Ritskoðun í Grikklandi

Dómstóll í Grikklandi hefur bannað teiknimyndasögu um Jesú. Grísku rétttrúnaðarkirkjunni hefur áður tekist að banna bækur sem innihalda "guðlast".

Okkur detta í hug orð Ron Ferguson úr þessari vísun hér:

Svo sannarlega er kominn tími til að hinir kristilegu kalli eftir banni á umdeildri bók sem slegið hefur sölumet um víða veröld. Bók þessi er uppfull af ofbeldi, nauðgunum, fjölkvæni, þjóðernishreinsunum, slóttugum metnaði, hórdómi og morðum fromdum með köldu blóði. Aðalsöguhetja bókarinnar, sem kemur þó ekki við sögu fyrr en seint í bókinni, gerir lítið úr hefðbundnum fjölskyldugildum. Svo víðfræg er þessi bók að það þarf ekki einu sinni að lesa hana áður en hægt er að steðja út á stæti til mótmæla. Þessi bók heitir Biblía - heilög ritning.