Allar færslur Allir flokkar Sos Um félagið Úrskráning Lógó Spjallid@Vantru Póstfang Vantru@Facebook Vantru@Youtube Vantru@Twitter

Andkristnihátíð í kvöld

Minnum á Andkristnihátíð í Tónlistarþróunarmiðstöðinni í kvöld klukkan 18:30. Verðum þar með bás og seljum glænýja boli, auk þess sem við dreifum kynningarefni.

Ritstjórn 21.12.2004
Flokkað undir: ()

Viðbrögð


Sigurjón Valur Ragnarsson - 22/12/04 21:45 #

Ég mætti þarna, keypti mér bol og fékk mér bækling, auk þess sem ég hlustaði á ljúfa tóna. Spurning mín er: Hvernig gekk að selja boli og var fólk eitthvað að skoða kynningarefnið ykkar?


Birgir Baldursson (meðlimur í Vantrú) - 23/12/04 00:56 #

Sæll Sigurjón!

Þú varst sá eini sem keyptir bol. Ég reyndi fyrst að selja fólki þetta á 2.000 kall, en þetta voru allt blankir unglingar þarna. Margir tóku kynningarbæklinginn og stungu á sig til að lesa seinna.

Ég tók eftir að margir þarna voru í mun aggressívari bolum en ég var að selja. T.d. eitthvað í líkingu við „Eldur hreinsar - brennið þið kirkjur“ (mjög Helga Hóslegt) og „Jesus was a cunt“. Skil ekki af hverju fleiri nældu sér ekki í þennan überkúl bol okkar :)


Vésteinn (meðlimur í Vantrú) - 23/12/04 02:25 #

Þú ert að tala um "Eldur er tákn hreinsunar. Brennið .. brennið .. brennið kirkjur"-bolinn með Forgarði helvítis. Flottur bolur sá.


Jón Valur Jensson - 23/12/04 03:09 #

Sorglegt tal frá Vésteini. Er hann þá í raun og veru ekki á móti bókabrennum, og viðurkennir hann ekki frelsi annarra til að hafa sína sannfæringu og mynda um það félagsskap og þar með að reisa félags- eða safnaðarhús yfir sína félagsstarfsemi? Ég er kannski að útleggja þetta í merkingu, sem Vésteinn skrifar ekki upp á, en samt má spyrja: Á að umbera svona ósvífið orðbragð, sem hann mælti með, í "skjóli" þess að það sé svo "cool", og hefði þá ekki mátt segja það sama um strigakjafthátt nazistanna undir lok Weimarlýðveldisins? Er það ímyndun Vésteins, að orð hafi enga ábyrgð og að þau geti ekki, þegar lengst er gengið í fyrirlitningar-yfirlýsingum, leitt til sefjunar og skelfilegra hryðjuverka? Ef sú er hans skoðun að orð hafi enga ábyrgð, þá gengur hann bæði fram hjá því sem gerðist þá í Þýzkalandi og er enn að gerast með hatursuppeldi alöfgafyllstu Múhameðstrúarmanna í Miðausturlöndum. Því að "orð eru til alls fyrst".


Vésteinn (meðlimur í Vantrú) - 23/12/04 09:56 #

Um hvað ertu að tala? Varla heldurðu að ég vilji í alvörunni sjá kirkjur brenndar? Ég sagði ekki annað en að mér þætti bolurinn flottur, sem hann er. Ég sé fyrir mér að þú hristir hausinn yfir ungæðishættinum í þessum ofstopamanni. Orð hafa ábyrgð, já. Svona bolur er samt meinlaus og meðlimir þungarokks-kreðsunnar eru upp til hópa öndvegisfólk sem undarlega margir fordæma vegna tónlistarsmekks þeirra og yfirlýsingagleði.


Jón Valur Jensson - 23/12/04 11:58 #

Mér datt nú bara ekki í hug að fordæma þetta fólk, tek undir, að þetta með bolina sé sennilega – eða vonandi – bara ungæðisháttur. En þetta er samt ekkert til að hrósa, því að illvíg orð eru ekki "meinlaus", nema þau séu töluð í þvílíku tómarúmi, að allir hlægi bara að þeim sem fáránlegum. Engan slíkan hlátur heyrði ég frá Vésteini, en viðurkenni alveg, að hann hefur skýrt og laggott svarið af sér alla samstöðu með hvatningum til að brenna niður kirkjur, þótt hann gæti vart hamið hrifningu sína af því hvað honum þætti bolurinn flottur. En ég er sem sé fullkomlega sáttur við Véstein í þessu máli, finnst hann hins vegar ekki nógu meðvitaður um, að orð hafa ábyrgð.


Birgir Baldursson (meðlimur í Vantrú) - 23/12/04 12:39 #

Já Jón Valur, orð hafa ábyrgð. Og þess vegna eru skoðanir manna ekkert einkamál. Og því ber mönnum að gagnrýna þær skoðanir sem þeir telja rangar og hættulegar. Og þess vegna erum við hér.

Þú mátt búast við að hulunni verði hér fljótlega flett ofan af því hve rangt og hættulegt hugmyndakerfi kaþólsk trú er. Það verða að öllum líkindum kaþólskir dagar á Vantrú. Ertu tilbúinn í slaginn?


Jón Valur Jensson - 24/12/04 01:14 #

Já, sæll Birgir, til er ég í slaginn, þótt ég geti ekki endilega lofað, að ég hafi nægan tíma um leið og kallsað er í mig, en svör fáið þið samt og vonandi góð.

Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.