Karl Sigurbjörnsson biskup var stórorður í ræðu sinni á kirkjuþingi í dag, meðal annars sagði hann:
Öll þurfum við, sem þjóð og sem stjórnvöld, sem leiðtogar og löggjafar og skoðanamótendur, fræðarar, uppalendur, að horfa í eigin barm og gjöra iðrun, endurmeta lífsstíl þar sem sífellt er gengið á orkulindir og troðið á lífinu og náunganum í heimtufrekju og hroka. Endurmeta lífsstíl ágengni og sóunar og temja okkur lífsstíl hófsemi og hógværðar.
Morgunblaðið
Nú er minna en vika síðan að Karl Sigurbjörnsson var með svívirðilegar kröfur á hendur íslensku þjóðinni um bætur vegna jarðeigna sem biskupinn telur hina lúthersk evangelísku kirkju eiga, þar sýndi biskup fádæma heimtufrekju og hroka, þar tróð hann á náunga sínum. Þessari yfirgangssemi er biskup búinn að gleyma í dag, nú er hann heilagri en allt sem heilagt er. Karl sýnir hér í verki hið tvöfalda siðferði sem hefur einkennt kirkjunnar menn í gegnum aldirnar. Karli væri hollt að líta í eigin barm og endurmeta gjörðir sínar.
Er græðgin nú alveg að fara með þetta kirkjulið, sem búið er að aka sér í munaði á kostnað skattborgaranna alla tíð?
Svo er hann líka að stinga upp á að samskotabaukar verði meira notaðir í kirkjum hérlendis.
Talandi um blankheit kirkjunnar. Það er mjög áhugaverð grein í nýjasta riti Der Spiegel um þröngan fjárhag bæði Kaþólsku og Lúthersku kirkjunnar í Þýskalandi.
Góð hugmynd með baukana í kirkjunum - það sem máli skiptir er að hætta að ausa í kirkjuna fé úr ríkissjóði.
Bölvaðar rottur geta þetta verið! Eru ennþá í landabraski með landið sem forverar þeirra kúguðu úr íslendingum fyrr á öldum.
Góður punktur þetta með "já það er naumast hvað guð er blankur þessa dagana"...
Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.
Óli Gneisti (meðlimur í Vantrú) - 17/10/04 20:25 #
Við þessu má síðan bæta að í sjónvarpsfréttum í kvöld kom fram að biskup var með hótanir um málsókn á hendur ríkinu vegna fyrrverandi kirkjujarða.