"Kraftaverk gerast dags daglega, í kirkjum, á heimilum, hér og þar, fyrir tilstilli hinnar kristnu fyrirbænar og hún virkar best í kyrrð og yfirvegun, ekki í múgæsingi í stórri höll."
Messaði Séra Bolli Pétur Bollason í útvarpsmessu þann 29 ágúst. Sem sagt kraftaverkin ganga betur í kyrrð og yfirvegun hjá Þjóðkirkjufólki en virka illa hjá Gunnari í Krossinum eða á Omega TV. Hér er augljóslega komin kjaftæðissamkeppni í kraftaverkum.
En, finnst ykkur ekki merkilegt kraftaverkið að Guð sá til þess að FÍB maðurinn og presturinn hans kæmust á tómum tanki í bæinn frá Hvolsvelli, enda báðir mennirnir á stífri bæn allan tímann, en skipti sér ekki af fjöldamorðunum í Ossetíu sem var verið að fremja á sama tíma?
Þetta á náttúrulega við um öll þessi litlu kraftaverk sem sumir trúmenn fullyrða að gerist á hverjum degi. Auðvitað væri ömurlegt ef almáttugur Gvuð skiptir sér af einhverjum tittlingaskít í kjölfar þess að beðið er til hans en hunsaði á sama tíma fjöldamorð á börnum. Ef almáttugur Gvuð væri til væri þetta samt sem áður raunveruleikinn.
En trúspekingar finna yfirleitt leið til að koma sér undan svona klemmum, vegir Gvuðs eru órannsakanlegir eða eitthvað í þá áttina. Ömurlegt.
Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.
Matti Á. (meðlimur í Vantrú) - 05/09/04 19:57 #
Þú verður að átta þig á því að leikskólapresturinn notar sérkristilega útgáfu af hugtökunum: kraftaverk, gerast, dags, daglega, tilstilli, kristnu, fyrirbænar, kyrrð, yfirvegun og múgæsingi. Ef við, óguðfræðimenntaðir sauðirnir, gætum bara öðlast sama skilning á þessum hugtökum myndum við sjá þeirra hlið á málinu. Menn sem lesa þau með skynsemi að leiðarljósi munu aldrei sjá neitt annað en órökrétt kjaftæði.
En auðvitað er það fyrst og fremst misnotkunin á hugtakinu virkar sem er verst og algengust hjá galdraprestunum.