Skeptíkus er félag trúleysingja og efahyggjumanna innan Háskóla Íslands, félagið er nýstofnað en hópurinn sem að því stendur hefur verið til í töluverðan tíma. Þeir sem hafa áhuga á að starfa með félaginu eru boðnir á kynningarfund sem fer fram í stofu 131 í Öskju fimmtudaginn 28. október klukkan 19:30.
Skeptíkus
Ertu kominn með nóg af kjaftæðinu?
Kominn með upp í háls af biskupnum? Prestunum?
Þórhalli og öllum hinum miðlunum?
Skottulæknunum?
Fullorðnu fólk sem trúir á álfa?Ef svo er komdu þá á kynningarfund hjá Skeptíkusi, félagi efahyggjumanna og trúleysingja í Háskóla Íslands.
Fundurinn fer fram í
stofu 131 í Öskju
klukkan 19:30
Gott hjá ykkur. Ég hef verið trúmaður í nokkra áratugi en frelsaðist úr trúarkjaftæðinu fyrir skömmu, eftir að ég las nýjustu bækur Danikens. Mannkynið hefur vaðið í villu trúarofstækis í aldir fáfræði og blindu. Það hefur hrærst í heimskulegum serímóníum byggðum á tækni utanjarðarmannkyns eins og Cargo-sértrúarflokkurinn í óbyggðum Ástralíu, sem tók trú á hermenn sem lentu á meðal frumbyggja í seinni heimstyrjöldinni. Trúarmunir þeirra voru kókdósir, kassar og útvarp og þeir trúa enn á guðinn Johnfrum, sem talinn er hafa verið: John from New York. Það er tími til kominn að við lítum á veröldina í ljósi tækninnar og hættum draugasögunum. (vildi segja meira)
Mig langar að óska þér til hamingju, Einar Ingvi, með það að vera búinn að losa þig undan hugarfjötrum trúarinnar. Þú ert velkominn í okkar hóp og sér í lagi munum við fagna því ef þú lyftir penna málstað okkar til stuðnings.
Einar Ingvi hefur verið öflugur talsmaður hindurvitna á síðum Morgunblaðsins undanfarna áratugi og nafn hans næstum því öðlast einhverskonar celeb-status í þessum málaflokki. Nú er bara óskandi að fleiri slíkir talsmenn átti sig og slái skjaldborg um skynsemina í þessum tjúllaða heimi.
Jú, það höfum við flest og það er minnst á hana nokkrum sinnum á Vantrúarvefnum. Brot úr bókinni er að finna á guðlastvefnum okkar.
Svo má minnast á það að Stefán Pálsson mun fjalla um bókina og áhrif hennar á samfélagið á trúleysisráðstefnunni sem verður haldin síðar í þessum mánuði.
Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.
Birgir Baldursson (meðlimur í Vantrú) - 26/10/04 13:02 #
Til hamingju! Sannarlega kominn tími til að hefja heilbrigðan efa og pósitífisma til vegs og virðingar að ný innan veggja Háskólans, eftir áralangt póst-módern niðurlægingaskeið.