef til vill hið dagfarsprúðasta fólk – ef nota má slíkt orð um þá sem kjósa að trúa á myrkrahöfðingjann – þá eru þess dæmi að djöfladýrkendur hafi framið morð eða aðra glæpi vegna skuggalegs átrúnaðar síns. Ekki er langt síðan greint var frá slíku morði – mjög hrottafengnu – í Þýskalandi. Þá leikur á því grunur á Ítalíu að hópur djöfladýrkenda hafi þar staðið fyrir allmörgum hryllilegum morðum. Auk þess hefur Bandaríkjamaður nokkur játað að hafa kveikt í 26 kirkjum vegna haturs síns sem djöfladýrkanda á kristinni trú. Enn má nefna að í Noregi hafa djöfladýrkendur kveikt í einhverjum elstu og fallegustu kirkjum landsins, auk þess sem hópur djöfladýrkenda í Finnlandi hefur játað á sig morð framið af trúarlegum ástæðum.


Daníel - 03/05/05 14:00 #

Mér skilst líka að "satanistar" séu ansi marglitur hópur. Allt frá því að vera einhverjir geðsjúkir sadistar sem telja sig eiga samleið með hinu "illa" yfir í fólk sem hefur lesið goðsögnina um Lúsífer og finnst hann vera ákaflega misskilinn og í raun velgjörðarengill mannkyns. Þarna er kannski líka um að ræða einhverja sem grípa til þessa úrræðis í einhvers konar mótmælum við kirkjuna? Hins vegar hef ég ekki hugmynd um hveru fjölmennur hópur þetta er, hvernig hann skiptist eða á hvað hann trúir yfir höfuð. Það gæti nú verið gaman að fræðast um það ef einhver veit.


Aiwaz (meðlimur í Vantrú) - 03/05/05 14:37 #

Það hlýtur að vera erfitt að vera "Satanisti" í skilningi kristni. Allar upplýsingar þeirra um Satan fá þeir úr Biblíunni og þar eru örlög hans og fylgjenda fremur döpur. Trúa þeir því að Jehóva (sá sem skapaði Satan) hafi rétt fyrir sér í öllum atriðum nema einu, þ.e. að Satan muni að lokum snúa á þann gamla?

Ef frásögn Biblíunnar um Satan er röng hvaða heimildir hafa þeir þá að byggja á? Allt sem ég hef lesið um Satanisma virðist eitthvert gamalt hippagrín eða bara rugl. Glæpaverk "satanista" eru fyrir mér í sama flokki glæpaverka eins og t.d. glæpir mannætunar Dahmers sem drap fyrir Jesú, sumsé bara geðveikt rugl.


Óli Gneisti (meðlimur í Vantrú) - 03/05/05 19:15 #

Í Noregi þá var það aðallega einn maður sem var að brenna kirkjur, ef ég man rétt, einsog í Bandaríkjunum. Ég hef ákaflega mikla vantrú á djöfladýrkendahræðslu Ítala, ég las mér aðeins til um það fyrir nokkru og fannst það bara fáránlegt. Ef þetta er skoðað þá kemur í ljós að þetta eru engar fjöldahreyfingar, bara nokkrir truflaðir einstaklingar.


Gaui - 03/05/05 21:01 #

Í Noregi var það einn maður, Varg Vikernes, situr inni fyrir morð og nokkrar kirkjubrennur. Annars er alltaf vinsælt að ala á hræðslu fólks.


Þórður Sveinsson - 03/05/05 21:12 #

Það sem Óli og Aiwaz hafa um málið að segja held ég að sé hárrétt. Auðvitað er þetta meira og minna snarbilað fólk sem er úr tengslum við allt og alla. Glæpir þess eru „geðveikt rugl“ eins og Aiwaz orðaði það réttilega. Gott dæmi um það er morðið í Þýskalandi. Þau sem frömdu það eru tveir kolgeðveikir einstaklingar sem hafa æst hvorn annan upp í ruglinu – með þessum líka skelfilegu afleiðingum.

Sem sagt: Það er afar hæpið að hér séu fjöldahreyfingar á ferð. Í mesta lagi eru þetta örlitlir hópar sjúkra og stefnulausra einstaklinga sem hafa rottað sig saman – og þá á ég við alvöru djöfladýrkendur, fólk sem raunverulega trúir öllu þvaðrinu, en ekki þá sem hafa áhuga á „hippagríni“ eða öðru sem flokka má undir yfirborðsmennsku.


anna - 06/05/05 16:36 #

flestar aðferðir sem eru taldar gagnlegar við að tala við börn´varðandi eitthvað svona eru til orðnar útaf öllu ruglinu sem fólk í ótrúlega mörgum stéttum, lögreglu, félagsráðgjöf, sálfræði og fleiru, komst upp með að nota á börnin í þessum málum. Hundruðir barna (ef ekki þúsundir)eru eftir þessar yfirheyrslur búin að ganga í gegnum upplifanir sem tengjast satanískri misnotkun þótt ekkert slíkt hafi átt sér stað, vegna þess sem fullorðið fólk ímyndaði sér og óttaðist. Þeim var sagt hvað þau áttu að segja og verðlaunuð með gjöfum og nammi en þeim var líka sagt frá virkilega sjúkum hlutum sem þau áttu að muna eftir að hefði verið gert við sig. Margar piparmeyjar og barnaheimilastarfshólk lenti í þessum ofsóknum. Það er ekkert kannski með það, þetta er löngu viðurkennt og er ástæða þess að sumsstaðar á vesturlöndum eru núna til félagsvísindalegar aðferðir til að nota á börn sem valda bæði sem minnstum óþægindum fyrir þau og samfélagið.

samt ótrúlegt að þetta hafi gerst svona í nútímanum! ég sá kirkju útí englandi sem tengdist svona máli, frá henni og til húss borgarstjórans áttu að vera leynigöng sem börn voru tekin um til að vera misnotuð af áhrifamönnum samfélagsins meðan fjölskylda þeirra kyrjaði satanískt undir. þessu var trúað og fullorðnir fangelsaðir í tugum meðan börnin bjuggu til villtari ásaknir, þar til það varð ljóst að ekkert af nokkru því sem hafði verið stungið uppá við þau var sannanlegt. Að skoða þessi mál er einn stór furðulegur óhugnaður í mannlegri brenglun. Samt er þetta ekki sérstaklega trúarlegt því þetta grípur samfélög í hræðslu sem sameinar þau kannski eftirá í einhverri varnarkristni.

því miður eru stórir hlutar af bandaríkjunum sýktir af trúarofstæki og heimsku sem á sér engin mörk og þar þýðir ekkert að reyna að sýna fólki frammá afleiðingarnar af þessu. Enn situr þar fullt af fólki (tugir) blásaklaust, allavega af satanismanum og barnafórnunum, í fangelsi og rotnar.

ég sé eftir að hafa verið langorð en það sem ég er að reyna að segja er að mér finnst þetta allveg rosalega merkilegt og ótrúlegt á allab hátt, þetta er nefninlega ekki bara snarbilað f´lk eitthvað heldur voru heil samfélög allskonar stétta, sameinuð í hræðslu og viljanum til að geta hugsað sér þetta. það væri gaman að vita hvað gat legið að baki svona, ofsóknir sem þessar áttu sér stað í þýskalandi, ástralíu, englandi og víðar, auk bandaríkjanna.


en hvað með þetta? - 13/05/05 11:25 #

  1. kafli

REFSINGAR INNAN

BRÆÐRALAGSINS

ELAINE SEGIR FRÁ:

Innan reglunnar var kynlíf frjálst og óheft, og stundað svotil hvenær sem var. Einnig misnotkun á börnum. Mikill hluti allra barna innan reglunnar eru misnotuð reglulega frá því þau eru mjög ung. Reglumeðlimir para sig oftast saman eftir valdastigi. Hér um bil allar athafnir eða samkomur enda með kynsvalli. Vanalega hafa einstakir meðlimir, rétt á að taka þátt í kynlífi ef þeir vilja.

Samfarir við djöfla voru einnig stundaðar. Djöfla sem hægt var að sjá og heyra og finna fyrir á líkamlegan hátt. Það gerðist venjulega á samkomum og í messum þar sem mikið var af eiturlyfjum. Djöflar áttu líka samfarir við fólk gegn vilja þess. Fólk sem verið var að refsa fyrir að gera ekki það sem Satan eða djöflarnir vildu að það gerði. Oft var eiginmaðurinn neyddur til að horfa á, meðan fleiri en einn djöfull höfðu ruddarleg mök við eiginkonu hans. Það var mjög áhrifarík refsing.

Ótti er sú aðferð sem er notuð oftar en allt annað. Ótti við dauðann, ótti við að fjölskyldu manns yrði misþyrmt að manni ásjáandi. Bæði fólk og djöflar voru pyntuð. Oft voru djöflar neyddir til að líkamnast og síðan voru þeir píndir og rifnir í tætlur af öðrum sterkari djöflum, vegna minniháttar óhlýðni. Minningarnar um þessar grimmilegu uppákomur voru greyptar inn í hugskot allra viðstaddra. Síðan var hópnum sagt að þetta væri sýnishorn af því sem mundi verða gert við þá ef þeir dirfðust að óhlýðnast Satan eða djöflunum.

Í miðjum athöfnum, sérstaklega í svokölluðum "æðri" athöfnum þar sem mannfórnir voru viðhafðar, tóku djöflar á sig líkamlegt, mannlegt form. Stundum var erfitt að segja til um það hver væri djöfull og hver væri manneskja. Samt sem áður eru augu djöfla köld og líflaus, snerting þeirra er eins og brennandi kol, en samt er eins og þeir séu lífvana.

Misþyrming ástvina, sérstaklega barna, er aðferð sem er mikið notuð til að tryggja algjöra hlýðni. Foreldrar eru neyddir til að horfa á meðan börnin þeirra eru barin til bana, beitt kynferðislegu ofbeldi á hrottalegan hátt, eða að húðinni er flett af þeim. Ef barnið lifir þetta af, geta foreldrarnir ekki farið með það á sjúkrahús vegna þess að þá yrðu þau sett í fangelsi fyrir ofbeldi gegn barninu. Þau gætu aldrei sannað að þau hefðu ekki misþyrmt barninu, því aðrir Satanistar voru reiðubúnir að vitna um að þeir hefðu séð foreldrana misþyrma því. Læknarnir innan reglunnar vilja heldur ekki annast barnið, nema foreldrarnir geti greitt gífurlegar fjárhæðir.

Mannfórnir eru líka algeng refsing. Rétt á undan öllum mannfórnum er hræðilegt tímabil ótta og örvæntingar þar sem allir í söfnuðinum halda niðri í sér andanum og bíða eftir að sjá hverjum verði fórnað. Mörg fórnarlambanna eru fólk sem hefur óhlýðnast eða reynt að draga sig út úr reglunni.

Varúlfar, uppvakningar (zombies), blóðsugur (vampires) og álíka skepnur eru raunverulega til. Ég hef séð margar slíkar. Þessa leyndarmáls er vandlega gætt af Satan. Enginn stjórnar þessum verum nema Satan eða tignustu djöflarnir hans. Hann notar þær aðallega í refsingarskyni. Ég gleymi aldrei atviki á einni samkomu þegar Satan sigaði varúlfi á mann. Maðurinn stökk á fætur og hljóp af stað með urrandi varúlfinn á eftir sér. Hann hafði engan möguleika á að hlaupa manndýrið af sér. Hann gerði sér grein fyrir því og snéri sér við og tæmdi úr .357 magnum skammbyssu beint á varúlfinn. Varúlfurinn hikaði ekki einu sinni. Hann reif manninn í tætlur. Enginn á samkomunni dirfðist að hreyfa sig eða láta í sér heyra, vegna hræðslu um að varúlfurinn mundi snúa sér næst að honum.

Þessar verur eru manneskjur, sem sérstök tegund af voldugum djöflum, hafa náð á sitt vald. Þeir geta framkallað ákveðnar breytingar á mannslíkamanum. Sum handrit kristinna manna frá hinum myrku miðöldum, sem fjalla um þessar verur í Evrópu eru mjög nákvæm. Ég hef aldrei fundið neinar nákvæmlega réttar lýsingar á þeim, nema í fornum ritum Satanista sem geymd eru í hvelfingum setursins sem Satanistar eiga í hlíðum Kaliforníu. Allir innan reglunnar hata og óttast þessar verur. Þær eru einfarar, 100% ofurseldar Satan. Ég býst við, að á þrengingatímabilinu muni fjöldi þeirra aukast verulega og þá muni Satan nota þær á augljósan hátt.

Aðrar aðferðir, sem eru mikið notaðar til refsinga, eru sjúkdómar af völdum illra anda. Einnig slys, atvinnumissir, o.s.frv. Sjúkdómar af völdum illra anda eru venjulega í miklu uppáhaldi, vegna þess að fáir læknar geta sjúkdómsgreint sjúklinginn sem deyr hægt og rólega á mjög kvalafullan hátt, meðan læknirinn heldur að sjúklingurinn sé að ímynda sér sjúkdómseinkennin.

Flest þeirra barna sem eiga foreldra í reglunni eru vígð Satan, á svipaðan hátt og börn eru blessuð í kristnum kirkjum. Athöfnin felur í sér “skírn” ungbarnsins í blóði fórnardýrs. Þessi börn verða andsetin áður en þau fæðast. Þetta heldur áfram kynslóð eftir kynslóð nema einhverjir foreldrarnir geri Jesú Krist að Drottni og leiðtoga lífs síns og leyfi blóði hans að hreinsa burt allar syndir sínar.

Blóð Jesú er svo máttugt og verk hans á krossinum svo fullkomið, að jafnvel varúlfarnir gætu frelsast ef þeir vildu. Jesús getur reist þá dauðu upp í dag á sama hátt og hann gerði þegar hann gekk um á jörðinni sem maður, og þetta fólk undir stjórn Satans er dautt. Ég lofa Guð fyrir að ég er fullkomlega frjáls í dag. Ég tilheyri Jesú einum, og það er engin leið fyrir Satan eða hans fólk að koma í veg fyrir að ég segi frá hvað er að gerast í konungsríki hans.

Lesandi minn, ef þú ert meðlimur í Bræðralaginu, þá getur þú einnig frelsast úr þessum fjötrum. Þú þarft ekki að tilheyra konungsríki Satans sem er ríki illsku, myrkurs og ótta. Jesús getur og vill frelsa þig. Það eina sem þú þarft að gera er að biðja hann að þvo burtu syndir þínar með blóði sínu og verða Drottinn þinn og leiðtogi. Ekki bíða, tíminn er mjög stuttur. Jesús kemur skjótt aftur. Það er ekki langur tími til stefnu. Flýttu þér á meðan tími er til. Verður þú skilinn eftir þegar Jesús kemur til að sækja sinn lýð og færir hann heim? Ég bið þig, snúðu þér til hans núna!


en hvað með þetta?a - 13/05/05 11:26 #

  1. kafli

REFSINGAR INNAN

BRÆÐRALAGSINS

ELAINE SEGIR FRÁ:

Innan reglunnar var kynlíf frjálst og óheft, og stundað svotil hvenær sem var. Einnig misnotkun á börnum. Mikill hluti allra barna innan reglunnar eru misnotuð reglulega frá því þau eru mjög ung. Reglumeðlimir para sig oftast saman eftir valdastigi. Hér um bil allar athafnir eða samkomur enda með kynsvalli. Vanalega hafa einstakir meðlimir, rétt á að taka þátt í kynlífi ef þeir vilja.

Samfarir við djöfla voru einnig stundaðar. Djöfla sem hægt var að sjá og heyra og finna fyrir á líkamlegan hátt. Það gerðist venjulega á samkomum og í messum þar sem mikið var af eiturlyfjum. Djöflar áttu líka samfarir við fólk gegn vilja þess. Fólk sem verið var að refsa fyrir að gera ekki það sem Satan eða djöflarnir vildu að það gerði. Oft var eiginmaðurinn neyddur til að horfa á, meðan fleiri en einn djöfull höfðu ruddarleg mök við eiginkonu hans. Það var mjög áhrifarík refsing.

Ótti er sú aðferð sem er notuð oftar en allt annað. Ótti við dauðann, ótti við að fjölskyldu manns yrði misþyrmt að manni ásjáandi. Bæði fólk og djöflar voru pyntuð. Oft voru djöflar neyddir til að líkamnast og síðan voru þeir píndir og rifnir í tætlur af öðrum sterkari djöflum, vegna minniháttar óhlýðni. Minningarnar um þessar grimmilegu uppákomur voru greyptar inn í hugskot allra viðstaddra. Síðan var hópnum sagt að þetta væri sýnishorn af því sem mundi verða gert við þá ef þeir dirfðust að óhlýðnast Satan eða djöflunum.

Í miðjum athöfnum, sérstaklega í svokölluðum "æðri" athöfnum þar sem mannfórnir voru viðhafðar, tóku djöflar á sig líkamlegt, mannlegt form. Stundum var erfitt að segja til um það hver væri djöfull og hver væri manneskja. Samt sem áður eru augu djöfla köld og líflaus, snerting þeirra er eins og brennandi kol, en samt er eins og þeir séu lífvana.

Misþyrming ástvina, sérstaklega barna, er aðferð sem er mikið notuð til að tryggja algjöra hlýðni. Foreldrar eru neyddir til að horfa á meðan börnin þeirra eru barin til bana, beitt kynferðislegu ofbeldi á hrottalegan hátt, eða að húðinni er flett af þeim. Ef barnið lifir þetta af, geta foreldrarnir ekki farið með það á sjúkrahús vegna þess að þá yrðu þau sett í fangelsi fyrir ofbeldi gegn barninu. Þau gætu aldrei sannað að þau hefðu ekki misþyrmt barninu, því aðrir Satanistar voru reiðubúnir að vitna um að þeir hefðu séð foreldrana misþyrma því. Læknarnir innan reglunnar vilja heldur ekki annast barnið, nema foreldrarnir geti greitt gífurlegar fjárhæðir.

Mannfórnir eru líka algeng refsing. Rétt á undan öllum mannfórnum er hræðilegt tímabil ótta og örvæntingar þar sem allir í söfnuðinum halda niðri í sér andanum og bíða eftir að sjá hverjum verði fórnað. Mörg fórnarlambanna eru fólk sem hefur óhlýðnast eða reynt að draga sig út úr reglunni.

Varúlfar, uppvakningar (zombies), blóðsugur (vampires) og álíka skepnur eru raunverulega til. Ég hef séð margar slíkar. Þessa leyndarmáls er vandlega gætt af Satan. Enginn stjórnar þessum verum nema Satan eða tignustu djöflarnir hans. Hann notar þær aðallega í refsingarskyni. Ég gleymi aldrei atviki á einni samkomu þegar Satan sigaði varúlfi á mann. Maðurinn stökk á fætur og hljóp af stað með urrandi varúlfinn á eftir sér. Hann hafði engan möguleika á að hlaupa manndýrið af sér. Hann gerði sér grein fyrir því og snéri sér við og tæmdi úr .357 magnum skammbyssu beint á varúlfinn. Varúlfurinn hikaði ekki einu sinni. Hann reif manninn í tætlur. Enginn á samkomunni dirfðist að hreyfa sig eða láta í sér heyra, vegna hræðslu um að varúlfurinn mundi snúa sér næst að honum.

Þessar verur eru manneskjur, sem sérstök tegund af voldugum djöflum, hafa náð á sitt vald. Þeir geta framkallað ákveðnar breytingar á mannslíkamanum. Sum handrit kristinna manna frá hinum myrku miðöldum, sem fjalla um þessar verur í Evrópu eru mjög nákvæm. Ég hef aldrei fundið neinar nákvæmlega réttar lýsingar á þeim, nema í fornum ritum Satanista sem geymd eru í hvelfingum setursins sem Satanistar eiga í hlíðum Kaliforníu. Allir innan reglunnar hata og óttast þessar verur. Þær eru einfarar, 100% ofurseldar Satan. Ég býst við, að á þrengingatímabilinu muni fjöldi þeirra aukast verulega og þá muni Satan nota þær á augljósan hátt.

Aðrar aðferðir, sem eru mikið notaðar til refsinga, eru sjúkdómar af völdum illra anda. Einnig slys, atvinnumissir, o.s.frv. Sjúkdómar af völdum illra anda eru venjulega í miklu uppáhaldi, vegna þess að fáir læknar geta sjúkdómsgreint sjúklinginn sem deyr hægt og rólega á mjög kvalafullan hátt, meðan læknirinn heldur að sjúklingurinn sé að ímynda sér sjúkdómseinkennin.

Flest þeirra barna sem eiga foreldra í reglunni eru vígð Satan, á svipaðan hátt og börn eru blessuð í kristnum kirkjum. Athöfnin felur í sér “skírn” ungbarnsins í blóði fórnardýrs. Þessi börn verða andsetin áður en þau fæðast. Þetta heldur áfram kynslóð eftir kynslóð nema einhverjir foreldrarnir geri Jesú Krist að Drottni og leiðtoga lífs síns og leyfi blóði hans að hreinsa burt allar syndir sínar.

Blóð Jesú er svo máttugt og verk hans á krossinum svo fullkomið, að jafnvel varúlfarnir gætu frelsast ef þeir vildu. Jesús getur reist þá dauðu upp í dag á sama hátt og hann gerði þegar hann gekk um á jörðinni sem maður, og þetta fólk undir stjórn Satans er dautt. Ég lofa Guð fyrir að ég er fullkomlega frjáls í dag. Ég tilheyri Jesú einum, og það er engin leið fyrir Satan eða hans fólk að koma í veg fyrir að ég segi frá hvað er að gerast í konungsríki hans.

Lesandi minn, ef þú ert meðlimur í Bræðralaginu, þá getur þú einnig frelsast úr þessum fjötrum. Þú þarft ekki að tilheyra konungsríki Satans sem er ríki illsku, myrkurs og ótta. Jesús getur og vill frelsa þig. Það eina sem þú þarft að gera er að biðja hann að þvo burtu syndir þínar með blóði sínu og verða Drottinn þinn og leiðtogi. Ekki bíða, tíminn er mjög stuttur. Jesús kemur skjótt aftur. Það er ekki langur tími til stefnu. Flýttu þér á meðan tími er til. Verður þú skilinn eftir þegar Jesús kemur til að sækja sinn lýð og færir hann heim? Ég bið þig, snúðu þér til hans núna!


Óli Gneisti (meðlimur í Vantrú) - 13/05/05 11:49 #

Takk fyrir þetta, gott að fá dæmi um þessa heimsku.


AquilaMarke - 13/05/05 12:21 #

"Foreldrar eru neyddir til að horfa á meðan börnin þeirra eru barin til bana, beitt kynferðislegu ofbeldi á hrottalegan hátt, eða að húðinni er flett af þeim. Ef barnið lifir þetta af..." Ég vil bara að það komi fram að ég hef aldrei hitt neinn sem hefur verið húðflettur og lifað það af.


anna - 14/05/05 12:58 #

ha ha, varúlfar satans, hvar heyrði maður nú aftur um þá síðast? humm, æ já alveg rétt, aldrei. en kynlíf með börnum og óhugnanlega viðurstyggilega heimskuleg hegðun fullorðinna, hún gerist náttúrulega bara meðal satanista, það er orðið alveg ljóst. Enginn barnaníðingur með nafn Jesúss á vörunum nei nei.....


Örninn - 13/09/05 14:37 #

Ég heyrði að SATANISTI OG DJÖFLADÝRKANDI séu ekki það sama. Djöfladýrkendur eru bara einhverjir ruglaðir eiturlyfjanotendur. Mér skilst að SATAN merki andstæðingur. Það sé alltaf verið að tönglast á því í biblíunni að maðurinn megi aldrei verða jafngóður Guði. (t.d Aldingarðurinn, Babelturninn)en að Satanistar trúi því að maðurinn eigi að reyna að fullkomna sig.Maður á að reyna að verða betri maður með því að vinna í sjálfum sér. Ekki að láta einhverja 2000 ára gamla bók segja sér að lifa í einhverjum guðsótta. Kirkjunnar menn hafi notað Biblíuna sem stjórntæki og kallað alla sem að hafi viljað verða betri menn og taka ábyrgð á sínu lífi vonda og villutrúarmenn. Ef menn skoða sögu kirkjunnar þá hefur hún staðið á móti öllum mannlegum framförum og fyrir mörgum styrjöldum. Sjáið þið fyrir ykkur þjóðfélag þar sem hver maður myndi eingöngu gera það sem sé gott fyrir sjálfann sig svo lengi sem það skaði ekki aðra. Hver og einn myndi sjálfur leysa sín vandamál og angra ekki aðra. Ekki segja þeim hvernig þeir eigi að hegða sér eða á hvað þeir eigi að trúa.


Vésteinn (meðlimur í Vantrú) - 13/09/05 15:32 #

Vá, þvílík steypa! Gúgl leiddi mig að þessu pdf skjali þar sem kemur í ljós að þetta er heil skáldsaga! Vá maður!


Valdís - 20/09/05 08:32 #

Hmmm... minnir mig óneitanlega á herferð sem fór fram á sama tíma (og kom m.a. í Geraldo) sem barðist gegn hinum illu og spilltu hugleikjaspilurum

http://ptgptb.org/0004/hist4.html

sem áttu einmitt að leiða fólk út í satanisma. Kastaðu teningunum og seldu sál þína Djöflinum. Merkilega lengi þurfti að útskýra fyrir fólki að maður þurfi ekki að vera geðveikur til að spila hlutverkaspil.

Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.