Vikulegur pistil James Randi, 29. október 2004

James Randi hefur í áratugi barist gegn svindlstarfssemi miðla og annarra svikahrappa, á hverjum föstudegi skrifar hann pistil um þau mál sem hafa komið upp þá vikuna.

Í þessari viku fjallar Randi meðal annars um:

• Lýsingu lesanda á því hvernig illir andar eru hreinsaðir úr húsum.
• Hvernig stjórnaðar aðstæður eru nauðsynlegar til að við lendum ekki í því að blekkja okkur sjálf. Fram á þetta hefur verið sýnt t.d. með samanburðarrannsóknum á coladrykkjum.
• Nýja útgáfu af segull-bætir-bragð-víns bullinu.
• Meira um það hvernig Trudeau, sem fjallað var um um daginn, heldur ótrauður áfram með samsæriskenningar sínar um það að verið sé að halda lækningu á krabbameini leyndri. Þessi sami maður heldur svo fast við það að hann hafi fundið lækninguna.
• Hvernig miðill í norskum sjónvarpsþætti varð þess valdandi að saklaus kona var tekin til yfirheyrslu hjá lögreglunni fyrir meinta þátttöku í bílslysi þar sem manneskja lést og ökumaðurinn stakk af.
• Framhald og leiðrétting á greininni um kaldan samruna.
• Hvernig guði og öðrum goðmögnum er í æ meira mæli blandað inn í opinber störf og stofnanir í Bandaríkjunum.
• The Amaz!ng Meeting 3 sem fram fer í Las Vegas um miðjan janúar.