Við hvetjum alla að lesa páskapredikun biskups Þjóðkirkjunnar. Maðurinn heldur fast í þau ósannindi sín að verið sé að þrýsta á um að úthýsa kristinfræðikennslu í skólum. En það er fleira sagt og sumt af því, um trúleysingja, hljómar vægast sagt fordómafullt. Lesið sjálf.
Já, en það er bæði ljótt og ómálefnalegt að kalla menn lygara ;)
Mér þykir biskup skjóta sig í fótinn þegar hann setur upp andstæðurnar: vantrú, hroki og hleypidómar vs. kærleikur, trú og von. Mér finnst ræða biskup bera merki trúar, vonar, hleypidóma og hroka. Ég tel það hleypidóma að setja vantrú, hroka og hleypidóma undir sama hattinn og hroka að setja kærleika, trú og von undir sama hattinn. Mér leiðist það viðhorf að trúað fólk hafi einkarétt á kærleika og von og einnig að allir trúleysingjar séu stimplaðir hrokafullir og fordómafullir.
"Dæmið ei, svo þér verið ekki sjálfir dæmdir" á Jesú Jósefsson að hafa sagt fyrir 2000 árum. Þessi sami biskup mætti í Silfur Egils um daginn og hafði uppi margvíslega fordóma gagnvart trúleysi og trúleysingjum. Ætli hann sé ekki með undanþágu frá "Guði" sjálfum frá kristilegu líferni.
Þessi hindurvitnaklúbbur sem biskup er í forsvari fyrir hefur sérstök lög sér til verndar, en sjálfir mega þeir, í nafni umburðarlyndis, moka skít yfir okkur trúleysingjana með nánast samskonar málflutningi og Bobby Fischer notar um gyðinga.
Spurning hvort ekki sé grundvöllur fyrir að stefna biskupi fyrir meiðyrði. Við erum þó bara að gagnrýna vitleysuna sem boðuð er rakalaust, en látum vera að halda því fram að trúmenn hljóti óumræðilega að vera siðlausir niðurrifsmenn (eða svona næstum því :))
Hvernig væri nú að þið sýnduð öðrum trúarbrögðum umburðarlyndi áður en þið predikið um að aðrir eigi að gera það.....?? Væri það ekki góð byrjun? Biskupinn er æðsti maður lútherstrúar á Íslandi og því fullkomlega eðlilegt að hann vilji veg hennar sem mestan. eða er það ekki? Hann á ekki að vera trúlaus og tala máli trúleysingja.... það er a.m.k ekki mitt mat!! Mjög góð predikun hjá Biskupi
Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.
Matti Á. (meðlimur í Vantrú) - 28/03/05 14:10 #
Í þessu tilviki held ég að það sé óhætt að halda því fram að biskup ljúgi. Hann fer vísvitandi rangt með, það er ekki nokkur leið að hann sé að misskilja málstað þeirra sem berjast gegn trúboði í skólum. Hefði kannski verið hugsanlegt í fyrsta og annað sinn er hann hélt svipuðu fram, en þetta hefur verið leiðrétt það oft í fjölmiðlum að biskup hefur enga afsökun til að fara rangt með í þriðja sinn.