Allar færslur Allir flokkar Sos Um félagið Úrskráning Lógó Spjallid@Vantru Póstfang Vantru@Facebook Vantru@Youtube Vantru@Twitter

Kristnir Nasistar

Ein mynd segir oft meira en þúsund orð. Næstum allir íbúar þriðja ríkisins voru kristnir og úr þeim jarðvegi spratt nasisminn. Gyðingahatur var sameiginlegt hagsmunamál kirkju og ríkis á þeim tíma. Við skulum skoða nokkrar myndir frá þeim tíma þegar kristin kirkja og nasismi áttu samleið.

Guðspjallið, mynd af Lúter í sunnudagsútgáfu blaðsins ætluð kristnum Nasistum.


Dæmigerður áróður kristinna Nasista þar sem Jesús var ekki talinn Gyðingur.


Hefðbundin kristilegur nasistaáróður þar sem forfaðir Gyðinga er sagður sjálfur djöfullinn.


Guðfræðinemar heilsa Theophil Wurm biskup að nasistasið þegar hann yfirgefur kirkju í Stuttgart.


Nasistar gera skriflegt samkomulag við Páfagarð.


Kristileg áróðursplaköt fyrir Hitler vegna kosningana 1933


Kristilega Meðhjálparablaðið þar sem Hitler er hylltur sem leiðtogi allra Þjóðverja.


Hér eru börn vöruð við Gyðingum sem þykjast vera kristnir.


Hitler skilað afmæliskveðjum frá Kaþólsku kirkjunni.


Hitler við kristilegt minnismerki um fallna hermenn


Hitler heilsar Muller biskupi þriðja ríkisins.

Hitler heilsar kaþólskum kardinála
Hitler heilsar kaþólskum kardinála

Kaþólskir biskupar heilsa Hitler af nasískum sið.
Kaþólskir biskupar heilsa Hitler af nasískum sið.

Prestar heilsa af nasískum sið.<br />
Prestar heilsa af nasískum sið.

Nasistar minnast fallinna hermanna og halda til messu.<br />
Nasistar minnast fallinna hermanna og halda til messu.

Fjöldasamkoma Lúterskra nasista.<br />
Fjöldasamkoma Lúterskra nasista.

Nasísk kirkjusamkoma<br />
Nasísk kirkjusamkoma

Hitler eftir kristilega sunnudagsmessu.<br />
Hitler eftir kristilega sunnudagsmessu.

Hitler gefur eiginhandaráritun til kristinna aðdáenda sinna.<br />
Hitler gefur eiginhandaráritun til kristinna aðdáenda sinna.

Hitler fer með bæn.
Hitler fer með bæn.

Hitler við kristilega gröf móður sinnar.<br />
Hitler við kristilega gröf móður sinnar.

Kardináli í fylgd nasista.
Kardináli í fylgd nasista.

Prestar heilsa Hitler með nasískri kveðju á samkomu ungra Kaþólikka.
Prestar heilsa Hitler með nasískri kveðju á samkomu ungra Kaþólikka.

Guð er með okkur  Merki hersveita Hitlers
"Guð er með okkur" Merki hersveita Hitlers

Kaþólsk nasistamessa.<br />
Kaþólsk nasistamessa.

Kristin ungmenni heilsa Kirkjunnar þjónum að nasistasið eftir messu.<br />
Kristin ungmenni heilsa kirkjunnar þjónum að nasistasið eftir messu.

Frelsarinn 06.03.2004
Flokkað undir: ( Kristindómurinn )

Viðbrögð


Davíð - 06/03/04 15:38 #

"Nasista Kirkjan", fangelsaði alla þá presta sem ekki féllu undir siðbót þeirra nær öll Biblían var bönnuð allt gamla testamenntið og bréf Páls voru júðavilla og Jesú var aríi. Þannig að var þessi kirkja hans kristin að mínu mati og kristinna presta á Íslandi fyrir stríð og eftir NEI. Í kirkjuritinu er áhugavert að lesa það að kristnir menn í evrópu höfðu í hyggju krisniboð til þýskalands svo slæmt var víst ástandið ( þegar ég á við slæmt þá á ég við fráhvarf frá kristnidómnum). Í þessum fréttaritum segir einnig frá því að á Lúthersku móti hafi erindrekar þýsku kirkjunnar sagt að allt væri í lagi heimafyrir, en fáir trúðu þeim orðum. Ef þess er óskað get ég nefnt tölublöð kirkjuritsins, eftir nokkra daga þar sem á nokkra árganga. kveðja Davíð


Frelsarinn (meðlimur í Vantrú) - 06/03/04 16:35 #

Í seinni heimstyrjöldinni voru trúarbrögð nýtt til hins ýtrasta. Bæði í áróðri og þau börðust innbyrðis. Bandamenn reyndu hvað þeir gátu að lýsa þjóðverja sem andkristna, því miður hefur þetta kirkjurit bara verið að lepja upp hluta af þeim áróðri. Á sama hátt reyndu nasistar að segja frá úrkynjun og andkristni hjá Bandamönnum.

Staðreyndin er bara sú að Þjóðverjar voru jafn Kristnir og Íslendingar. Sóttu sínar messur og ástunduðu bænir í Drottins nafni o.s.frv.

Sögur eru til af einstaka Prestum, sem þrátt fyrir bann nasista, höfðu hakakrossinn á altarinu. Það er ekki aðalatriði málsins því staðreyndin er sú að meirihlutinn var bara venjulegt kristið fólk sem hataði Gyðinga eins og Lúter hafði boðað. Það var ekkert nýtt í Þýskalandi því Nasistar og Kirkjan áttu samleið að sama takmarki.

Hins vegar var Hitler Kaþólskur og vildi veg hennar meiri í Þýskalandi. Hann var í nánu samráði við Páfagarð vegna útrýmingu á rétttrúnaðarkirkjunni í austur evrópu. Sú saga er afar hrottaleg þar sem Hitler lét drepa þúsundir rétttrúnaðar presta fyrir páfann. Svo ekki sé talað um kristilega útrýmingarbúðunum í Króatíu þar sem rétttrúnaðarfólki slátrað í tugþúsunda vís. Kristnar kirkjudeildir börðust þannig innbyrðis í seinni heimstyrjöldinni um völd og áhrif, allar með sinn rétta málstað. Sökuðu hvor aðra um villu og höfðu upp allskonar haturs áróðri.

Þannig eru ásakanir þínar Davíð að Þjóðverjar voru ekki "rétt" kristnir í raun lýsandi dæmi fyrir þann harmleik sem kristni hefur leitt yfir Evrópu. Feiknar mikill blóðvöllur liggur yfir allri Evrópu í Jesú nafni. Er ekki tími til kominn að menn læri af þessari skelfilegu reynslu og læra af sögunni. Stríðguðinn Yahweh og Jesú ættu að fá sína hvíld eins og sólguðir Faróanna forðum.


Þorkell - 17/03/04 18:29 #

Ég trúi því ekki að það sé ekki búið að laga þessa síðu eftir að Örvar kom með fjölmargar leiðréttingar: http://www.blogg.is/orvar/2004-03-15/23.47.36#nedst

Ég vil ekki trúa því upp á ykkur að slagorð vefsins sé: "Hafa skal það sem betur hljómar" og bið ykkur um að laga þetta hið fyrsta. Einnig væri gott ef þið gætuð fjallað um allan þann fjölda kristinna manna sem barðist gegn nasismanum og lét jafnvel lífið við það, svoa svo alls sanngirnis sé gætt.

Þá væri ekki úr vegi að geta einnig allra þeirra trúleysingja sem tengdust nasistum og allra þeirra andtrúarlegu viðhorfa og þátta sem þar komu fram.

Ég hlakka til að líta hér inn þegar þessi síða hefur verið lagfærð.


Matti Á. (meðlimur í Vantrú) - 17/03/04 20:15 #

Örvar hefur haft næg tækifæri til að setja inn vísun á grein sína - athugasemdir hér eru galopnar eins og þú sjálfur veist. Ekki er nokkur ástæða til annars en að frumkvæðið komi frá honum. Ég var annars ekki búinn að benda öðrum Vantrúarpennum á umræðuna hjá Örvari, enda þótti mér hún ekki merkileg. Sjálfur sá ég ekki tilefni til að laga greinina að svo stöddu.

Þá væri ekki úr vegi að geta einnig allra þeirra trúleysingja sem tengdust nasistum og allra þeirra andtrúarlegu viðhorfa og þátta sem þar komu fram.
Enginn deilir um að sumir Nasistar hafi verið trúlausir. Andtrúarleg viðhorf voru ekki mjög mikil enda forystumenn trúmenn upp til hópa (þó ekki endilega kristnir)

Ég hlakka til að líta hér inn þegar þessi síða hefur verið lagfærð.
En hvernig muntu vita hvort síðan hafi verið lagfærð nema með því að kíkja hér inn reglulega?

Vertu ætíð velkominn og láttu endilega sem oftast í þér heyra.


Örvar - 18/03/04 02:12 #

"Enginn deilir um að sumir Nasistar hafi verið trúlausir. Andtrúarleg viðhorf voru ekki mjög mikil enda forystumenn trúmenn upp til hópa (þó ekki endilega kristnir)"

Þetta lýkar mér! Einmitt það sem ég er að fara fram á. Um það bil tíundi hver nazisti var trúleysingi (atheist) en auðvitað skiptir það engu máli. Allt eins og það ætti ekki að skipta máli að restin af nazistum voru kristnir. Marktækur munur var ekki á hlutföllunum innan og utan nazistaflokksins og því ætti trú (og trúleysi) nazista ekki að vera til umræðu. Hver er þá tilgangur þessar greinar hér? Andtrúarleg viðhorf voru m.a. ekki uppi því kirkjan var tól sem nazistar hugðust og reyndu að nýta sér, með takmörkuðum árangri. En sú nýja þýska kirkja sem þeir hugðust búa til með því að sameina og móta allar kirkjudeildirnar var engu lík. Ég geri ráð fyrir að þú sért að vísa til hugmynda um norræna goðafræði, Atlantis, neo-paganisma, aríanisma og sambland af því við kristni með orðunum "þó ekki endilega kristnir".

Ps. Ég sendi reyndar inn vísun á færsluna mína fyrr í dag. En þið birtið ekki ávísanir (trackback) á síðunum.


Matti Á. (meðlimur í Vantrú) - 18/03/04 08:39 #

Ætli lykilatriði málsins sé ekki það að margir kristnir halda því fram kristin trú sé forsenda góðs siðferðis. Trúleysingja halda því sjaldan fram að trúleysi sé forsenda góðs siðferðis.

Trackback málum verður kippt í lag nú þegar.


Frelsarinn (meðlimur í Vantrú) - 18/03/04 17:31 #

We were convinced that the people needs and requires this faith. We have therefore undertaken the fight against the atheistic movement, and that not merely with a few theoretical declarations: we have stamped it out.

-Adolf Hitler, in a speech in Berlin on 24 Oct. 1933 [Baynes]

Í lok stríðsins bannaði Hitler alla stjörnuspeki, kukl, norræna goðafræði, o.s.frv. Enda var hann kristinn og þoldi ekki þetta kukl Hann lét myrða komma, homma, fatlaða og votta. Hinir sem hann drap voru einfaldlega fyrir honum, en ekki vegna þess að þeir voru kristnir. Eru menn ennþá svona blindir að sjá ekki hvað Hitler var að gera. Hann þóttist vera að uppfylla og framkvæma verk Guðs. Kristnir hafa í gegnum aldirnar hatað *fatlaða, homma og gyðinga. Hitler var bara uppfylla sinn gamla kristilega draum.

Næstum öll Þýska þjóðin var kristin og gekk til kirkju á sunnudögum. Þessar myndir eru bara góð ábending til sjálfumglaðra kristmanna á Íslandi um að nasismi var ekki sprottinn upp úr "vísindahyggju" eða "trúleysi" eins og oft heyrist í hátíðarræðum þegar menn mæra blóðuga líkið á krossinum. Nasismi fæddist í hákristnu landi, þar sem Lúter kennimaður Þjóðkirkjunnar hafði fæðst og starfað. Það er sorglegt að sjá hvernig margt kristið fólk sér ekki eigin bjálka fyrir flísinni.

Hence today I believe that I am acting in accordance with the will of the Almighty Creator: by defending myself against the Jew, I am fighting for the work of the Lord.

-Hitler (Mein Kampf)

*Fatlað fólk var talið á hákristnum tímum andsetið og var farið með slíka einstaklinga verr en skeppnur.


Þorkell - 20/03/04 01:16 #

Gott væri að fá heimildir fyrir yfirlýsingu ykkar um stöðu fatlaðra í kristninni til forna.

Annars vil ég spyrja ykkur að einu. Ef ég gerðist nýnasisti og í áróðri mínum myndi vitna óspart í ykkur hér á vantrú.net (til að höfða til þeirra sem eru á móti trúarbrögðum) og ég birti janvel mynd af Matta og Birgi.com. Væruð þið þar með sekir um nýnasisma og málstaður ykkar þar með líka?

Mér þætti vænt um að fá svar við þessu.


Óli Gneisti (meðlimur í Vantrú) - 20/03/04 08:23 #

Varðandi viðhorf til fatlaðs fólks þá dugar að lesa Lúther til þess að vita að hann hélt einmitt að illir andar væru á bak við fatlanir af ýmsu tagi, hann hafði þessa vitneskju beint frá Jesú.

Hitler þurfti ekkert að taka neitt úr samhengi úr ritum Lúthers til að fá stuðning við kenningar sínar en þú þyrftir einmitt að taka hlutina úr samhengi, eða beinlínis skálda í eyðurnar, til þess að fá útúr því að við séum rasistar.


Þorkell - 20/03/04 10:56 #

Ok. Gefum okkur Óli Gneisti að einn úr ykkar röðum hafi einhvern tíman sagt eitthvað neikvætt um aðra kynþætti, eitthvað sem þið takið ekki endilega undir, og ég myndi nota þau ummæli. Væruð þið þar með sekir um nýnasisma og málstaður ykkar þar með líka?


Árni Svanur - 20/03/04 11:04 #

Tek undir með Þorkeli, það er sjálfsögð krafa að sleggjudómar af þessu tagi séu studdir heimildum.


Þorkell - 20/03/04 11:09 #

"Kristnir hafa í gegnum aldirnar hatað fatlaða"

og

"Varðandi viðhorf til fatlaðs fólks þá dugar að lesa Lúther til þess að vita að hann hélt einmitt að illir andar væru á bak við fatlanir af ýmsu tagi, hann hafði þessa vitneskju beint frá Jesú."

Ég hef ekki kynnt mér stöðu fatlaðra í gegnum söguna en mér finnst ekki vera röklegt samhengi hér á milli. Það að fólk hafi talið illa anda vera að baki fötlun manna merkir ekki að þeir hafi hatað viðkomandi. Ekki hataði Jesús fatlaða!

Og ertu að tala um fatlaða og vangefna eða bara fatlaða? Ég auglýsi sem sagt enn eftir heimildum um meint hatur (sem birtist væntanlega í verki).


Birgir Baldursson (meðlimur í Vantrú) - 20/03/04 11:59 #

Það er sennilega rétt hjá þér, Þorkell að ekki þurfi að vera um hatur í garð fatlaðra að ræða þarna fyrr á öldum. Miklu fremur mætti tala um skelfilegar afleiðingar trúarlegra ranghugmynda.

Ef þig vantar lesefni get ég bent á bókina Blekking og þekking þar sem lýst er með óhugnanlegum hætti hvernig reynt var gegnum aldirnar að reka illa anda út úr geðsjúkum og öðrum fötluðum. Aðferðirnar voru yfirgengilegar.

Vildi að ég hefði tíma til að koma henni á netið. Það gerist vonandi bráðum.

En Frelsarinn talar líka um homma og Gyðinga. Hatrið á þeim hópum á sér beinlínis forsendur í Biblíunni. Við skulum ekki gleyma því.


frelsarinn@vantru.net (meðlimur í Vantrú) - 20/03/04 23:57 #

Oft heyrist í kirkjum landsins að prestar þakka Guði fyrir það sem hann gaf í vöggugjöf. Ekki eru allir jafn heppnir og prestar landsins, því margir búa við alvarlega fötlun. Á hákristilegum tímum var slík fötlun álitin hefnd Guðs og að viðkomandi sé haldin illum öndum. Reyndar má ennþá sjá slíka trú hjá Gunnari í Krossinum, Ómega o.s.frv.

Það er ótrúlegt að kristnir félagar okkar kannast ekkert við illa meðferð á fötluðum. Frá því að meintur alvitur sonur guðs, Jesús Kristur, fræddi fylgismenn sína á að geðfatlaðir og sjúkir séu haldnir illum öndum og þarf engan sérfræðing til að gera sér grein fyrir afleiðingunum. Fatlað fólk þurfti að þola skelfilegar þjáningar á hákristnum tímum. Passía þessa fólks er skelfileg og dæmi um hvernig Íslendingar fóru með slíka einstaklinga mátti sjá í heimildarmyndinni "Þjóð í hlekkjum hugarfarsins" sem sýnd var á RÚV fyrir all löngu síðan við litla hrifningu sjálfumglaðs landans.

Það er eins og þjóðkirkjumenn geti ekki horft um öxl. Á ég virkilega að trúa því að þið hafið aldrei heyrt um illa meðferð á fötluðu fólki á kristnum tímum.

Dæmi um Þjóðkirkjulegt viðhorf eru lög frá 1827 http://www.althingi.is/lagas/129/1827233.html 23 mars. Nr. 3) í laga safninu árið 2003: 3) Nú er barn, sem ferma á, krypplingur, svo að það á bágt með að koma í kirkju til fermingar, eða það getur það eigi að hættulausu vegna stöðugra veikinda eða það hefir svo stórkostleg líkamslýti, að koma þess og yfirheyrsla í kirkjunni gæti vakið hneyksli; og skal þá biskupi heimilt að leyfa, að það sé fermt heima í votta viðurvist.

Svona er nú lagalegt viðhorf Þjóðkirkjunnar til barna sem hafa stórkostleg líkamslýti og krypplingar. Þau eru fermd heima!!! Ekki boðleg í kirkjur því yfirheyrsla þeirra gæti valdið hneykslun.

Orðið "vanskapaður" er kristilegt orð yfir einstaklinga sem eru fatlaðir. Vaknið Kristmenn!


Örvar - 21/03/04 01:57 #

Without pledging ourselves to any particular confession, we have restored to faith its pre-requisites because we were convinced that the people needs and requires this faith. We have therefore undertaken the fight against the atheistic movement, and that not merely with a few theoretical declarations: we have stamped it out. And above all we have dragged the priests out of the depths of the political party struggle and have brought them back again into the Church. It is our determination that they shall never return to a sphere which is not made for them, which dishonors them, and which of necessity brings them into opposition to millions of people who in their hearts wish to hold to the faith but who desire the priests serving God and not a political party.

Ég geri ráð fyrir að Freslarinn sé að vísa til orðanna "atheistic movement" með tilvitnunni. Ég verð að hryggja hann með því Hitler er hér að vísa til kommúnista og sósíalista. Þeim var bannað að taka þátt í kosningarbaráttunni, leiðtogar þeirra handteknir og blaðaútgáfa þeirra stöðvuð í framhaldi af því að reynt var að kveikja í þinghúsinu í Berlín 1932 og kommúnistanum Marianus van der Lubbe kennt um.

Höldum svo áfram að vitna í Hitler. Athugið að nú eru þetta einkasamtöl en ekki pólitískar ræður.

Aðfaranótt 12. júlí 1941:

"In the long run, National Socialism and religion will no longer be able to exist together."

"The ideal solution would be to leave the religions to devour themselves, without persecutions. But in that case we must not replace the Church by something equivalent. That would be terrifying!"

"The heaviest blow that ever struck humanity was the coming of Christianity. Bolshevism is Christianity's illegitimate child. Both are inventions of the Jew. The deliberate lie in the matter of religion was introduced into the world by Christianity. ..."

"Let it not be said that Christianity brought man the life of the soul, for that evolution was in the natural order of things."

  1. desember 1941:

"Christianity is an invention of sick brains, ..."

  1. október 1941:

"So it's not opportune to hurl ourselves now into a struggle with the Churches. The best thing is to let Christianity die a natural death, ..."

Svona lagað má lengi tína til. Heimild: Hitler's Table Talk 1941-1944 Adolf Hitler.

[Hitler] lét myrða komma, homma, fatlaða og votta.

Nazistar byrjuðu að stunda líknardráp (m.a. á fötluðum) um 1933. Prestar eins og Wurm (sem í færslunni hér fyrir ofan er kallaður nazisti) börðust gegn þeirri stefni.

Ef menn vilja vita hvað Hitler og nazistar höfðu í huga fyrir kirkjuna þá er ráð að lesa skýrslur OSS (forveri CIA) fyrir Nuremberg-réttarhöldin. Sjá einnig frétt um birtingu skýrslanna:

The first installment published by the Rutgers Journal of Law and Religion lays out a Nazi plan to eliminate Christianity and convert its followers to an Aryan philosophy.

Ein spurning í lokin. Ef kristnir skulu bera ábyrgð á Hitler, í hverra skaut falla þá Maó, Lenín, Stalín og Marx?


Óli Gneisti (meðlimur í Vantrú) - 21/03/04 03:08 #

Örvar, geturðu bent á hvar Wurm er kallaður nasisti? Vísar textinn við myndina ekki á að guðfræðinemarnir séu að heilsa honum með Hitlerskveðjunnni. Hér er augljóslega verið að benda á guðfræðinemana en ekki Wurm. Þetta er dæmi um að þegar bent er á stjörnurnar þá horfir fíflið á fingurinn. Eða kannski bara þú enn og aftur að lesa það sem þú vilt lesa útúr hlutunum.

Ég hef engan áhuga á því að fullyrða neitt um trúarskoðanir Hitlers. Ég veit hins vegar að hann beitti kristni og kristinni kirkju í baráttu sinni gegn meðal annars gyðingum. Aðeins örfáir kirkjunnar menn börðust gegn þessum ofsóknum og margir þeirra voru einungis mótfallnir því að ráðast gegn "kristnum gyðingum".

Kristni varð að vopni í höndum Hitlers, sérstaklega varð Lúther sterkt vopn í höndum hans. Það er ekkert öflugra vopn til að blinda menn en trúarbrögð.

Varðandi það hvaða illmenni trúleysingjar "eiga" þá virðist þú hafa misst af afskaplega mikilvægum punkti sem Matti kom með hér að ofan (þessi punktur á reyndar við flest atriði sem þú kemur inn á): "Ætli lykilatriði málsins sé ekki það að margir kristnir halda því fram kristin trú sé forsenda góðs siðferðis. Trúleysingja[r] halda því sjaldan fram að trúleysi sé forsenda góðs siðferðis."


frelsarinn@vantru.net (meðlimur í Vantrú) - 21/03/04 10:52 #

"I am now as before a Catholic and will always remain so."

( Adolf Hitler, from John Toland [Pulitzer Prize winner], Adolf Hitler, New York: Anchor Publishing, 1992, p. 507. )

Það er hlægilegt að sjá Örvar rugla saman stefnu Hitlers sem vildi aðskilja ríki og kirkju, og kalla það að hann hafi verið á móti Kristni. En spaugilegra er að vitna í skjöl sigurveranna sem kepptust við að kalla nasista andkristna. Á sama hátt og Nasistar kepptust við að kalla bandamenn andkristna. Hefðu hinir ógeðslegu kristnu Nasistar unnið stríðið væri yfirlýst stefna þjóðkirkjunnar að bandamenn hafi verið andkristnir. Það er sorglegt að sjá menn missa allt niður sig. Vaða úr einu í annað, reyna að finna flísina hjá náunganum en verða ekkert var við eigin bjálka. Örvar og félagar eru í afneytum, eflaust er það besta leiðin til halda trúnni en á sama tíma verulega hættulegt. Haninn hefur galað miklu oftar en þrisvar hjá þér Örvar minn ;)


Örvar - 21/03/04 21:54 #

Ég hef engan áhuga á því að fullyrða neitt um trúarskoðanir Hitlers. Nei Óli, ekki ég heldur. Höfundur myndasyrpunnar staðhæfir hins vegar hér fyrir ofan [18/03/04 17:31] að Hitler hafi verið kristinn og styður það með tilvitunum. Ég er eingöngu að benda á að það séu einnig heimildir um hið andstæða.
Kristni varð að vopni í höndum Hitlers, sérstaklega varð Lúther sterkt vopn í höndum hans.

Já, ég hef einnig bent á það að vopnið reyndist honum ekki nægilega vel vegna andstöðu innan kirkjunnar. Að lokum ákveður Hitler að setja sig ekki upp á móti kirkjunni (fyrir utan þá presta sem voguðu sér að tala gegn honum - það má lesa hvað varð um suma þeirra presta í skýrlum OSS sem ég vísa til hér fyrir ofan).

Svo er líka gott að hafa í huga að það er auðvelt að dæma menn fyrir aðgerðaleysi þegar maður situr öruggur hérna upp á litla góða Íslandi hálfri öld seinna. Ég vildi að ég væri jafn viss og þið virðist vera um að ég hefði alltaf getið hið "rétta" hefði ég verið uppi á þessum ógnartímum.

... þá virðist þú hafa misst af afskaplega mikilvægum punkti sem Matti kom með hér að ofan ...

Nei, ég missti ekki af punktinum hans Matta. Ég sé samt ekki hvernig hann réttlæti svona málflutning. Þið hafið ítrekað kvartið yfir því að fólk samsami trúleysi og siðleysi. Dæmi um slíkt væri grein sem varaði við trúleysi með því að vísa til allra tugmilljónanna sem létust undir harðstjórn trúleysinganna sem ég taldi upp hér hér fyrir ofan. Slík grein er fyrir mér alveg samsvarandi þessari sem hér er um rætt. Mér finnst litlu skipta þó þið bætið því við eftir á að þessi grein sé einhverskonar viðvörun til kristinna manna sem halda því fram kristnin ein sé forsenda góðs siðferðis. Reyndar hef ég ekki orðið var við þessar tvær staðhæfingar í umræðunni hingað til.


Örvar - 21/03/04 21:56 #

Það er hlægilegt að sjá Örvar rugla saman stefnu Hitlers sem vildi aðskilja ríki og kirkju, og kalla það að hann hafi verið á móti Kristni.

Þú verður að benda mér á hvar ég geri það.

En spaugilegra er að vitna í skjöl sigurveranna sem kepptust við að kalla nasista andkristna. Á sama hátt og Nasistar kepptust við að kalla bandamenn andkristna.

Og þú vitnar ítrekað í pólitískar ræður Hitlers þar sem hann leggur einmitt áherslu á kristnina sem andsvar við gagnrýninni frá útlöndum.

Gerir þú þér grein fyrir því að þið eruð að haga ykkur ansi svipað og sigurvegararnir í Nurmberg. Birt var einföld og einslit mynd af glæpunum og hinir seku fengu ekki að verja sig að neinu marki, þeir máttu ekki setja atburðina í sögulegt samhengi. Svo voru bandamenn einnig sekir um ýmsa glæpi en þeir voru aldrei nefndir.

En ég verð annars að hrósa ykkur félögunum að hafa náð að lesa þessar 130 bls. á svona stuttum tíma og jafnóðum dæmt þær ómarkverðar. Er kannski allt sem ekki er tekið copy-paste of nobeliefs.com ómarkvert?

Örvar og félagar eru í afneytum, ....

Hverju er verið að afneyta? Ég hef bent á hvernig farið er frjálslega með staðreyndir hér í nafni málstaðsins og hann þar með rýrður að mínu mati. Í raun reynt að benda á að ekki sé hægt að súmmera sögu kirkjunnar í Þriðja ríkinu með nokkrum velvöldum myndum og tilvitnunum.


frelsarinn@vantru.net (meðlimur í Vantrú) - 21/03/04 23:42 #

Örvar minn, sama hversu þér finnast þessar myndir leiðinlegar, þá segja þær sína sögu. Eflaust má hártogast um tilefni myndefnisins, en það breytir ekki þeirri staðreynd að Þjóðverjar voru kristnir fyrir tíma nasista og eftir tíma nasista. Flestir nasistar voru kristnir með fáeinum undantekningum. En sú saga sem kirkjunnar menn hér á landi hafa alið á er að nasistar hafi verið einhverskonar vélvædd trúleysis vísindahyggja og að nasistar hafi ofsótt kristið fólk. Hér er aðeins verið að benda fólki á nasistar voru kristnir. En í staðin leggjast menn í allspaugilega vörn í að leita flísa.


Óli Gneisti (meðlimur í Vantrú) - 22/03/04 00:19 #

Örvar, það var nær engin andstaða innan kirkjunnar við nasisma, jafnvel þeir sem voru með einhverjar mótbárur voru aðallega gegn því að "kristnir gyðingar" væru ofsóttir.


Hjalti (meðlimur í Vantrú) - 24/03/04 02:24 #

Eins og Örvar viðurkennir á heimasíðunni (www.blogg.is/orvar) sinni þá eru það ákveðnir fordómar hjá honum að kalla Streicher ekki kristinn, eins of Gunnar í Krossinum myndi ef til vill kalla hann ókristinn núna (með fullri virðingu fyrir Gunnari og Örvari). Því miðuer hefur verið lokað á ayhugasemdir hja´honum þar en það virðist sem svo að þeir sem að sjá annað út úr orðum Jesús heldur en hann eru ekki sannkristnir.


Birgir Baldursson (meðlimur í Vantrú) - 24/03/04 15:29 #

Mjög skoskt.

Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.