[...] ég er sannfærður um að ég starfa fyrir hönd skapara okkar. Með því að berjast gegn Gyðingunum. Ég er að vinna verk Drottins.
Adolf Hitler
Hvers vegna var þýska þjóðin svona viljug til að taka þátt í gyðingaofsóknum nasista? Vegna þess að kristin kirkja hafði undirbúið jarðveginn vel. Með því að stimpla Gyðinga sem morðingja Jesú hafði kristin kirkja gert þá að utangarðsmönnum í Evrópu.
Reyndar er afar veikur grunnur fyrir því að kenna gyðingum um dauða Jesú (jafnvel þó við tökum því sem gefnu að hann hafi yfirhöfuð verið til). Við vitum að þeir sem skrifuðu söguna af krossfestingunni voru að reyna að gera hlut gyðinga sem verstan vegna þess að kristni var þá í samkeppni við gyðingdóm. Höfundarnir voru líka að reyna að komast í náðina hjá Rómverjum og einbeittu sér að því að sýkna þá. Frá trúarlegu sjónarmiði er stórfurðulegt að ráðast á nokkurn fyrir það að drepa Jesú því það var Guð sem ákvað að fórna syni sínum, sökin er hjá Guði og engum öðrum.
Kaþólska kirkjan var í gegnum tíðina mjög dugleg í að dreifa áróðri gegn gyðingum og í að ofsækja þá, margar af þeim yfirlýsingum sem var beint gegn gyðingum voru ekki dregnar til baka fyrr en 1965. Þegar kristnir menn ráku Mára frá Spáni tóku þeir næst til við að hrekja gyðinga úr landi.
Kynt var undir hatur á gyðingum með ritningalestri og helgileikjum, á Íslandi orti Hallgrímur Pétursson um Júðana í Passíusálmum sínum. Fjöldamorð á gyðingum voru skipulögð af kirkjunni með réttlætingu frá Nýja-Testamentinu.
Lúther var einstaklega slæmur í gyðingahatri sínu og gaf fylgismönnum sínum nægar átyllur fyrir því að ofsækja gyðinga. Lúther hvatti bæði trúaða menn og ríkið til að ráðast gegn gyðingum. Það er enginn tilviljun að nasistar hófu ofsóknir sínar gegn gyðingum af alvöru á afmælisdegi Lúthers, hin alræmda Kristalsnótt var skipulögð til að heiðra minningu kirkjuföðurins.
Kristnir menn hafa verið duglegir að kenna trúleysingjanum Nietzsche um að hafa haft áhrif á gyðingahatur nasista, þó það sé löngu ljóst að Nietzsche sjálfur hafði andstyggð á slíku (samanber vinaslit hans við Wagner sem var gyðingahatari). Systir Nietzsche, sem var sjálf kristinn gyðingahatari, falsaði bréf til að láta líta út fyrir að bróðir hennar hefði sjálfur verið andsnúinn gyðingum og gaf þessar falsanir síðan út í bókinni Der Wille zur Macht.
Þó nasistar hafi ráðist gegn gyðingum með réttlætingu gervivísinda kynþáttahyggju þá hefðu þær ofsóknir aldrei getað komið til nema vegna þess að kristin kirkja hafði undirbúið þennan jarðveg haturs.
Hatur Hitlers á gyðingum hefur engin áhrif á það hvort hann hafi verið kristinn enda hafa kristnir menn verið gyðingahatarar í gegnum tíðina. En ég fullyrði hins vegar ekkert um trú Hitlers en ef maður trúir því sem hann sjálfur sagði þá var hann kristinn.
Ástæðan fyrir því að margir gyðingar fóru út í fjármálastarfssemi á sínum tíma og urðu ríkir var vegna þess að þeir máttu yfirleitt ekki eiga land (afleiðing gyðingahaturs) á meðan kristnir menn máttu ekki stunda lánastarfssemi.
Því hefur verið haldið fram að það sé rangt hjá mér að Kristalsnóttin hafi verið skipulögð til að heiðra minningu Lúthers, ég hef verið að skoða allt sem ég finn um málið en finn ekkert sem staðfestir það. Ég hef hins vegar fundið mikið af heimildum sem segja að upplýsingar mínar séu réttar.
Þessi athugasemd mín varnagli þar til að ég get skoðað málið almennilega. Þó ég hafi skrifað þetta í góðri trú um að upplýsingarnar væru réttar (úr fjölmörgum áttum) þá vill ég fá þetta algerlega staðfest.
Sýnið viðbrögð, en vinsamlegast sleppið öllum ærumeiðingum. Einnig krefjumst við þess að fólk noti gild tölvupóstföng, líka þegar notast er við dulnefni. Ef það sem þið ætlið að segja tengist ekki þessari grein beint þá bendum við á spjallborðið. Þeir sem ekki fylgja þessum reglum eiga á hættu að athugasemdir þeirra verði færðar á spjallborðið.
Hægt er að nota HTML kóða í ummælum. Tög sem virka eru: a href, b, i, u, br, p, strong, em, ul, li og blockquote. Einnig er hægt að notast við Markdown rithátt í athugasemdum. Notið skoða takkann til að fara yfir athugasemdina áður en þið sendið hana inn.
Egill - 04/03/04 14:57 #
Góð grein, hinsvegar velti ég fyrir mér fleiri ástæðum fyrir ofsóknum nasista. Tek sem dæmi að gyðingar voru flestir búnir að koma sér vel fyrir í Þýskalandi og voru vafalaust margir Þjóðverjar eitthvað afbrýðisamir útí þá.
Svo velti ég líka fyrir mér hvort að Þjóðverjar sem haldnir voru þessari afbrýðisemi hafi notað afsökunina "gyðingar drápu krist" til að ofsækja gyðinga en í raun var það afbrýðisemin sem olli þessu. Vafalaust hafa þetta verið ástæður sumra.
En er samt sammála þér um að rótin í þessu máli hafi verið gyðingahatur kristinnar kirkju og þessvegna hafi kviknað svona mikil haturbylgja.
Hins vegar held ég að Hitler hafi ekki verið mjög trúaður. Heldur hafi notað kristni og gyðingahatrið sem henni fylgdi til að espa upp fylgismenn sína. Því varla gat Hitler trúað á Jesú því Jesús er jú gyðingur.